Photo from Prasanth Kumar.S

_*ഉണ്ണിക്കണ്ണന്റെ അവതാരദിനം - അഷ്ടമി രോഹിണി.*_



_അമ്പാടിക്കണ്ണന്റെ അവതാര കഥകള്‍ പറയുന്ന അഷ്ടമിരോഹിണി. ജനമനസ്സില്‍ ഉണ്ണിക്കണ്ണന്‍ ഭക്തിയുടെയും ആഘോഷത്തിന്റെയും നെയ്ത്തിരികള്‍ കൊളുത്തുന്ന ദിനമാണ് ശ്രീകൃഷ്ണ ജയന്തി._

_ആലിലക്കണ്ണന്‍റെ ജന്മദിനം ആഘോഷമാക്കുവാന്‍ നാടെങ്ങും ഒരുങ്ങിക്കഴിഞ്ഞു. കൃഷ്ണക്ഷേത്രങ്ങള്‍ ദീപാലങ്കാരത്തിലും ഭക്തിഘോഷങ്ങളിലും നിറഞ്ഞിരിക്കുന്നു. കണ്ണനെ സ്തുതിയ്ക്കുന്ന കീര്‍ത്തനങ്ങള്‍ മുഴങ്ങുകയാണെവിടെയും._

_ബാലഗോകുലം ഇന്ന് ബാലദിനമായി ആചരിക്കുന്നു. നാടെങ്ങും വൈകിട്ട് ശോഭായാത്രകള്‍ നടക്കും._

_ശ്രീകൃഷ്ണന്‍റെ ജന്മദേശമാ യ ഉത്തര്‍പ്രദേശിലെ മഥുരയിലും ദ്വാരകയിലും മറ്റും ശ്രാവണപൂര്‍ണ്ണിമക്കു ശേഷമുള്ള അഷ്ടമിക്ക് - ജന്മാഷ്ടമിക്ക് - ശ്രീകൃഷ്ണ ജയന്തി ആഘോഷിച്ചിരുന്നു._

_അഷ്ടമിയും രോഹിണിയും ഒന്നിക്കുന്ന ദിനം_

_ചിങ്ങമാസത്തിലെ അഷ്ടമി രോഹിണി- ഭക്തിയുടെയും പ്രണയത്തിന്‍റെയും വാത്സല്യത്തിന്‍റെയും അവതാരമായ കൃഷ്ണ ഭഗവാന്‍ പിറന്ന ജന്മാഷ്ടമി. ചിങ്ങമാസത്തിലെ അഷ്ടമിയും രോഹിണിയും ചേര്‍ന്ന ദിവസമാണിത്._

_യുഗങ്ങള്‍ നാലാണ്. കൃത, ത്രേതാ, ദ്വാപര, കലി എന്നിങ്ങനെ. ഇതില്‍ ദ്വാപരയുഗത്തിലാണു ശ്രീകൃഷ്ണന്‍റെ ജനനം എന്നാണു വിശ്വാസം._

_അഷ്ടമിരോഹിണി ദിവസം അര്‍ധരാത്രി കഴിയുന്നതുവ രെ ഉറങ്ങാതെ കൃഷ്ണഭജനം ചെയ്തിരുന്നാല്‍ ഭഗവാന്‍റെ അനുഗ്രഹം ഉണ്ടാകുമെന്നാ ണു വിശ്വാസം. ശിവരാത്രി പോലെ അഷ്ടമിരോഹിണി ദിവസവും രാത്രി മുഴുവന്‍ ഉറക്കമിളച്ചു ഈശ്വരഭജന വുമായി കഴിയുന്നത് കൃഷ്ണപ്രീതിയ്ക്ക് ഉത്തമം._

_അര്‍ദ്ധരാത്രി പാല്‍പ്പായസ മുണ്ടാക്കി വീടിന്‍റെ പിന്‍ഭാഗത്ത് വയ്ക്കുന്നു. ഉണ്ണിക്കൃഷ്ണന്‍റെ കാലടികള്‍ അരിപ്പൊടി കലക്കിയ വെള്ളച്ചായത്തില്‍ വീട്ടുമുറ്റം മുതല്‍ പായസം വച്ചിരിക്കു ന്നിടം വരെ വരച്ചു വയ്ക്കുന്ന പതിവ് കേരളത്തില്‍ പലയിടത്തും ഇപ്പോഴുമുണ്ട്. ഉണ്ണിക്കൃഷ്ണന്‍ രാത്രിയില്‍ വന്ന് ഈ പാല്‍പ്പായസം കുടിക്കുമെന്നാണ് ഇതിനു പിന്നിലുള്ള വിശ്വാസം._

_ജന്മാഷ്ടമി ആഘോഷങ്ങ ളില്‍ പ്രധാനമാണ് ഉറിയടി. ഉണ്ണിക്കണ്ണന്‍റെ വേഷം കെട്ടിയ കുട്ടി ഉറിയില്‍തൂങ്ങിയാടുന്ന വെണ്ണക്കുടം ചാടിപ്പിടിക്കാന്‍ ശ്രമിക്കുന്നു. ഉറിയുടെ ചരട് കാഴ്ചക്കാരില്‍ ഒരാള്‍ വലിച്ചുകൊണ്ടിരിക്കും. കാണികളില്‍ കൗതുകവും ആവേശവും ഉണര്‍ത്തുന്ന താണ് ഈ മത്സരം._

_കേരളത്തിലെ എല്ലാ ശ്രീകൃഷ്ണ ക്ഷേത്രങ്ങളിലും അഷ്ടമിരോഹിണി ദിനം പ്രധാനമാണ്. ഗുരുവായൂര്‍, അമ്പലപ്പുഴ, രവിപുരം, നെയ്യാറ്റിന്‍കര, തമ്പലക്കാട്, തൃച്ചംബരം, ഉഡുപ്പി, തിരുവമ്പാടി, തിരുവല്ല ശ്രീവല്ലഭ ക്ഷേത്രം ചിന്ത്രമംഗലം, ഏവൂര്‍, തിരുവച്ചിറ, കുറുമ്പിലാവ്, താഴത്തെ മാമ്പുള്ളി, കൊടുന്തറ തുടങ്ങി അനേകം ശ്രീകൃഷ്ണ ക്ഷേത്രങ്ങളില്‍ പ്രത്യേക ആരാധനകളോടെ ശ്രീകൃഷ്ണ ജയന്തി കൊണ്ടാടുന്നു._ 

ചക്ര വ്യൂഹം

_ലോകത്തിലെ ഏറ്റവും വലിയ യുദ്ധം ഹരിയാനയിലെ കുരുക്ഷേത്രത്തിൽ വച്ച് നടന്ന കുരുക്ഷേത്ര യുദ്ധമായിരുന്നു എന്നു പറയാം. ചരിത്രത്തിൽ ഒരിക്കൽ മാത്രമേ ഇത്തരം ഭീകരമായ യുദ്ധം നടന്നുള്ളൂ._

_ചക്രം പോലെ കറങ്ങുന്ന, എപ്പോഴും സജ്ജമായ വ്യൂഹമാണ്  ചക്ര വ്യൂഹം. ആകെ 18 വ്യൂഹങ്ങൾ ഉപയോഗിച്ച കുരുക്ഷേത്ര യുദ്ധത്തിലെ ഏറ്റവും അപകടകരമായ യുദ്ധ സംവിധാനം ചക്ര വ്യൂഹം ആയിരുന്നു. ആരെങ്കിലും തളരുകയോ ,പരിക്കേൽക്കുകയോ , കൊല്ലപ്പെടുകയോ ചെയ്താൽ വ്യൂഹം തകരാതെ യും യുദ്ധം നിർത്താതെയും  സൈനികരെ പിൻവലിക്കാ നും, മറ്റൊരാളെ യഥാസ്ഥാന ത്ത് സ്വീകരിക്കുവാനും സാധിക്കും എന്നതാണ് ചക്ര വ്യൂഹത്തിൻ്റെ ഏറ്റവും വലിയ പ്രത്യേകത. സൈനികർക്ക് വിശ്രമമോ, ചികിത്സയോ നൽകുവാനും, ഭക്ഷണം കഴിക്കുവാനും മറ്റും ഇടവേള നൽകുവാനും ചക്ര വ്യൂഹത്തി ന്കഴിയും.യുദ്ധമുന്നണിയിലുള്ള ഒരു മഹാരഥനെ പിന്‍‌വലിച്ചു മറ്റൊരാള്‍ക്കു് എളുപ്പം പകരക്കാരനാവാം എന്നുള്ളതാണു ഇതിൻ്റെ  നേട്ടം. എതിരാളികള്‍ ഒരേ ദിശയില്‍ യുദ്ധം ചെയ്യുവാന്‍ നിര്‍ബന്ധിതരാകുകയും, വ്യൂഹം ചമച്ചവര്‍ക്കു തങ്ങളുടെ;ആക്രമണം എപ്പോഴും സജീവമായി തുടരുവാനും സാധിക്കും._

_യുധിഷ്ഠിരനെ ബന്ധിക്കുന്നതിനാണ് കുരുക്ഷേത്ര യുദ്ധ സമയത്ത്  ഈ നിര ദ്രോണാചാര്യർ  രൂപീകരിച്ചത്.  48 * 128 കിലോമീറ്റർ വിസ്തൃതിയുള്ള ഹരിയാനയിലെ കുരുക്ഷേത്ര എന്ന സ്ഥലത്ത് അനേകലക്ഷം സൈനികരെ കൃത്യമായ അനുപാതത്തിൽ വിന്യസിച്ച് നിർമ്മിച്ച വ്യൂഹമാണിത്.യുദ്ധ രഹസ്യവും വിന്യാസ രീതികളും ചോരാതിരിക്കാൻ വാദ്യങ്ങൾ ഉപയോഗിച്ചാണ് ചക്രവ്യൂഹം നിർമ്മിച്ചത്._

_ആകെ ഏഴ് നിരയിൽ  ആന, കുതിര ,കാലാൾ, രഥം എന്നിവയെ കൃത്യമായ ഗണിത അനുപാതത്തിൽ  വിന്യസിച്ചിരിക്കുന്ന മികച്ച രീതിയിൽ സംവിധാനം ചെയ്യപ്പെട്ട ചക്ര വ്യൂഹം  ഭേദിക്കുക എന്നത് അതീവ ദുഷ്കരമാണ്._

_ഏറ്റവും പുറമേയുള്ള പാളിയിൽ കാലാൾപ്പടയും, ഓരോ നിര കടക്കും തോറും അതിശക്തമായ സൈനിക തന്ത്രങ്ങളും യുദ്ധ സംവിധാന ങ്ങളും വിന്യസിക്കപ്പെടുന്നു എന്നതാണ് ചക്രവ്യൂഹത്തി ൻ്റെ ഏറ്റവും വലിയ പ്രത്യേക ത. ഒരിക്കൽ ശത്രു കുടുങ്ങിയാൽ ആ ഭാഗത്തുള്ള പാളികൾ സ്വയം അടഞ്ഞ ശേഷം  ഒരു വൃത്തമായി മാറും. നാലുപാടുനിന്നും വരുന്ന ആക്രമണത്തെ അകത്ത് അകപ്പെട്ട ശത്രുവിനെ പ്രതിരോധിക്കാൻ കഴിയില്ല.ഗൃഹത്തിന് അകത്തേക്ക് കയറാൻ ശ്രമിച്ചവർ മറ്റു പാളികളിൽ കുടുങ്ങിയിട്ടുണ്ടാകും  എന്നതാണ് അടുത്ത പ്രത്യേകത.ഇക്കാരണങ്ങളാൽ കൊണ്ടുതന്നെ ചക്രവ്യൂഹത്തിൽ അകപ്പെടുന്നവർക്ക് മരണം സുനിശ്ചിതം._

_കൃഷ്ണനും അർജുനനും ദ്രോണാചാര്യർക്കും കർണനും ഉൾപ്പെടെ ഏഴ് പേർക്ക് മാത്രമാണ് ദ്വാപരയുഗത്തിൽ ഇത് ഭേദിക്കാൻ ഉള്ള കഴിവ്.എല്ലാ തരത്തിൽ പെട്ട വ്യൂഹങ്ങളെയും തകർക്കാൻ കഴിവുള്ള വ്യക്തികൾ  ശ്രീരാമൻ, രാവണൻ എന്നിവരാണ്._

_സ്വന്തം സൈന്യം മുഴുവൻ പിന്തിരിഞ്ഞോടിയാലും, രഥം തകർന്നാലും , തേരാളി മരിച്ചാലും, ശത്രുക്കൾ ചുറ്റുപാടും പ്രതിരോധിച്ചാലും 18 തരത്തിൽപ്പെട്ട വ്യൂഹങ്ങളെ എങ്ങനെ തകർക്കണമെന്ന് രാവണൻ  രാവണ ഗീതയിൽ വിശദീകരിക്കുന്നുണ്ട്.രാമ രാവണ യുദ്ധസമയത്ത് സ്വന്തം സൈന്യം പലകുറി പരാജയപ്പെട്ടു പിന്തിരിഞ്ഞോടിയപ്പോഴും ശ്രീരാമൻ്റെ ഗരുഡ വ്യുഹങ്ങളെ രാവണൻ ഒറ്റയ്ക്ക് ഭേദിക്കുകയും തടുക്കുകയും ചെയ്യുന്നുണ്ട്._

_ആയിരക്കണക്കിന് വർഷങ്ങൾക്ക് മുൻപ് ഭാരതത്തിൽ ഉണ്ടായിരുന്ന  ശാസ്ത്ര വിജ്ഞാനത്തിൻ്റെ   ഉദാഹരണങ്ങളിൽ ഒന്നാണ് ശത്രു ഹരങ്ങളായ വ്യൂഹ സംവിധാനങ്ങൾ...🙏🌹🙏_

_ഭാരതീയ പൈതൃകം...🌹🙏_ 

മനുഷ്യൻ ഒറ്റയ്ക്കാണ് , കർമ്മഫലങ്ങളും ഒറ്റയ്ക്ക് അനുഭവിക്കാൻ വിധിക്കപ്പെട്ടുവനാകുന്നു

*🔥മനുഷ്യൻ ഒറ്റയ്ക്കാണ് , കർമ്മഫലങ്ങളും ഒറ്റയ്ക്ക് അനുഭവിക്കാൻ വിധിക്കപ്പെട്ടുവനാകുന്നു .. നമ്മൾ മനുഷ്യർ ജനിക്കുന്നതും മരിയ്ക്കുന്നതും ഒറ്റയ്ക്കാണ്. നമ്മുടെ ജനന സമയത്ത്  നമുക്കൊപ്പം ആരും വരുന്നില്ല , അത് പോലെ മരണ സമയത്ത് എത്ര സ്നേഹത്താൽ ബന്ധിതരാണെങ്കിൽ കൂടി മറ്റൊരാൾക്ക് നമുക്കൊപ്പം വരാൻ നിയോഗം ഇല്ലെങ്കിൽ വരാൻ കഴിയില്ല എന്നത് പരമമായ സത്യവുമാണ് .. നാം ചെയ്യുന്ന കർമ്മങ്ങളും അപ്രകാരം ആകുന്നു .. നാം ചെയ്യുന്ന ഒരു പ്രവൃത്തി അത് എന്ത് തന്നെയാകിലും ചെയ്ത വ്യക്തിക്ക് അതിന്റെ ഫലം ലഭിക്കുന്നതാണ്.. അത് നന്മയോ , തിന്മയോ എന്നതല്ല, അതിന്റെ ഫലം എന്ത് തന്നെയാകിലും, അനുഭവിക്കേണ്ടതും നാം ഒറ്റയ്ക്കാണ്... അത് കൈ കൊണ്ട് ചെയ്യുന്ന പ്രവൃത്തി ആണെങ്കിലും, മറിച്ച് ജീവിതം കൊണ്ട് ചെയ്യുന്ന പ്രവൃത്തി ആണെങ്കിലും അതേ നാണയത്തിൽ മറുവശം ഉണ്ടാകുന്നു.. നന്മ ചെയ്താൽ നന്മ ലഭിക്കും, തിന്മ ചെയ്താൽ തിന്മയും വിതച്ചെടുക്കാം :: അതായത് ജീവിതം എന്നാൽ ഒറ്റയ്ക്കാണ് എന്ന സാരം. നമുക്കൊപ്പം കൂടെയുള്ളവർ കുറച്ച് നാളത്തേയ്ക്ക് കൂടെയുണ്ടാകും... മറ്റ് ചിലർ ഏറെക്കാലത്തെയ്ക്കും ... പക്ഷേ ജീവിതത്തിൽ നാം ചെയ്യുന്ന പ്രവൃത്തികളുടെ ഫലം അനുഭവിക്കേണ്ടത് നാം ഒറ്റയ്ക്കാണ്. - അതിനാൽ തന്നെ ചെയ്യുന്ന പ്രവൃത്തികളിൽ നന്മ ചെയ്യാൻ ശീലിക്കു .. അതിന്റെ ആനന്ദം എന്തെന്ന് അനുഭവിക്കാൻ ശ്രമിക്കു ..*
🔥🔥🔥🔥🔥🔥🔥🔥🔥
            *🙏ശുഭദിനം🙏* 

നിങ്ങൾ മറ്റുള്ളവരിൽ നിന്നും വ്യത്യസ്തമായ ഒന്നല്ല..

നിങ്ങൾ മറ്റുള്ളവരിൽ നിന്നും വ്യത്യസ്തമായ ഒന്നല്ല.. എല്ലാവരും ഈ ലോകത്ത് ഒരേ രീതിയിൽ സൃഷ്ടിക്കപ്പെട്ടു..എല്ലാവരിലും ഈശ്വരൻ തന്റെ ചൈതന്യം നൽകി.. എല്ലാവരിലും വിശേഷ ബുദ്ധിയും.. എല്ലാവരെയും ഈശ്വരൻ സ്നേഹിച്ചു... ഒരു മനുഷ്യനെപ്പോലും വ്യത്യസ്തനാക്കിയില്ല.. എന്നിട്ടും നാം പറയുന്നു നമുക്ക് ഈശ്വരൻ സൗഭാഗ്യങ്ങളും ഐശ്വര്യവും നൽകിയില്ല... മറ്റു ചിലർക്കാകട്ടെ എല്ലാം വാരിക്കോരി നൽകി എന്ന്...

ശരിയാണ്.. ചിലർ സർവ്വ ഐശ്വര്യത്തോടും ജീവിക്കുന്നു.. മറ്റുചിലരാവട്ടെ തികഞ്ഞ ദാരിദ്ര്യത്തിലും.. എന്താണ് ഇതിന് കാരണം.. ഈശ്വരൻ വകഭേദം കാണിക്കുമോ.. ഇല്ല ഒരിക്കലും അങ്ങനെ കാണുകയില്ല.. ഈശ്വരന് എല്ലാവരും ഒരേ പോലെ തന്നെ.. പക്ഷെ ചിലരിൽ സമൃധി വിളയുന്നത് അവരിൽ ഈശ്വരൻ ഉണ്ട്.. അവർ ഈശ്വര പാതയിലെ സഞ്ചരിക്കുന്നുള്ളൂ.. ഈശ്വര തത്വങ്ങളെ അവർ ഉൾകൊള്ളുന്നു.. സത്യത്തിനു നിരക്കാത്ത ഒരു കർമ്മവും അവർ മുൻ ജന്മങ്ങളിലും ഈ ജന്മത്തിലും ചെയ്യുന്നില്ല . ഈശ്വരൻ എന്താണ് നൽകുന്നത് അതുകൊണ്ട് അവർ തൃപ്തിയടയുന്നു.. എല്ലാവരെയും കരുണയോടെയും സ്നേഹത്തോടെയും നോക്കി കാണുന്നു.. ഈശ്വരനെ സ്മരിക്കാതെ ഒരു കർമ്മം പോലും അവർ ചെയ്യുന്നില്ല.. അവർ ചെയ്യുന്ന സൽകർമ്മങ്ങളുടെ ഫലം ആണ് അവർക്ക് ലഭിക്കുന്നത്.. കർമ്മ ഫലം എന്തായാലും നമുക്കു ലഭിക്കും എന്നത് അലിഖിത നിയമം തന്നെ എന്ന് നമുക്കും അറിയാമല്ലോ..

ഈശ്വരൻ എന്ന സത്യത്തെ മറികടന്നവർ സന്തോഷം സമാധാനം ഐശ്വര്യം തുടങ്ങിയ ഒരു സൽഫലം പോലും അനുഭവിക്കാൻ തരമില്ല.. ഇവർ സുഖങ്ങൾ തേടി സഞ്ചരിച്ചു.. ആത്മ സുഖങ്ങളെക്കാൾ വലുതാണ് ഭൗതീക സുഖങ്ങൾ എന്ന് വിശ്വസിച്ചു.. ഈശ്വര തത്വങ്ങളെ വെടിഞ്ഞുകൊണ്ട് ചിന്തകളെയും മനസ്സിനെയും സുഖലോലുപതയിലേക്ക് നയിച്ചു.. മനസ്സിലെ ഈശ്വരനെ കൈവിട്ടുകൊണ്ട് തിന്മയുടെ വശങ്ങളിലൂടെ സുഖങ്ങൾ അനുഭവിച്ചുകൊണ്ട് ജീവിതം ആസ്വദിക്കാം എന്ന് കരുതി..

എങ്ങനെ സാധ്യമാവും സംതൃപ്തിയോടെ ഉള്ള.. ഐശ്വര്യത്തോടെ ഉള്ള.. സന്തോഷവും സമാധാനവും നിറഞ്ഞ ഒരു ജീവിതം.. ചെയ്ത് കൂട്ടിയ പാപകർമ്മങ്ങളുടെ ഫലം കൈപ്പറ്റേണ്ടേ.. അത് നാം തന്നെ അനുഭവിക്കേണ്ടേ.. മരണത്തിന് പോലും അതിൽ നിന്നും നമ്മെ രക്ഷിക്കാനാവുമോ..കർമ്മ ഫലങ്ങൾ നമ്മെ തന്നെ തേടി കണ്ടുപിടിച്ചുകൊണ്ട് നമ്മോട് ചേർന്നിരിക്കില്ലേ.. ഈശ്വര ചിന്തകൾ കൈവെടിഞ്ഞുള്ള ജീവിതം എത്ര ദുസ്സഹം.. ഒരു നേരത്തെ സുഖത്തിനായ് അതും സംതൃപ്തി നൽകാത്ത പാപ സുഖങ്ങൾക്കായ് അലഞ്ഞപ്പോൾ നഷ്ട്ടമായത് സർവ്വ ആത്മ സുഖങ്ങളും സകല സൗഭാഗ്യങ്ങളും.. നേടിയതോ ജന്മ ജന്മാന്തരങ്ങളിലൂടെ അനുഭവിക്കാനുള്ള ദുർവിധികളും..

വീണ്ടും വീണ്ടും.. അതേ രൂപത്തിൽ ജീവിക്കണമോ.. അതോ ചെയ്തു പോയ പാപകർമ്മ ഫലം അനുഭവിച്ചു തീർത്തുകൊണ്ട് നമ്മിലെ സർവ്വ പാപങ്ങളും അകറ്റി ഈശ്വരനോട് ചേർന്നു നിന്നുകൊണ്ട് സത്യധർമ്മങ്ങളിൽ ഊന്നിയ ഒരു പുതിയ ജീവിതമോ..? നന്മയാണ് ഐശ്വര്യവും സമാധാനവും നിറഞ്ഞ ഒരു ജീവിതം ആണ് മുന്നോട്ടും വരും ജന്മങ്ങളിലും ആഗ്രഹിക്കുന്നത് എങ്കിൽ ഭഗവൽ പാദങ്ങളിൽ അഭയം തേടി ഈശ്വര തത്വങ്ങൾ ഉൾക്കൊണ്ട്‌ ഈശ്വര പാതയിൽ ജീവിതം നയിക്കുക.. നമ്മെ സൃഷ്ടിച്ച ഈശ്വരൻ നമുക്കും എല്ലാം നൽകും എന്ന് വിശ്വസിക്കുക.. അതിനായ് കാത്തിരിക്കുക.. എന്താണ് ഭഗവാൻ നൽകുന്നത് അതിൽ സംതൃപ്തി അടയുക.. എങ്കിൽ ഈശ്വരൻ നമ്മിൽ കൃപചൊരിയും എന്നത് സത്യം തന്നെ.. സർവേശ്വരൻ എല്ലാവരെയും അനുഗ്രഹിക്കട്ടെ എന്ന് പ്രാർത്ഥിച്ചുകൊണ്ട് ശുഭദിനം ആശംസിക്കുന്നു.

സമാധീശ്വര ക്ഷേത്രം, ചിറ്റാർ കോട്ട, രാജസ്ഥാൻ

(സമാധിശ്വര) ഇന്ത്യയിലെ രാജസ്ഥാനിലെ ചിത്തോർ കോട്ടയിൽ സ്ഥിതി ചെയ്യുന്ന ഒരു ഹിന്ദു ക്ഷേത്രമാണ്. "സമാധീശ്വരൻ" എന്ന് വിളിക്കപ്പെടുന്ന ശിവനാണ് ഇത് സമർപ്പിച്ചിരിക്കുന്നത്, അതായത് "സമാധിയുടെ കർത്താവ്". എപ്പിഗ്രാഫിക് തെളിവുകൾ സൂചിപ്പിക്കുന്നത് ക്ഷേത്രം 11 -ആം നൂറ്റാണ്ടിൽ നിർമ്മിച്ചതാണെന്നും 13 -ഉം 15 -ഉം നൂറ്റാണ്ടുകളിൽ ഈ ക്ഷേത്രം പുന സ്ഥാപിക്കപ്പെട്ടു എന്നാണ്. 

ലോകത്തിലെ_ഏറ്റവും_വലിയ_അത്ഭുതം എന്താണ്?

താപസ്സിയായ ഒരു ബ്രാഹ്മണന്‍ യാഗത്തിനായി തീ ഉണ്ടാക്കാന്‍ അരണിക്കോല്‍ കടയുന്ന സമയത്ത് അതൊരു മാനിന്‍റെ കൊമ്പില്‍ കുരുങ്ങാന്‍ ഇടയായി..!

മാന്‍ പേടിച്ച് പാഞ്ഞു പോയി ..! അഗ്നിഹോത്രം ചെയ്യാന്‍ അരണി വേണം എന്നതിനാല്‍ ബ്രാഹ്മണന്‍ അതിന് പുറകെ ഓടി ..!

കിട്ടാതെ വന്നപ്പോള്‍ പാണ്ഡവന്‍മ്മാരോട് പറയുകയും,അവര്‍ അത് തേടി പോകുകയും ചെയ്തു ..!

അങ്ങനെ വനത്തില്‍ അരണി തേടിയെത്തിയ അവര്‍ അലഞ്ഞു ക്ഷീണിതരായി..!

അങ്ങനെ ഒരു പൊയ്കയില്‍ വെള്ളം കുടിക്കാന്‍ ഇറങ്ങിയ കുന്തീ പുത്രന്മാര്‍ ഓരോരുത്തരും മരിച്ചു വീണു ..!

അവസാനം യുധിഷ്ഠിരന്‍ മാത്രം അവശേഷിച്ചു ..!

വീരന്മാരായ അവരെ കൊല്ലാന്‍ നിസ്സാരന്മാര്‍ക്ക് കഴിയില്ല എന്ന് മനസിലാക്കിയ യുധിഷ്ഠിരനോട്, പക്ഷിയുടെ രൂപത്തില്‍ യമന്‍ ചോദിച്ച അനേകം ചോദ്യങ്ങളില്‍ ഒന്നാണിത്!!!

ചോദിച്ച എല്ലാ ചോദ്യങ്ങള്‍ക്കും ഉത്തരം കൃത്യമായി പറഞ്ഞപ്പോള്‍ ബാക്കിയുള്ളവരെ യമന്‍ ജീവിപ്പിക്കുകയും ചെയ്തു..!

ആ ചോദ്യങ്ങളും ഉത്തരങ്ങളും മഹാഭാരതത്തിലെ ഏറ്റവും പ്രമുഖമായ
പ്രസ്ഥാവ്യങ്ങളില്‍ ഒന്നാണ് എന്ന് മനസിലാക്കണം..!
👇👇👇👇👇👇👇👇👇👇👇👇👇👇👇

യമന്‍:- ലോകത്തിലെ ഏറ്റവും വലിയ അത്ഭുതം എന്താണ് ..?.

ഉത്തരം :- ദിനം പ്രതി ജീവജാലങ്ങള്‍ ചത്തൊടുങ്ങുന്നു ..! ഉറ്റവരും,ബന്ധുക്കളും ഓരോരുത്തരായി മരിക്കുന്നു. പക്ഷെ ബാക്കിയുള്ളവര്‍ തങ്ങള്‍ക്കു മരണമില്ലന്നും, ഇവിടെ ഈ ഭൂമിയില്‍ സ്ഥിരമായി കഴിയാമെന്നും കരുതി ഓരോരോ കര്‍മ്മങ്ങള്‍ ചെയ്തു ജീവിക്കുന്നു ..! ഈ ചിന്തയാണ് ലോകത്തിലെ ഏറ്റവും വലിയ അത്ഭുതം .!"
______________________________________________

യമന്‍:- "സുഖലോലുപനും, ബുദ്ധിമാനും, ലോകരാല്‍ മാനിക്കപ്പെടുന്നവനുമായ ഒരാള്‍ ശ്വസിക്കുന്നുണ്ടെങ്കിലും,ജീവിക്കുന്നില്ല എന്തുകൊണ്ട് ..?

ഉത്തരം :- ദേവതകള്‍,അതിഥികള്‍, ഭൃത്യന്മാര്‍, പിതൃക്കള്‍ എന്നിവര്‍ക്കും, എന്നിവരോട് ആദരവും,കരുണയും ഇല്ലാത്തവരും, അശരണരെ സഹായിക്കാത്തവരും ശ്വസിക്കുന്നുണ്ടെങ്കിലും ജീവിക്കുന്നില്ല
______________________________________________

യമന്‍:- ഭൂമിയെക്കാള്‍ ഗുരുവായത് എന്ത് ..?

ഉത്തരം :- ഭൂമിയെക്കാള്‍ ഗുരുവായത് അമ്മ .!
______________________________________________

യമന്‍:- ആകാശത്തേക്കാള്‍ ഉയരമെറിയത്‌ എന്ത് ..?

ഉത്തരം :- ആകാശത്തേക്കാള്‍ ഉയര്‍ന്നു നില്‍ക്കുന്നത് അച്ഛന്‍ ..!
______________________________________________

യമന്‍:- കാറ്റിനെക്കാള്‍ വേഗം ഏറിയത് എന്ത് ..?

ഉത്തരം :- കാറ്റിനെക്കാള്‍ വേഗം ഏറിയത് മനസ്സ് ..!!
______________________________________________

യമന്‍: -പുല്ലിനെക്കാള്‍ വ്യാപകമായത് എന്ത് ..?

ഉത്തരം :- പുല്ലിനേക്കാള്‍ വ്യാപകമായത് ചിന്ത
______________________________________________

യമന്‍:- ഏകനായി നില്‍ക്കുന്നതാര് ..?

ഉത്തരം :- സൂര്യനാണ് ഏകന്‍..!
______________________________________________

യമന്‍:-  ജനിച്ചിട്ട്‌ വീണ്ടും ജനിക്കുന്നതാര് ..?

ഉത്തരം :- ജനിച്ചിട്ട്‌ ജനിക്കുന്നവന്‍ ചന്ദ്രന്‍ ..!
______________________________________________

യമന്‍: - തണുപ്പിന്‍റെ ഔഷധം എന്ത് ..?

ഉത്തരം :- തണുപ്പിന്‍റെ ഔഷധം അഗ്നി ..!
______________________________________________

യമന്‍: വിളയുടെ മഹത്വം ആര്‍ക്ക്..?

ഉത്തരം :- വിളയുടെ മഹത്വം ഭൂമിക്ക്..!
______________________________________________

യമന്‍:-ധര്‍മ്മം ,യശസ്സ് , സ്വര്‍ഗ്ഗം, സുഖം എന്നിവ എന്തിനെ ആശ്രയിച്ചു നില്‍ക്കുന്നു ..?

ഉത്തരം:- "അറിവ് ധര്‍മ്മത്തിന്‍റെയും, ദാനം യശസ്സിന്‍റെയും സത്യം സ്വര്‍ഗ്ഗത്തിന്‍റെയും ശീലം സുഖത്തിന്‍റെയും ആശ്രയസ്ഥാനങ്ങളാണ്..!
______________________________________________

യമന്‍:-പരമമായ ധര്‍മ്മം എന്ത് ..?

ഉത്തരം:- അന്യനെ ദ്രോഹിക്കാതിരിക്കുന്നത് പരമമായ ധര്‍മ്മം ..!
______________________________________________

യമന്‍:-സദാ ഫലജമായ ധര്‍മ്മം എന്ത്..?

ഉത്തരം :- സദ്ഫലജം ഈശ്വരനെ മുന്‍ നിര്‍ത്തിയുള്ള കര്‍മ്മം ..!
______________________________________________

യമന്‍:-എന്തിനെ കീഴടക്കിയാല്‍ ദുഃഖം നശിക്കും ..?

ഉത്തരം :- മനസിനെ കീഴടക്കിയാല്‍ ദുഃഖം നശിക്കും ..!
______________________________________________

യമന്‍:-ഒരിക്കലും നശിക്കാത്ത ബന്ധം എന്ത് ..?

ഉത്തരം :- സജ്ജനങ്ങളോടുള്ള ബന്ധം ഒരിക്കലും നശിക്കില്ല ..!
______________________________________________

യമന്‍:- ലോകത്തെ ആവരണം ചെയ്തിരിക്കുന്നത് എന്ത് ..?

ഉത്തരം:- അറിവില്ലായ്മ ലോകത്തെ ആവരണം ചെയ്തിരിക്കുന്നു ..!
______________________________________________

യമന്‍:- എന്തുകൊണ്ട് പ്രകാശം ഉണ്ടാകുന്നു ..?

ഉത്തരം :- ബുദ്ധി ഉണ്ടാകുമ്പോള്‍ പ്രകാശവും ഉണ്ടാകുന്നു ..!
______________________________________________

യമന്‍:- സ്നേഹിതര്‍ വേര്‍പെടുന്നത് എപ്പോള്‍..?

ഉത്തരം :- സ്വാര്‍ഥത ഉണ്ടാകുമ്പോള്‍ സ്നേഹിതര്‍ പിരിയുന്നു ..!
______________________________________________

ഇങ്ങനെ അനേകം ചോദ്യങ്ങള്‍ ..!! അവയ്ക്കെല്ലാം ഉത്തരങ്ങള്‍..!!

വ്യാസഭഗവാന്‍ പറഞ്ഞത് തന്നെ ഞാന്‍ പറയട്ടെ ..

യദി ഹാസ്തി തദന്യത്ര യന്നോ
ഹസ്തി ന തത്ക്വജിത്🙏

മഹാഭാരതത്തില്‍ ഉള്ളതെല്ലാം ലോകത്തിലുണ്ട് ..!

ഇതില്‍ ഇല്ലാത്തത് ഇനിയൊന്നും ലോകത്തില്‍ ഉണ്ടാകാനും പോകുന്നില്ല...!

ഇനി നിങ്ങള്‍ പറയൂ ലോകത്തിലെ ഏറ്റവും വലിയ അത്ഭുതം മനുഷ്യമനസ്സോ ..?
അതോ
മഹാഭാരതമോ ..?

എന്‍റെ ഉത്തരം ഇതാണ്
രണ്ടും അത്ഭുതം തന്നെ.!! 🙏🙏🙏
🌹_______________🌹________________🌹

കടപ്പാട് 🙏 

കോയിക്കൽ ധർമ്മ ശാസ്താ ക്ഷേത്രം പൂഞ്ഞാർ

കോട്ടയം ജില്ലയിലെ പൂഞ്ഞാറിൽനിന്ന് 2.3 കിലോമീറ്റർ അകലെ ഈരാറ്റുപേട്ട - പനച്ചിപ്പാറ റൂട്ടിൽ ആണ്  ദേശാധിപനും, കലിയുഗവരദനും, ആശ്രിതവത്സലനുമായ പൂഞ്ഞാർ കോയിക്കൽ ശ്രീധർമ്മശാസ്താവ് കുടികൊള്ളുന്നത്.. പൂഞ്ഞാർ കൊട്ടാരത്തിനും, മധുരമീനാക്ഷി ക്ഷേത്രത്തിന് സമീപമായിത്തന്നെയാണ് ഈ ക്ഷേത്രവും.  വേദ ശാസ്താവ് അഥവാ വിദ്യാകാരകനായ ശാസ്താവ് എന്ന സങ്കൽപ്പത്തിൽ ആണിവിടെ ശ്രീ ധർമ്മ ശാസ്താവ്. ഏകദേശം ആയിരത്തോളം വർഷത്തെ പഴക്കം ക്ഷേത്രത്തിനുണ്ടെന്നു അനുമാനിക്കുന്നു. കയ്യില് വേദ ഗ്രന്ഥം ധരിച്ച അത്യപൂർവ്വമൂർത്തിയാണു പൂഞ്ഞാര് കോയിക്കല് ക്ഷേത്രത്തിലെ ശ്രീധർമ്മ ശാസ്താവ്. ഗായത്രീ മന്ത്രത്തിൻറെ  അർത്ഥം വ്യാഖ്യാനിക്കുന്ന ശാസ്താവ് എന്നാണു സങ്കൽപം  . ആയോധനകലകളുടെ അധ്യയനവും പരിശീലനവും നടക്കുന്നിടങ്ങളില് എല്ലാം വേദ ശാസ്താവിനേയും ഉപാസിച്ചു വരുന്നു.

കോട്ടയം ജില്ലയിലെ പൂഞ്ഞാർ രാജവംശത്തിൻറെ  അധീനതയിലായിരുന്നു.  ക്ഷേത്രം നിർമ്മിച്ചത് പാണ്ട്യരാജാവ് ആണെന്ന് ക്ഷേത്ര ഐതിഹ്യങ്ങളിൽ പറയുന്നു. ശ്രീ ധർമ്മ ശാസ്താവിന്റെ പരമ ഭക്തനായിരുന്നുവത്രേ പാണ്ട്യരാജവ്. ശത്രു രാജ്യത്തിൻറെ  കീഴിലുൾപെട്ട ഈ പ്രദേശം യുദ്ധത്തിൽ വീണ്ടെടുക്കുവാൻ കാരണമായത് ശ്രീ ധർമ്മശാസ്താവിൻറെ  അനുഗ്രഹം ഒന്നുകൊണ്ടു മാത്രമാണ് എന്ന് അദ്ദേഹം വിശ്വസിച്ചു. ശാസ്താവിൽ ഉള്ള ഭക്തിപാരമ്യത്തിൽ അവിടെ ഒരു ക്ഷേത്രം പണിയുവാൻ അദ്ദേഹം തീരുമാനിച്ചു.. അപ്രകാരം അവിടെ മീനച്ചിലാറിൻറെ  തീരത്ത് പാണ്ട്യരാജാവ് പണികഴിപ്പിച്ച ശാസ്താ ക്ഷേത്രം ആണ് പൂഞ്ഞാർ കോയിക്കൽ ധർമ്മശാസ്താ ക്ഷേത്രം.

മകരത്തിലെ അനിഴം നക്ഷത്രത്തിലാണ് കൊടിയേറ്റും തിരുവുത്സവവും. മീനച്ചിലാറ്റിലാണ് ഭഗവാന്  തിരുവറാട്ട് നടക്കുന്നത്.  മണ്ഡലകാലത്ത് വിശേഷാൽ പൂജകൾക്ക് പുറമേ കളമെഴുത്തും പാട്ടും അയ്യപ്പനു മുന്നിൽ നടക്കുന്നു.  ക്ഷേത്രത്തിലെ മറ്റു താന്ത്രികകര്മ്മങ്ങളും നിത്യപൂജയും എല്ലാം ബ്രഹ്മശ്രീ താഴമണ് മഠം തന്ത്രിമാരിൽ നിഷിപ്തമായിരിക്കുന്നു. 

മനസ്സെന്നത് എപ്പോഴും പരിശുദ്ധമായിരിക്കേണം

മനസ്സിൽ ഈശ്വര ചൈതന്യം ഇല്ല എങ്കിൽ ജീവിതം തന്നെ വ്യർത്ഥം.. നമുക്ക് മുന്നോട്ട് ജീവിതം നയിക്കാനുള്ള ഊർജ്ജം.. പ്രതിസന്ധികളെ മറികടക്കാനുള്ള അറിവ്.. നമ്മുടെ ബുദ്ധിയുടെ ഉണർവ്.. അധർമ്മങ്ങളിൽ നിന്നും ഉള്ള പിന്തിരിവ്.. തുടങ്ങി നല്ലതായ എന്തും ജീവിതത്തിൽ നടക്കേണമെങ്കിൽ നമ്മുടെ മനസ്സിലെ അന്ധകാരം മാറ്റിയെ മതിയാവൂ.. അത് ഈശ്വരാനുഗ്രഹം കൊണ്ടേ സാധ്യമാവുകയുമുള്ളൂ..._

_മനസ്സെന്നത് എപ്പോഴും പരിശുദ്ധമായിരിക്കേണം.. അതിന് ചിന്തകളും നന്മയുടെ വശങ്ങളിലൂടെ ആയിരിക്കേണം.. ചിന്തകൾ വികലമാവുന്നെങ്കിൽ മനസ്സ് അതനുസരിച്ചു കൊണ്ട് ദുഷ് പ്രവണതകളിലേക്ക് നമ്മെ നയിക്കും.. അങ്ങനെ തിന്മയുടെ കരങ്ങളിൽ എത്തിപ്പെടുന്ന നാം പാപ കർമ്മങ്ങളിൽ മുഴുകുകയും നമ്മുടെ ജീവിതം തന്നെ നാം നശിപ്പിക്കുകയും ചെയ്യും.._

_ഇരുളടഞ്ഞ ഒരു മുറി മുഴുവൻ വെളിച്ചം പകരാൻ ഒരു ചെറിയ ദീപം തെളിച്ചാൽ മതി... അതേപോലെ നമ്മുടെ ജീവിതം തിന്മയാൽ ഇരുളട ഞ്ഞെങ്കിൽ അതിലേക്ക് ഈശ്വര നാമത്തിന്റെ ഈശ്വര ചിന്തയുടെ ഒരു ധ്വനി എത്തിപ്പെട്ടാൽ തന്നെ ധാരാളം.. നന്മക്കു മുൻപിൽ.. ഈശ്വര സത്യത്തിനു മുൻപിൽ.. ഒരു ദുഷ് ശക്തികൾക്കും പിടിച്ച് നിൽക്കാൻ കഴിയുകയില്ല.. നാം തന്നെ നമ്മിലുള്ള ഈശ്വരനെ മറന്നു കൊണ്ട് ചിന്തിക്കാൻ തുനിയുമ്പോൾ മാത്രമേ ദുഷ് ശക്തികൾ നമ്മിൽ പ്രവേശിക്കുകയുള്ളൂ.. ഉള്ളിൽ നിറഞ്ഞ ദുഷ് ശക്തികൾ നമ്മുടെ ദുഷ് ചിന്തകളിലൂടെ തന്നെ ബലം പ്രാപിച്ച് ഭൗതീകമായ സുഖങ്ങളിലേക്ക് നമ്മെ ആകർഷിപ്പിക്കുകയും.. അതിലകപ്പെടുന്ന നാം സംതൃപ്തി അടയാത്ത നമ്മുടെ മനസ്സിനാൽ കൂടുതൽ കൂടുതൽ സുഖഭോഗങ്ങളിലേക്ക് ആകൃഷ്ട്ടരാവുകയും.. അതിനായ് ധനം നേടാനും സുഖം നേടിയെടുക്കാനുമായി ഏത് ദുർമാർഗ്ഗങ്ങൾ വരെ സ്വീകരിക്കാൻ തെയ്യാറാവുക യും ചെയ്യുന്നു..._

_മനസ്സിലും ചിന്തയിലും ജീവിതത്തിലും ഇരുട്ട് വ്യാപിച്ചവൻ നല്ലതും കെട്ടതും തിരിച്ചറിയാൻ തന്നെ കഴിയുകയില്ല.. ഈ കാലയളവിൽ തന്നെ ജന്മങ്ങൾ അനുഭവിച്ചു തീർക്കാനുള്ള പാപകർമ്മ ഫലങ്ങൾ നേടിവെച്ചിട്ടുണ്ടാ വും.. ഏതെങ്കിലും രൂപേണ ജീവിതത്തിൽ വന്ന് ചേരുന്ന ദുരന്തങ്ങളിൽ മാത്രമാണ് ഇവർക്ക് സത്യ ധർമ്മങ്ങളുടെ യും ഈശ്വര കൃപയുടെയും അർത്ഥം തന്നെ അറിയുക യുള്ളൂ.._

_നമ്മുടെ ജീവിതത്തിൽ നമുക്ക് സമാധാനം സന്തോഷം എല്ലാം അനുഭവിച്ചു കൊണ്ട് ജീവിതം നയിക്കേണമെങ്കിൽ ഈശ്വര കൃപ നേടിയെടുക്കേണം.. നമ്മുടെ മനസ്സിലെയും ചിന്തകളിലെയും അന്തകാരം ഈശ്വര ചിന്തകളിലൂടെ നമുക്ക് നശിപ്പിച്ച് ഈശ്വര കാരുണ്യത്തിന്റെ പൊൻ വിളക്ക് നമ്മുടെ മനസ്സിൽ തെളിയിച്ച് വെയ്ക്കാം.._

_എല്ലാവരെയും ഈശ്വരൻ അനുഗ്രഹിക്കട്ടെ നന്മകൾ നിറഞ്ഞ ശുഭദിനം ആശംസിച്ചുകൊണ്ട്... 🙏🌹_

_ഹരേ കൃഷ്ണ ഗുരുവായൂരപ്പാ_🙏🏻🌹 

ശ്രീകൃഷ്ണനിൽ പ്രേമം വളർത്തിയാൽ ഭാഗ്യമുണ്ടാവുന്നു

ശ്രീകൃഷ്ണനിൽ പ്രേമം വളർത്തിയാൽ ഭാഗ്യമുണ്ടാവുന്നു.❤️

ശ്രീകൃഷ്ണസ്മരണയിൽ നിത്യം സ്നാനം ചെയ്താൽ എല്ലാ പാപവും പൊടിയായിപ്പോവുന്നു.❤️

ശ്രീകൃഷ്ണചരണാമൃതപ്രേമം നിത്യം പാനം ചെയ്താൽ നമ്മുടെ മനോവൃത്തി തന്നെ മാറിയിരിക്കും.❤️

ശ്രീകൃഷ്ണ ഭഗവാനെ നിത്യം തിലകമണിയിച്ചാൽ നമ്മൾ സർവ്വത്ര സമ്മാനിതരാവും❤️

ശ്രീകൃഷ്ണ ചരണത്തെ സ്വയം തിലകമായണിഞ്ഞാൽ നമ്മുടെ മനസ്സു ശാന്തമാവും❤️

ശ്രീകൃഷ്ണ ഭഗവാന് നിത്യം നിവേദ്യം അർപ്പിച്ചാൽ സംസാരത്തിലെ എല്ലാ ഭോഗവും നമുക്ക് ലഭിക്കും.❤️

ശ്രീകൃഷ്ണന്റെ പ്രസാദം സ്വയം ലഭിച്ചാൽ നാം നിഷ്പാപരവും❤️

ശ്രീകൃഷ്ണന്റെ മുൻപിൽ ദീപം തെളിയിച്ചാൽ നമ്മുടെ ജീവൻ പ്രകാശമാനമാവും❤️

ശ്രീകൃഷ്ണന് ധൂപം സമർപിച്ചാൽ നമ്മുടെ ദു:ഖമാകുന്ന മേഘം ഒഴിഞ്ഞു പോകും.❤️

ശ്രീകൃഷ്ണന് നിത്യം പുഷ്പം അർപിച്ചാൽ നമ്മുടെ ജീവന്റെ ആരാമം മാഹാത്മ്യമേറിയതാവും❤️

ശ്രീകൃഷ്ണ ഭജനം സദാ തുടർന്നാൽ നമ്മുടെ യശസ്സ് വർദ്ധിക്കും❤️

ശ്രീകൃഷ്ണനെ നിത്യം പ്രണമിച്ചാൽ സംസാരം ദൂരെ പോയൊളിക്കും❤️

ശ്രീകൃഷ്ണന് നിത്യം മണിയടിച്ച് പൂജിച്ചാൽ നമ്മുടെ ദുഷ്പ്രവൃത്തികൾ മാഞ്ഞു പോകും❤️

ശ്രീകൃഷ്ണന് നിത്യം ശംഖനാദം സമർപ്പിച്ചാൽ നമ്മുടെ ശരീരം നിരോഗമായിത്തീരും.❤️

ശ്രീകൃഷ്ണ ഭഗവാനെ നിത്യം പ്രേമിച്ചുറങ്ങിയാൽ നമുക്ക് ആ ചൈതന്യത്തെ ദർശിക്കാൻ സാധിക്കും❤️

ശ്രീകൃഷ്ണ ഭഗവാന്റെ ക്ഷേത്രം നിത്യം ദർശിച്ചാൽ നമ്മുടെ ദു:ഖം പ്രഭു ദൂരെക്കളയും.❤️

ശ്രീകൃഷ്ണ ഭഗവാന് അർപിച്ച വസ്തുക്കളുടെ ഉപഭോഗം നമുക്ക് പരമാനന്ദത്തെ കൊണ്ടുവന്നു തരും

ശ്രീകൃഷ്ണ ഭഗവാനെ വാത്സല്യത്തോടെ ആഹാരം കഴിപ്പിച്ചാൽ സംസാരവിഷയങ്ങൾ ഇല്ലാതാകും.❤️

ശ്രീകൃഷ്ണനോടെന്തും ചൊദിച്ചാൽ അന്യമായതല്ലാത്ത സ്വന്തമായ ഭഗവാനെ ലഭിക്കും❤️

ശ്രീകൃഷ്ണ ഭഗവാന്റെ പ്രസാദമായി സുഖ ദുഖങ്ങളെ മാനിച്ച് അനുഭവിച്ചാൽ നമ്മൾ സദാ സുഖിയായിത്തീരും❤️

ശ്രീകൃഷ്ണ ഭഗവാനെ സദാ ധ്യാനിച്ചാൽ പ്രഭു അവസാന കാലത്ത് നമ്മെ സ്വന്തം ധ്യാനത്തിൽ വച്ച് സംരക്ഷിക്കും❤️

കൃഷ്ണാ ഗുരുവായൂരപ്പാ

🙏🙏🙏🙏🙏🙏🙏🙏🙏

സംതൃപ്തി ഉള്ള ജീവിതം നയിക്കേണമെങ്കിൽ ആഗ്രഹങ്ങൾക്ക് കടിഞ്ഞാൺ ഇട്ടേ മതിയാവൂ.

ധനം നേടിയാൽ സർവ്വതും നേടി എന്നാണ് പലരും കരുതുന്നത്.അതിനായ് പലരും ഈശ്വര പ്രാർത്ഥന വരെ നടത്തുന്നു.ധനം നേടിയെടുക്കാൻ പലരും പല വഴികളും തിരഞ്ഞെടുക്കുന്നു..അതിലൂടെ ജീവിതം തന്നെ ധന്യമായി എന്ന് പലരും കരുതുന്നു. ധനത്തിനായ് ഏത് ഹീനമായ മാർഗ്ഗങ്ങൾ വരെ സ്വീകരിക്കുന്നവർ ഉണ്ട്.

ധനം സന്മാർഗ്ഗികളിലും വന്നു ചേരും അതേപോലെ ദുർമാർഗ്ഗികളിലും.ധനം കൂടുതൽ കൂടുതൽ കൂട്ടിവെക്കുന്നവന് സമാധാനം എന്നത് ഉണ്ടാവുകയില്ല. മിത്രങ്ങളെക്കാൾ കൂടുതൽ ശത്രുക്കൾ വന്നുചേരും. അളവിൽ കൂടുതൽ ധനം സന്തോഷത്തെ അല്ല നൽകുന്നത് മറിച്ച് ദുഖത്തെ തന്നെ ആണ്. ധനം വന്നു ചേരുന്നവരിൽ ഭയവും വന്നു ചേരും.അളവിൽ കൂടുതൽ ധനം സുഖത്തെ നൽകുമെന്ന് പലരും ചിന്തിക്കുമെങ്കിലും സത്യത്തിൽ അത് ദുഖത്തെ തന്നെ ആണ് നൽകുന്നത്.. ബന്ധങ്ങൾ തന്നെ ശിഥിലാമാവും. സന്മാർഗ്ഗങ്ങൾ വെടിഞ്ഞു ദുർമാർഗ്ഗങ്ങൾ സ്വീകരിക്കും.ഭൗതീക സുഖങ്ങളിൽ ആസക്തി വർധിപ്പിക്കും..

ഇതെല്ലാം പറയുമ്പോൾ ധനം ഇല്ലങ്കിൽ ഉള്ള അവസ്ഥ ചിന്തിക്കുന്നുണ്ടാവും. ഇവിടെ പറഞ്ഞ് വരുന്നത് അളവിൽ കൂടുതൽ ആയുള്ള ധനത്തെ തന്നെ.മിത്രങ്ങൾ എന്ന് നടിച്ച് കൊണ്ട് ധന മോഹികൾ വരെ ധനമുള്ളവരിലേക്ക് എത്തിച്ചേരും.ആരാണ് ശത്രു ആരാണ് മിത്രം എന്ന് പോലും തിരിച്ചറിയാനാവാത്ത അവസ്ഥ.എല്ലാ സുഖവും ആരിലും വന്നു ചേരില്ല. സമ്പത്ത് ഉള്ള ഇടങ്ങളിൽ സമാധാനം ഉണ്ടാവുകയില്ല.
എന്നാൽ ധനമോഹികളാവട്ടെ ഒരിക്കലും സംതൃപ്തി അടയുന്നുമില്ല. കൂടുതൽ കൂടുതൽ  ആഗ്രഹങ്ങൾ ഉടലെടുത്തുകൊണ്ടേ ഇരിക്കും..

സംതൃപ്തി ഉള്ള ജീവിതം നയിക്കേണമെങ്കിൽ ആഗ്രഹങ്ങൾക്ക് കടിഞ്ഞാൺ ഇട്ടേ മതിയാവൂ.ഈശ്വരനിൽ വിശ്വാസമർപ്പിച്ചുകൊണ്ട് ഈശ്വര പാതയിൽ ജീവിക്കുന്നവർക്കേ ശാശ്വതമായ സന്തോഷം സമാധാനം ഐശ്വര്യം എല്ലാം അനുഭവിച്ചുകൊണ്ട് ജീവിതം മുന്നോട്ട് നയിക്കാനാവുകയുള്ളൂ . ഈശ്വരൻ കല്പിച്ചു നൽകുന്നത് എന്തോ അതിൽ സംതൃപ്തി കണ്ടെത്തുന്നവനാണ് സത്യ മാർഗ്ഗത്തിൽ സന്തോഷപൂർവ്വം ജീവിതം ആസ്വദിക്കുന്നത്. ചുരുക്കി പറഞ്ഞാൽ ഈശ്വര പാതയിലൂടെ ഉള്ള ജീവിതം ആണ് സമാധാനം നിറഞ്ഞ ജീവിതം. ഈശ്വരൻ എല്ലാവരെയും സൽചിന്തകളിലേക്ക് നയിക്കട്ടെ എന്ന് പ്രാർത്ഥിച്ചു കൊണ്ട് ശുഭദിനം ആശംസിക്കുന്നു.

എന്താണ് ബ്രഹ്മചര്യം?

തെറ്റിദ്ധരിക്കപ്പെട്ട ഒരു പദമാണ് ബ്രഹ്മചര്യം. ബ്രഹ്മചര്യമെന്നാൽ പലരുടെയും ധാരണ ലൈഗീകബന്ധത്തിൽ ഏർപ്പെടാതിരിക്കുക എന്നതാണ്. വാസ്തവത്തിൽ ഇതൊരു തെറ്റിദ്ധാരണയാണ്. വാക്കുകളുടെ അർത്ഥം നേരേമനസ്സിലാക്കാത്തതാണ് ഇതിനൊക്കെകാരണം.

ഉദാഹരണമായി വെള്ളം എന്ന പദം എടുക്കുക. വെള്ളമെന്ന പദത്തിനെന്താണർത്ഥം? വെള്ളം എന്ന് തന്നെ. എന്നാൽ വെള്ളമടിക്കുക എന്നാൽ വെള്ളം കുടിക്കുക എന്നല്ല അർത്ഥം. അവൻ വാദിച്ചു വെള്ളം കുടിപ്പിച്ചു എന്നവാക്യത്തിനാകട്ടെ ഈ അർത്ഥങ്ങളൊന്നുമല്ല ഉള്ളത്.

വെള്ളമെന്ന സാധാരണ വാക്കിനുപോലും ഇന്നർത്ഥം തീരെ മാറിപ്പോയിരിക്കുന്നു. ഇങ്ങനെ നോക്കുമ്പോൾ നമുക്ക് നഷ്ടമായ നിരവധി അർത്ഥങ്ങളാണ് ഇന്ന് കാണുന്ന പല അനാചാരങ്ങളും. അർത്ഥമൊന്നു വേറെ, ആചാരണമൊന്നു വേറെ എന്ന നിലയിലാണ്.

ബ്രഹ്മത്തിൽ ചരിക്കുന്നതാണ് ബ്രഹ്മചര്യം. രാവിലെ ഉണരുന്നു, ഭാഗ്യസൂക്തം ചൊല്ലുന്നു. അപ്പോൾ എന്റെ ഉള്ളിലെ ബ്രഹ്മത്തെ അഥവാ ശിവനെ ഞാൻ സദാ നമസ്കരിക്കുന്നു. പല്ലുതേക്കുന്നു. എന്റെ ഉള്ളിലെ ബ്രഹ്മo നല്ലരീതിയിൽ പരിലസിക്കുന്നതിനു പല്ലുവേണം. അതിനാൽ ഉള്ളിലെ ബ്രഹ്മത്തിനുവേണ്ടി പല്ലുതേക്കുന്നു. കുളിക്കുന്നത് ഉള്ളിലുള്ള ബ്രഹ്മത്തിനുവേണ്ടിയാണ് - ശിവനുവേണ്ടിയാണ് എന്ന് സാരം.

ശിവനുള്ളപ്പോൾ നാം ശരീരത്തെ കുളിപ്പിച്ച് വൃത്തിയാക്കിവെയ്ക്കണം. ഈ ശിവനില്ലങ്കിലോ അത് ശവമായി. ശിവം ഇല്ലാത്തതാണ് ശവം. ഉള്ളിലുള്ള ബ്രഹ്മത്തെ കുളിപ്പിച്ചു കഴിഞ്ഞാൽ പൊട്ടു തൊടീക്കണം, പൗഡറിടീക്കുന്നു, പൂമാല ചൂടിക്കുന്നു, ചിലർ സുഗന്ധദ്രവ്യങ്ങൾ വാരി പൂശുന്നു. ഇതെല്ലം ഉള്ളിലെ ബ്രഹ്മത്തിനുവേണ്ടയാണെന്ന ബോധത്തോടെ ചെയ്യണം.
അതുകഴിഞ്ഞാൽ ഉള്ളിലെ ബ്രഹ്മത്തിനു ഭക്ഷണം നൽകണം. അതും ശ്രദ്ധയോടെ ബോധപൂർവ്വം ഭക്ഷണം കഴിക്കുന്നു. ഉള്ളിലെ ബ്രഹ്മത്തെ, ശിവനെയാണ് ഊട്ടുന്നത്. അതുകൊണ്ടാണ് ഭക്ഷണം കഴിക്കുമ്പോൾ സംസാരിക്കരുതെന്നും, എഴുനെൽക്കരുതെന്നും പറയുന്നത്. ഭക്ഷണം കഴിക്കുന്നത് തന്നെ ഒരു അഗ്നിഹോത്രമാണ്.
ഉള്ളിലെ ബ്രഹ്മത്തിനായി, അഗ്നിക്കായി അഞ്ചാഹുതികൾ നൽകുന്നു. പ്രാണായ സ്വാഹാ, അപാനായ സ്വാഹാ, വ്യാനായ സ്വാഹാ, ഉദാനായ സ്വാഹാ, സമാനായ സ്വാഹാ എന്നിങ്ങനെ. എല്ലാം വളരെയേറെ ബോധപൂർവ്വം ചെയ്യണം. ഇങ്ങനെ ജീവിതത്തിൽ ഓരോ കാര്യവും ബോധപൂർവ്വം ചെയ്യുമ്പോൾ ഉള്ളിലെ ബ്രഹ്മത്തിനുവേണ്ടി ചെയ്യുമ്പോൾ ആ ചര്യകളെ നാം എന്തുവിളിക്കും.

ബ്രഹ്മത്തിനുവേണ്ടി ചെയ്യുന്ന ചര്യ ബ്രഹ്മചര്യമെന്ന പേരിൽ അറിയപ്പെടും. എന്നാൽ ചിലർ ബ്രഹ്മചര്യമെന്നാൽ സ്ത്രീവിരുദ്ധസമീപനമാണെന്നു തെറ്റിദ്ധരിച്ചു.

ജഗദ്ഗുരു ശ്രീശങ്കരാചാര്യരുടെ ഏഴു വൈരാഗ്യ ശ്ലോകങ്ങൾ!

*ശ്രീ ശങ്കരാചാര്യരുടെ അന്തർമുഖ വ്യക്തിത്വം തുളുമ്പി നിൽക്കുന്ന, അദ്വിതീയവും അനുപമേയവുമായ ആ ഗ്രന്ഥങ്ങൾ, ആർഷഭാരതത്തിന്റെ പവിത്രമായ സംസ്കാരം വിളിച്ചു പറയുന്നു. അവയിൽ വളരെ പ്രശസ്തവും, മനുഷ്യ ജീവിതത്തിൽ ഏറ്റവും പ്രസക്തവും എല്ലാവരും ഓർമ്മിച്ചിരിയ്‌ക്കേണ്ടതുമായ ഒന്നാണ്, ശ്രീശങ്കരാചാര്യരുടെ ഏഴ് വൈരാഗ്യ ശ്ലോകങ്ങൾ.*

ആ ശ്ലോകങ്ങൾ, വൈരാഗ്യ ശ്ലോകങ്ങളെന്നു അറിയപ്പെടുന്നു . 

💥

*'വൈരാഗ്യ' മെന്നു പറഞ്ഞാൽ, ബാഹ്യ പ്രേരണ കൂടാതെ, സ്വയം ഒരു കാര്യത്തിൽ വരുത്തുന്ന വിലക്ക്. ഇനി വേണ്ട, പാടില്ല, എന്നുള്ള തീരുമാനം. ഭക്ഷണത്തിലോ ജീവിതരീതിയിലോ വരുത്തുന്ന മാറ്റം. വിവേകം വരുമ്പോൾ വൈരാഗ്യവും വരും. അതു പക്വതയുടെ ലക്ഷണമാണ്. ഭക്തി, ജ്ഞാനം, വൈരാഗ്യം ഇവ മൂന്നും ആത്മ നിഷ്ഠയുള്ള ജീവിതത്തിന്‌ അത്യന്താപേക്ഷിതമാണ്.* 

ഇനി ആ സപ്ത ശ്ലോകങ്ങൾ ഏതെല്ലമെന്നു നോക്കാം:*

*🌷വൈരാഗ്യ ശ്ലോകങ്ങൾ*:-

വാചാമ ഗോചരവും, തത്വ ചിന്താ സ്ഫുലിംഗങ്ങൾ കൊണ്ടു് സുദീപ്തവുമായ ആ ശ്ലോകങ്ങൾ അനുസന്ധാനം ചെയ്താൽ, ഓർമ്മിച്ചിരുന്നാൽ, നമ്മുടെ ജീവിതത്തിൽ ഉണ്ടാകുന്ന പല മാനസിക ക്ലേശങ്ങളും നേരിടാനുള്ള മനശ്ശക്തി/ആർജ്ജവം സമാർജ്ജിക്കാനാകും! അവ എന്താണെന്നു നോക്കാം:

*🌷ശ്ലോകങ്ങൾ🌷*: 

🌟(1) *മാതാ നാസ്തി, പിതാ നാസ്തി*, 

*നാസ്തി ബന്ധു സഹോദരാ*: 

*അർത്ഥം നാസ്തി, ഗൃഹം നാസ്തി*,

*തസ്മാത് ജാഗ്രത! ജാഗ്രത*!

 

*🌺അർത്ഥം🌺*: 

നാം പ്രത്യക്ഷമായി, കാണുന്ന അച്ഛനും അമ്മയും, സഹോദരനും, ബന്ധുക്കളും സ്വത്തുക്കളും ആരും/ഒന്നും തന്നെ ശാശ്വതമല്ല, ചുരുക്കത്തിൽ നാം നമ്മുടേതെന്നു അഹങ്കരിക്കുന്ന ഒന്നും തന്നെ സ്ഥിരമല്ല, എല്ലാം ഒരു ദിവസം ഇല്ലാതാകും! അതു കൊണ്ടു്, ഏതു സ്ഥിതിഗതിയും നേരിടാൻ മനസ്സ് കൊണ്ടു്, എല്ലായ്പ്പോഴും ജാഗ്രതയോടെ ഇരിക്കുക!

 

🌟(2) *ജന്മ ദുഃഖം ജരാ ദുഃഖം*

*ജായാദുഃഖം പുനഃ പുനഃ* 

*സംസാര സാഗരം ദുഃഖം*,

*തസ്മാത് ജാഗ്രത! ജാഗ്രത*! 

 

*🌺അർത്ഥം🌺*:

ഈ സംസാര സാഗരത്തിൽ മനുഷ്യ ജന്മം എന്നത് ദുഃഖമാണ്‌. വാർദ്ധക്യം ദുഃഖം, ധർമ്മ പത്നി, മക്കൾ എന്തിന്, ഈ സംസാരം തന്നെ ദുഃഖമാണ്‌. എല്ലാം ഒന്നല്ലെങ്കിൽ മറ്റൊരു വിധത്തിൽ നമുക്കു് ദുഃഖം മാത്രം കാലക്രമേണ പ്രദാനം ചെയ്യുന്നു. ഒന്നും ആർക്കും ഒഴിവാക്കാൻ സാദ്ധ്യമല്ല, അനുഭവിച്ചേ തീരു. തീരാത്തതു അടുത്ത ജന്മത്തിൽ പ്രാരബ്ധ കർമ്മമായി അനുഭവിക്കേണ്ടി വരും. അതോടൊപ്പം സഞ്ചിത കർമ്മവും ആഗാമി കർമ്മവുമെല്ലാം സംയോജിക്കുമ്പോൾ, ദുഖങ്ങളുടെ വ്യാപ്തിയും വർദ്ധിക്കുന്നു. എപ്പോൾ കർമ്മങ്ങളും, വാസനകളും അവസാനിക്കുന്നുവോ അതുവരെ ജന്മം തുടർന്നുകൊണ്ടേയിരിക്കും. വാസ്തവത്തിൽ, വാസനകളാണ് തുടർന്നുള്ള ജന്മത്തിനു ഹേതുവായി ഭവിക്കുന്നത്. ചുരുക്കത്തിൽ എല്ലാം ദുഃഖം തന്നെ. അതുകൊണ്ട്, എല്ലായ്പ്പോഴും മനസ്സുകൊണ്ട് തയ്യാറായി ജാഗരൂകനായിരിക്കുക!

 

🌟(3) *കാമശ്ച, ക്രോധശ്ച, ലോഭശ്ച* 

*ദേഹേ തിഷ്ടന്തി തസ്കരാ*:

*ജ്ഞാന രത്‌നാപഹാരായ*

*തസ്മാത് ജാഗ്രത! ജാഗ്രത*! 

 

*🌺അർത്ഥം🌺*:

കാമം( ആശകൾ) ക്രോധം(ദേഷ്യം) ലോഭം(അത്യാഗ്രഹം) ഇവയെല്ലാം നമ്മുടെ ശരീരത്തിൽ ഒളിഞ്ഞിരിക്കുന്ന തസ്കരന്മാരാണു്. അവർ സമയാ സമയങ്ങളിൽ തല പൊക്കി നാമറിയാതെ നമ്മുടെയുള്ളിൽ നിക്ഷിപ്തമായിരിക്കുന്ന ജ്ഞാനമാകുന്ന രത്‌നം അപഹരിക്കുന്നു. ക്ഷണനേരം കൊണ്ടുണ്ടാകുന്ന മാനസിക വിഭ്രാന്തിയിൽ നാം അവിവേകം മൂലം രാഗ, ദ്വേഷാദികൾ പ്രകടിപ്പിയ്ക്കുമ്പോൾ, നമ്മുടെ അമൂല്യ നിധിയായ ജ്ഞാനം മോഷ്ടിക്കപ്പെട്ടുന്നു. അതുകൊണ്ട്, ഏതു നേരവും ശുഷ്കാന്തിയോടെ ഉണർന്നിരിക്കുക!

 

🌟(4) *ആശായാ ബന്ധ്യതെ ജന്തു* 

*കർമണാ ബഹു ചിന്തയാ*.

*ആയുർക്ഷീണം ന ജാനാതി* 

*തസ്മാത് ജാഗ്രത! ജാഗ്രത*! 

 

*🌺അർത്ഥം🌺*:

മനുഷ്യനും മറ്റൊരു വിധത്തിൽ മൃഗം തന്നെ. ഇവിടെ ആചാര്യർ മനുഷ്യനെയും മൃഗമെന്നു വിശേഷിപ്പിച്ചിരിക്കുന്നു. അമിതമായ മോഹാവേശത്താൽ ബന്ധിതരായ മനുഷ്യ മൃഗങ്ങൾ അങ്ങനെ, വേണ്ടാത്ത ആശകളുടെ പിന്നാലെയുള്ള പരക്കം പാച്ചിലിൽ ഈ ക്ഷണികമായ ജീവിതത്തിലെ വിലയേറിയ നിമിഷങ്ങൾ കൊഴിഞ്ഞു പോകുന്നത് ശ്രദ്ധിക്കാൻ വിട്ടുപോകുന്നു. ശ്രദ്ധിക്കുമ്പോൾ വളരെ വൈകിപ്പോയതായി മനസ്സിലാകും. അത്‌ ദുഖത്തിനും പശ്ചാത്താപത്തിനും ഹേതുവായി തീരുന്നു. അത് കൊണ്ടു്, സമയം വിനിയോഗം ചെയ്യുമ്പോൾ പ്രത്യേകം ശ്രദ്ധിക്കുക. എപ്പൊഴും, ഫലപ്രദമായ ജീവിതം നയിക്കുന്ന കാര്യത്തിൽ ഉണർന്നിരിക്കുക. എങ്കിൽ ദുഖിയ്ക്കേണ്ടി വരില്ല!

 

🌟(5) *സമ്പത് സ്വപ്ന സാംകാരാ*

*യൗവ്വനം കുസുമോപമം*.

*വിദ്യു ചഞ്ചലം ആയുഷം* 

*തസ്മാത് ജാഗ്രത! ജാഗ്രത*! 

*🌺അർത്ഥം🌺*:

നമ്മുടെ എല്ലാ സമ്പത്തുകളും ഒരു സ്വപ്നം കാണുന്നതു പോലെ, അസ്ഥിരവും, നൈമിഷികവുമാണു്. യൗവ്വനം അൽപ കാലത്തേക്കുള്ള ഒരു ജീവിത ദശ മാത്രം. വരുന്നതും പോകുന്നതും നാം ശ്രദ്ധിയ്ക്കപ്പെടാതെ തന്നെ നമ്മിൽ നിന്നും ഒരു പൂവിന്റെ ജീവിത കാലം പോലെ, കടന്നു പോകുന്നു. കൃത്യമായി പറഞ്ഞാൽ, ജീവിതം ഒരു മിന്നൽ പിണറുപോലെ, കണ്മുന്നിലൂടെ മിന്നി മറയുന്നു. അതു കൊണ്ട് ഈ ലോകത്തിൽ ഒന്നും സ്ഥിരമല്ല എന്ന ഉണർവ്വോടെ ജീവിച്ചാൽ പിൽക്കാലത്തു ദുഖിയ്ക്കേണ്ടി വരില്ല!

 

🌟(6) *ക്ഷണം വിത്തം ക്ഷണം* *ചിത്തം*  

*ക്ഷണം ജീവിത* *മാവയോ*: 

*യമസ്യ കരുണാ* *നാസ്തി* 

*തസ്മാത് ജാഗ്രത! ജാഗ്രത*! 

 

*🌟അർത്ഥം🌟*:

ധനം, സ്മൃതി, ജീവിതം, എല്ലാമേ ക്ഷരമാണ്. അതുപോലെ തന്നെ, ഓർമ്മിക്കേണ്ട ഒരു കാര്യമാണു്, മരണ ദേവൻ‌ അൽപ്പം പോലും കരുണ കാട്ടുകയില്ല, എന്ന വസ്തുത. നമ്മുടെ ജീവിതത്തിൽ പലതും നാം അവഗണിക്കുന്നു, ഓർമ്മിക്കാതിരിക്കുന്നു. അതിന്റെ ഭവിഷ്യത്തും കാലാന്തരത്തിൽ അനുഭവിക്കുന്നു.

 

🌟(7) *യാവത് കാലം ഭവേത്, കർമ്മ*

*താവത് തിഷ്‌ടന്തി ജന്തവഃ* 

*തസ്മിൻ ക്ഷീണേ വിനശ്യന്തി*

*തത്ര കാ പരിദേവനാ*! 

*🌺അർത്ഥം🌺*:

  

കർമ്മം നിലനിൽക്കുന്ന കാലം വരെ മാത്രമേ, മനുഷ്യനെന്ന ജന്തു ഈ ഭൂമുഖത്ത് ഉണ്ടായിരിയ്ക്കുകയുള്ളു. കർമ്മത്തിൽ നിന്നും നിവൃത്തി ആയിക്കഴിഞ്ഞാൽ, ആ നിമിഷത്തിൽത്തന്നെ മനുഷ്യ ജന്തു അപ്രത്യക്ഷമാകുന്നു. അതു കൊണ്ടു്, ഇതെല്ലം ആലോചിച്ചു മനസ്സു് പുണ്ണാക്കുന്നതിൽ അർത്ഥമില്ല, ഫലവുമില്ല! എല്ലാ പ്രക്രിയകളും അതിന്റെ നിയമ മനുസരിച്ചു നടന്നുകൊണ്ടിരിക്കും. നാം മറ്റൊരിടത്തു ഏതെങ്കിലും ഒരു കാര്യത്തിനു പോയാൽ നിശ്ചയിച്ച കാര്യം കഴിഞ്ഞ ഉടനെ സ്വന്തം വീട്ടിലേക്കു മടങ്ങുന്നതു പോലെ, ഭൂലോകത്തിൽ ജന്മമെടുത്താൽ, ഉദ്ദിഷ്ട കർമ്മ പൂർത്തിയ്ക്കു ശേഷം ഇഹലോകവാസം തീർത്തു ഒരു ദിവസം അപ്രതീക്ഷിതമായി അപ്രത്യക്ഷമാകുന്നു. ചെയ്ത കർമ്മങ്ങളുടെ സ്വഭാവമനുസരിച്ചു, വാസനകളുടെ, ഗൗരവമനുസരിച്ചു തുടർന്നുള്ള ജന്മം നിശ്ചയിക്കപ്പെടുന്നു. എല്ലാം 

നിഗൂഢമാണ്. ആർക്കും ഒന്നും മുൻകൂട്ടി അറിയില്ല. അതാണു് ഈശ്വരന്റെ വൈഭവവും മാഹാത്മ്യവും!.

 

*🌟ഉപസംഹാരം*:

അതു കൊണ്ടു്, അഭിമാനം വെടിഞ്ഞു രാഗദ്വേഷാദികളോടെല്ലാം വിട വാങ്ങി, പരസ്പര സ്നേഹത്തോടെ ഇനിയുള്ള കാലം തുറന്ന മനസ്സോടെ ജീവിക്കാൻ ശ്രമിയ്ക്കണം! ഈ മനുഷ്യ ജീവിതം ക്ഷണികമാണെന്ന ബോധത്തോടെ, ജീവിതം അർത്ഥവത്തായും, ഫലപ്രദമായും ഉപയോഗിക്കാനും, ജന്മസാക്ഷാത്കാരം നേടുവാനും എല്ലാവരും എല്ലായ്‌പ്പോഴും ഓർമ്മിച്ചിരിയ്ക്കണം! ഭക്തി, ജ്ഞാനം, വൈരാഗ്യം എന്നിവയും കൂടാതെ സത്‌സംഗം, ശരണാഗതി, നാമസങ്കീർത്തനം, ഇവയെല്ലാം ജന്മസാക്ഷാത്ക്കാരത്തിനു സഹായിക്കുന്ന ധാർമ്മിക മാർഗ്ഗങ്ങളാണ്.

 

ഇതാണ് ശങ്കരാചാര്യർ ഇതിലൂടെ ഉദ്ദേശിക്കുന്നതു്.

എല്ലാവർക്കും നന്മ വരട്ടെ!

(കടപ്പാട്)

🍁🍁🍁🍁🍁🍁🍁🍁🍁🍁🍁🍁🍁🍁🍁🍁

ഒളിക്കാനും മറയ്ക്കാനും കഴിയാത്ത കണ്ണുകൾ

ദൈവത്തിന്‍റെ കണ്ണുകള്‍ നീ ചെയ്യുന്നത് എന്നും കാണുന്നു എന്ന് എപ്പോഴും തിരിച്ചറിയുക 🌹

സന്യാസി തന്റെ രണ്ടു ശിഷ്യന്മാരെയും പരീക്ഷിക്കുവാൻ തീരുമാനിച്ചു. രണ്ടുപേരുടെയും കൈകളിൽ ഓരോ പ്രാവിനെ കൊടുത്തിട്ട് പറഞ്ഞു, 'ഇതിനെ രഹസ്യമായി കൊല്ലണം, ആരും കാണരുത്'! ഒരാൾ പ്രാവിനെയുംകൊണ്ട് ജനത്തിരക്കില്ലാത്ത ഒരിടത്തെത്തി. തന്റെ തലവഴി ഒരു തുണി മൂടി അതിനുള്ളിൽ പ്രാവിനെ കഴുത്തുഞെരിച്ചു കൊന്നു. തിരികെ ആചാര്യന്റെ അടുത്തെത്തി. അദ്ദേഹം ചോദിച്ചു.

'നീ പ്രാവിനെ കൊല്ലുന്നത് ആരെങ്കിലും കണ്ടുവോ?'

 'ഇല്ല ആരും കണ്ടിട്ടില്ല.' അവന് വിജയീഭാവം.

അടുത്ത ശിഷ്യൻ നടന്നു നടന്ന് ഒരു വിജനമായ സ്ഥലത്തെത്തി. അവിടെയങ്ങും മനുഷ്യവാസമില്ലെന്നുറപ്പായപ്പോൾ അവൻ കൂടയിൽ നിന്നും പ്രാവിനെ പുറത്തെടുത്തു. അതിനെ കഴുത്തു ഞെരിച്ചു കൊല്ലാൻ ഭാവിച്ചു. പക്ഷെ സാധിക്കുന്നില്ല. ദൈന്യതയാർന്ന അതിന്റെ കണ്ണുകൾ സ്‌നേഹത്തോടെ തന്നെ നോക്കുന്നു. അവന്റെ മനസ്സ് ആർദ്രമായി. താൻ പ്രാവിനെ കാണുന്നതുപോലെ പ്രാവ് തന്നെയും കാണുന്നത് അവൻ അറിഞ്ഞു. പ്രാവിന്റെ കണ്ണുകളിലൂടെ ഈശ്വരൻ തന്നെ നോക്കുന്നത് അവൻ കണ്ടു.

അവൻ തിരികെ ഗുരുവിനടുത്തെത്തി. ജീവനോടെ തന്നെ പ്രാവിനെ ഗുരുവിന്റെ പാദത്തിൽ സമർപ്പിച്ചുകൊണ്ടു പറഞ്ഞു, സ്വാമി എന്നോടു ക്ഷമിക്കണം. അങ്ങയുടെ ആജ്ഞ പാലിക്കുവാൻ എനിക്കു കഴിയുന്നില്ല. എനിക്കു പരീക്ഷണത്തിൽ ജയിക്കാനാവുന്നില്ല. ഗുരുവാക്ക് പാലിക്കാനും കഴിയുന്നില്ല. അങ്ങെന്നോടു ക്ഷമിക്കില്ലേ' അവന്റെ കണ്ണുകളിലൂടെ നീർത്തുള്ളികൾ ഒഴുകി നീങ്ങി.

ആചാര്യൻ അവനെ ചേർത്തുപിടിച്ചപ്പോൾ അവൻ വിതുമ്പിക്കരഞ്ഞുകൊണ്ടു പറഞ്ഞു, ആരും കാണാത്തൊരിടം എനിക്കു കണ്ടുപിടിക്കാൻ കഴിയുന്നില്ല. ഞാൻ പ്രാവിനെ കാണുന്നതുപോലെ പ്രാവ് എന്നെയും കാണുന്നുണ്ടല്ലോ? ആരും കാണാതെ എനിക്ക് കൊല്ലാനാകും എന്നു പറയുന്നതിൽ ഒരു അർത്ഥവുമില്ലല്ലോ.

ആചാര്യൻ പറഞ്ഞു, കുട്ടീ ആ പ്രാവിന്റെ കണ്ണിൽ നീ കണ്ടതു പോലുള്ള സ്‌നേഹവും ആർദ്രതയും നിറഞ്ഞ ദൈവത്തിന്റെ കണ്ണുകൾ നീ ചെയ്യുന്നത് എന്നും കാണുന്നു എന്ന് എപ്പോഴും നീ തിരിച്ചറിയുക.🌹

🍁🍁🍁🍁🍁🍁🍁🍁

101 നാട്ടു ചികിത്സകള്‍

1. ഉളുക്കിനു- സമൂലം തോട്ടാവാടിയും കല്ലുപ്പും അരച്ച് അരിക്കാടിയില്‍ കലക്കി തിളപ്പിച്ച് പുരട്ടുക

2. പുഴുക്കടിക്ക്- പച്ചമഞ്ഞളും വേപ്പിലയും ഒന്നിച്ച് അരച്ചുപുരട്ടുക

3. തലമുടി സമൃദ്ധമായി വളരുന്നതിന്- എള്ളെണ്ണ തേച്ച് നിത്യവും തലകഴുകുക

4. ചെവി വേദനയ്ക്ക്- വെളുത്തുള്ളി ചതച്ച് വെളിച്ചെണ്ണയിലിട്ട് കാച്ചി ചെറുചൂടോടെ ചെവിയില്‍ ഒഴിക്കുക

5. കണ്ണ് വേദനയ്ക്ക്- നന്ത്യര്‍ വട്ടത്തിന്റെവ ഇലയും പൂവും ചതച്ച് നീരെടുത്ത് മുലപ്പാല്‍ ചേര്ത്തോ അല്ലാതെയോ കണ്ണില്‍ ഉറ്റിക്കുക

6. മൂത്രതടസ്സത്തിന്- ഏലയ്ക്ക പൊടിച്ച് കരിക്കിന്‍ വെള്ളത്തില്‍ ചേര്ത്ത് കഴിക്കുക

7. വിരശല്യത്തിന്- പകുതി വിളഞ്ഞ പപ്പായ വെള്ളത്തിലിട്ട് തിളപ്പിച്ച് കഴിക്കുക

8. ദഹനക്കേടിന് - ഇഞ്ചി നീരും ഉപ്പും ചെറുനാരങ്ങനീരും ചേര്ത്ത്  കുടിക്കുക

9. കഫക്കെട്ടിന് - ത്രിഫലാദി ചൂര്ണംും  ചെറുചൂടുവെള്ളത്തില്‍ കലക്കി അത്താഴത്തിന് ശേഷം കഴിക്കുക

10. ചൂട്കുരുവിന് - ഉഴുന്ന്പൊടി ഉപയോഗിച്ച് കുളിക്കുക

11. ഉറക്കക്കുറവിന്-കിടക്കുന്നതിന് മുന്പ്ി ഒരോ ടീസ്പൂണ്‍ തേന്‍ കഴിക്കുകെ

12. വളം കടിക്ക്- വെളുത്തുള്ളിയും മഞ്ഞളും ചേര്ത്തഒരച്ച് ഉപ്പുനീരില്‍ ചാലിച്ച് പുരട്ടുക

13. ചുണങ്ങിന്- വെറ്റില നീരില്‍ വെളുത്തുള്ളി അരച്ച് പുരട്ടുക

14. അരുചിക്ക്- ഇഞ്ചിയും കല്ലുപ്പ് കൂടി ചവച്ച് കഴിക്കുക

15. പല്ലുവേദനയ്ക്ക്-വെളുത്തുള്ളി ചതച്ച് വേദനയുള്ള പല്ല്കൊണ്ട് കടിച്ച് പിടിക്കുക

16. തലവേദനയ്ക്ക്- ഒരു സ്പൂണ്‍ കടുക്കും ഒരല്ലി വെളുത്തുള്ളിയും ചേര്ത്തുരച്ച് ഉപ്പുനീരില്‍ ചാലിച്ച് പുരട്ടുക

17. വായ്നാറ്റം മാറ്റുവാന്‍- ഉമിക്കരിയും ഉപ്പും കുരുമുളക്പൊടിയും ചേര്ത്ത്  പല്ല്തേയ്ക്കുക

18. തുമ്മലിന്- വേപ്പണ്ണ തലയില്‍ തേച്ച് കുളിക്കുക.

19. ജലദോഷത്തിന്- തുളസിയില നീര്‍ ചുവന്നുള്ളിനീര്‍ ഇവ ചെറുതേനില്‍ ചേര്ത്ത്  കഴിക്കുക

20. ടോണ്സിഴ ലെറ്റിസിന്- വെളുത്തുള്ളി കുരുമുളക് തുമ്പയില എന്നിവ ഒന്നിച്ച് തുടര്ച്ച യായി 3ദിവസം കഴിക്കുക

21. തീ പൊള്ളലിന്- ചെറുതേന്‍ പുരട്ടുക

22. തലനീരിന്- കുളികഴിഞ്ഞ് തലയില്‍ രസ്നാദിപ്പൊടി തിരുമ്മുക

23. ശരീര കാന്തിക്ക്- ചെറുപയര്പ്പൊ ടി ഉപയോഗിച്ച് കുളിക്കുക

24. കണ്ണിന് ചുറ്റുമുള്ള കറുപ്പ് നിറം മാറന്‍- ദിവസവും വെള്ളരിക്ക നീര് പുരട്ടിയ ശേഷം ഒരു മണിക്കൂര്‍ കഴിഞ്ഞ് കഴുകുക

25. പുളിച്ച് തികട്ടലിന്- മല്ലിയിട്ട തിളപ്പിച്ചാറിയ വെള്ളം പലപ്രവാശ്യം കഴിക്കുക

26. പേന്പോചകാന്‍- തുളസിയില ചതച്ച് തലയില്‍ തേച്ച്പിടിപ്പിക്കുക ഒരു മണിക്കൂര്‍ കഴിഞ്ഞ് കഴുകികളയുക

27. പുഴുപ്പല്ല് മറുന്നതിന്- എരുക്കിന്‍ പാല്‍ പല്ലിലെ ദ്വാരത്തില്‍ ഉറ്റിക്കുക

28. വിയര്പ്പു  നാറ്റം മാറുവാന്‍- മുതിര അരച്ച് ശരീരത്തില്‍ തേച്ച് കുളിക്കുക

29. ശരീരത്തിന് നിറം കിട്ടാന്‍- ഒരു ഗ്ലാസ് കാരറ്റ് നീരില്‍ ഉണക്കമുന്തിരി നീര്,തേന്‍,വെള്ളരിക്ക നീര് ഇവ ഒരോ ടീ സ്പൂണ്‍ വീതം ഒരോ കഷ്ണം കല്ക്കൂണ്ടം ചേര്ത്ത്  ദിവസവും കുടിക്കുക

30. ഗര്ഭ്കാലത്ത് ഉണ്ടാകുന്ന തലവേദനയ്ക്ക്- ഞൊട്ടാ ഞൊടിയന്‍ അരച്ച് നെറ്റിയില്‍ പുരട്ടുക

31. മുലപ്പാല്‍ വര്ദ്ധിുക്കുന്നതിന്- ഉള്ളിചതച്ചതും,തേങ്ങയും ചേര്ത്ത്  കഞ്ഞിവച്ച് കുടിക്കുക

32. ഉഷ്ണത്തിലെ അസുഖത്തിന്- പശുവിന്റെ് പാലില്‍ ശതാവരികിഴങ്ങ് അരച്ച് കലക്കി ദിവസവും രാവിലെ കഴിക്കുക

33. ചുമയ്ക്ക്-പഞ്ചസാര പൊടിച്ചത്,ജീരകപ്പൊടി,ചുക്ക്പ്പൊടി,ഇവ സമം എടുത്ത് തേനില്‍ ചാലിച്ച് കഴിക്കുക

34. കരിവംഗലം മാററുന്നതിന്- കസ്തൂരി മഞ്ഞള്‍ മുഖത്ത് നിത്യവും തേയ്ക്കുക

35. മുഖസൌന്ദര്യത്തിന്- തുളസിയുടെ നീര് നിത്യവും തേയ്ക്കുക

36. വായുകോപത്തിന്- ഇഞ്ചിയും ഉപ്പും ചേര്ത്തയരച്ച് അതിന്റെ  നീര് കുടിക്കുക
37. അമിതവണ്ണം കുറയ്ക്കാന്‍-ചെറുതേനും സമം വെളുത്തുള്ളിയും ചേര്ത്ത്  അതിരാവിലെ കുടിക്കുക

38. ഒച്ചയടപ്പിന്- ജീരകം വറുത്ത്പൊടിച്ച് തേനില്‍ ചാലിച്ച് കഴിക്കുക

39. വളംകടിക്ക്- ചുണ്ണാമ്പ് വെളിച്ചെണ്ണയില്‍ ചാലിച്ച് പുരട്ടുക

40. സ്ത്രീകളുടെ മുഖത്തെ രോമവളര്ച്ചമ തടയാന്‍- പാല്പ്പാ ടയില്‍ കസ്തൂരി മഞ്ഞള്‍ ചാലിച്ച് മുഖത്ത് പുരട്ടുക

41. താരന്‍ മാറാന്‍- കടുക് അരച്ച് തലയില്‍ തേച്ച് പിടിപ്പിച്ചതിന് ശേഷം കഴുകി കളയുക

42. മുഖത്തെ എണ്ണമയം മാറന്‍- തണ്ണിമത്തന്റെ് നീര് മുഖത്ത് പുരട്ടുക

43. മെലിഞ്ഞവര്‍ തടിക്കുന്നതിന്- ഉലുവ ചേര്ത്ത്  കഞ്ഞി വച്ച് കുടിക്കുക

44. കടന്തല്‍ വിഷത്തിന്- മുക്കുറ്റി അരച്ച് വെണ്ണയില്‍ ചേര്ത്ത്  പുരട്ടുക.

45. ഓര്മ്മ് കുറവിന്- നിത്യവും ഈന്തപ്പഴം കഴിക്കുക

46. \മോണപഴുപ്പിന്- നാരകത്തില്‍ ഇലയിട്ട് തിളപ്പിച്ച വെള്ളം കവിള്‍ കൊള്ളുക

47. പഴുതാര കുത്തിയാല്‍- ചുള്ളമ്പ് പുരട്ടുക

48. ക്ഷീണം മാറുന്നതിന്- ചെറു ചൂടുവെള്ളത്തില്‍ ഒരു ടീ സ്പൂണ്‍ ചെറുതേന്‍ ചേര്ത്തു കുടിക്കുന്നു.

49. പ്രഷറിന്-തഴുതാമ വേരിട്ട് വെള്ളം തിളപ്പിച്ച് കുടിക്കുക

50. ചെങ്കണ്ണിന്- ചെറുതേന്‍ കണ്ണിലെഴുതുക.
51. കാല്‍ വിള്ളുന്നതിന്- താമരയില കരിച്ച് വെളിച്ചെണ്ണയില്‍ ചാലിച്ച് പുരട്ടുക

52. ദുര്മേ്ദസ്സിന്-ഒരു ടീ സ്പൂണ്‍ നല്ലെണ്ണയില്‍ ചുക്കുപ്പൊടിയും വെളുത്തുള്ളിയും അരച്ചത് ദിവസവും കഴിക്കുക

53. കൃമിശല്യത്തിന്- നല്ലവണ്ണം വിളഞ്ഞ തേങ്ങയുടെ വെള്ളത്തില്‍ ഒരു ടീ സ്പൂണ്‍ തേന്‍ ചേര്ത്ത്  രാവിലെ വെറും വയറ്റില്‍ കഴിക്കുക

54. സാധാരണ നീരിന്- തോട്ടാവാടി അരച്ച് പുരട്ടുക

55. ആര്ത്ത്വകാലത്തെ വയറുവേദയ്ക്ക്- ത്രിഫലചൂര്ണംല ശര്ക്കഴരച്ചേര്ത്ത്ത ഒരു നെല്ലിക വലിപ്പം വൈകുന്നേരം പതിവായി കഴിക്കുക

56. കരപ്പന്- അമരി വേരിന്റെക മേല്ത്തൊിലി അരച്ച് പാലില്‍ ചേര്ത്ത്  കഴിക്കുക.

57. ശ്വാസംമുട്ടലിന്- അഞ്ച് ഗ്രാം നിലപ്പാല ഇല അരച്ച് ചെറുതേന്‍ ചേര്ത്ത്  കഴിക്കുക

58. ജലദോഷത്തിന്- ചൂടുപാലില്‍ ഒരു നുള്ളു മഞ്ഞള്പ്പൊ ടിയും കുരുമുളക്പ്പൊടിയും ചേര്ത്ത്പ കഴിക്കുക

59. ചുമയ്ക്ക്- തുളസ്സി സമൂലം കഷയം വച്ച് കഴിക്കുക

60. ചെവി വേദനയ്ക്ക്- കടുക് എണ്ണ സഹിക്കാവുന്ന ചൂടോടെ ചെവിയില്‍ ഒഴിക്കുക

61. പുകച്ചിലിന്- നറുനീണ്ടി കിഴങ്ങ് പശുവിന്പാോലില്‍ അരച്ച് പുരട്ടുക

62. ചര്ദ്ദിദക്ക് - കച്ചോല കിഴങ്ങ് കരിക്കിന്‍ വെള്ളത്തില്‍ അരച്ച് കലക്കി കുടിക്കുക

63. അലര്ജിിമൂലം ഉണ്ടാകുന്ന തുമ്മലിന്- തുളസ്സിയില ചതച്ചിട്ട് എണ്ണ മുറുക്കി പതിവായി തലയില്‍ തേച്ച്കുളിക്കുക

64. മൂത്രചൂടിന് -പൂവന്‍ പഴം പഞ്ചസാര ചേര്ത്ത്ച കഴിക്കുക.

65. ഗര്ഭിചണികള്ക്ക്ു ഉണ്ടാകുന്ന ചര്ദ്ദിസക്ക്- കുമ്പളത്തിന്റെി ഇല തോരന്‍ വച്ച് കഴിക്കുക

66. മുടി കൊഴിച്ചില്‍ നിര്ത്തു ന്നതിന്- ചെമ്പരത്തി പൂവിന്റെ് ഇതളുകള്‍ അരച്ച് ഷാംപൂവായി ഉപയോഗിക്കുക

67. അള്സകറിന്- ബീട്ടറൂട്ട് തേന്‍ ചേര്ത്ത്  കഴിക്കുക

68. മലയശോദനയ്ക്ക്- മുരിങ്ങയില തോരന്‍ വച്ച് കഴിക്കുക

69. പരുവിന്- അവണക്കിന്‍ കറയും ചുള്ളാമ്പും ചാലിച്ച് ചുറ്റും പുരട്ടുക

70. മുടിയിലെ കായ് മാറുന്നതിന്- ചീവയ്ക്കപ്പൊടി തലയില്‍ പുരട്ടി അരമണിക്കൂറിന് ശേഷം കുളിക്കുക

71. ദീര്ഘംകാല യൌവനത്തിന്- ത്രിഫല ചൂര്ണംയ തേനില്‍ ചാലിച്ച് ദിവസേന അത്താഴത്തിന് ശേഷം കഴിക്കുക

72. വൃണങ്ങള്ക്ക് - വേപ്പില അരച്ച് പുരട്ടുക

73. പാലുണ്ണിക്ക്- ഇരട്ടിമധുരം കറുക എണ്ണ് ഇവ സമം നെയ്യില്‍ വറുത്ത് അരച്ച് കുഴമ്പാക്കി പുരട്ടുക

74. ആസ്മയ്ക്ക്- ഈന്തപ്പഴവും ചെറുതേനും സമം ചേര്ത്ത്യ കഴിക്കുക

75. പനിക്ക്- തുളസ്സി,ഉള്ളി,ഇഞ്ചി ഇവയുടെ നീര് സമം എടുത്ത് ദിവസവും കഴിക്കുക
76. പ്രസവാനന്തരം അടിവയറ്റില്‍ പാടുകള്‍ വരാതിരിക്കാന്‍- ഗര്ഭവത്തിന്റെന മൂന്നാം മാസം മുതല്‍ പച്ച മഞ്ഞള്‍ അരച്ച് വെളിച്ചെണ്ണയില്‍ ചാലിച്ച് ഉദരഭാഗങ്ങളില്‍ പുരട്ടികുളിക്കുക

77. കണ്ണിന് കുളിര്മ്മടയുണ്ടാകന്‍- രാത്രി ഉറങ്ങുന്നതിന് മുന്പ്ത അല്പംത ആവണക്ക് എണ്ണ കണ്പീ്ലിയില്‍ തേക്കുക

78. മന്തിന്- കയ്യോന്നിയുടെ ഇല നല്ലെണ്ണയില്‍ അരച്ച് പുരട്ടുക

79. ദഹനക്കേടിന്- ചുക്ക്,കുരുമുളക്,വെളുത്തുള്ളി,ഇല വെന്ത കഷായത്തില്‍ ജാതിക്ക അരച്ച് കുടിക്കുക

80. മഞ്ഞപ്പിത്തതിന്-ചെമ്പരത്തിയുടെ വേര് അരച്ച് മോരില്‍ കലക്കി കുടിക്കുക

81. പ്രമേഹത്തിന്- കല്ലുവാഴയുടെ അരി ഉണക്കിപ്പൊടിച്ച് ഒരു ടീ സ്പൂണ്‍ പാലില്‍ ദിവസവും കഴിക്കുക

82. കുട്ടികളില്‍ ഉണ്ടാകുന്ന വിര ശല്യത്തില്‍-വയമ്പ് വെള്ളത്തില്‍ തൊട്ടരച്ച് കൊടുക്കുക

83. വാതത്തിന്- വെളുത്തുള്ളി അരച്ച് വെളിച്ചെണ്ണയില്‍ ചാലിച്ച് കഴിക്കുക

84. വയറുകടിക്ക്-ചൌവരി വറുത്ത് വെളളത്തിലിട്ട് തിളപ്പിച്ച് പഞ്ചസാര ചേര്ത്ത്  പലതവണ കുടിക്കുക

85. ചോറിക്ക്-മഞ്ഞളും വേപ്പിലയും ഇട്ട് തിളപ്പിച്ച വെള്ളത്തില്‍ കുളിക്കുക

86. രക്തകുറവിന്- നന്നാറിയുടെ കിഴങ്ങ് അരച്ച് നെല്ലിക്ക വലിപ്പത്തില്‍ പാലില്‍ കലക്കി കുടിക്കുക

87. കൊടിഞ്ഞിക്ക്- പച്ചമഞ്ഞള്‍ ഓടില്‍ ചൂടാക്കി നെറ്റിയുടെ ഇരുവശവും ചൂട്പിടിപ്പിക്കുക

88. ഓര്മ്മഞശക്തി വര്ധി്ക്കുന്നതിന്- പാലില്‍ ബധാം പരിപ്പ് അരച്ച് ചേര്ത്ത്  കാച്ചി ദിവസവും കുടിക്കുക

89. ഉദരരോഗത്തിന്- മുരിങ്ങവേര് കഷായം വച്ച് നെയ്യും ഇന്തുപ്പും ചേര്ത്ത്് കഴിക്കുക

90. ചെന്നിക്കുത്തിന്- നാല്പ്പാ മരത്തോല്‍ അരച്ച് പുരട്ടുക

91. തൊണ്ടവേദനയ്ക്ക്-അല്പം വെറ്റില,കുരുമുളക്,പച്ചകര്പ്പൂതരം,എന്നീവ ചേര്ത്ത്  വായിലിട്ട് ചവച്ചരച്ച് കഴിക്കുക

92. കുട്ടികളുടെ ബുദ്ധിമാന്ദ്യത്തിന്- മുക്കൂറ്റി സമൂലം അരച്ച് 5ഗ്രാം തേനില്‍ ചേര്ത്ത്  കഴിക്കുക

93. വേനല്‍ കുരുവിന്- പരുത്തിയില തേങ്ങപ്പാലില്‍ അരച്ച് കലക്കി കാച്ചി അരിച്ച് തേക്കുക

94. മുട്ടുവീക്കത്തിന്-കാഞ്ഞിരകുരു വാളന്പുയളിയിലയുടെ നീരില്‍ അരച്ച് വിനാഗിരി ചേര്ത്ത്  പുരട്ടുക

95. ശരീര ശക്തിക്ക്- ഓട്സ്  നീര് കഴിക്കുക

96. ആമ വാതത്തിന്- അമൃത്,ചുക്ക്,കടുക്കത്തോട് എന്നിവ കഷായം വച്ച് കുടിക്കുക

97. നരവരാതിരിക്കാന്‍- വെളിച്ചെണ്ണയും സമം ബധാം എണ്ണയും കൂട്ടികലര്ത്തി് ചെറുചൂടോടെ തലയില്‍ പുരട്ടുക

98. തലമുടിയുടെ അറ്റം പിളരുന്നതിന്- ഉഴിഞ്ഞ ചതമ്പ് വെള്ളം തിളപ്പിച്ച് ചെറുചൂടോടെ തലകഴുകുക

99. കുട്ടികളുടെ വയറുവേദനയ്ക്ക്- മുത്തങ്ങ കിഴങ്ങ് അരച്ച് കൊടുക്കുക

100. കാഴ്ച കുറവിന്- വെളിച്ചെണ്ണയില്‍ കരിംജീരകം ചതച്ചിട്ട് തലയില്‍ തേക്കുക
101. കണ്ണിലെ മുറിവിന്- ചന്ദനവും മുരിക്കിന്കുകരുന്നു മുലപ്പാലില്‍ അരച്ച് കണ്ണില്‍ ഇറ്റിക്കുക 

എന്തൊക്കെ വായിച്ചാലും കണ്ടാലും മഹാഭാരതവും ഭാഗവതവും വായിച്ചിട്ടില്ലെങ്കിൽ നമുക്ക് ഇനിയും അറിയാൻ എന്തൊക്കെയോ ബാക്കിയുണ്ടാകും

ഒരു പ്രശ്നം വരുമ്പോൾ ആദ്യം നാം സ്വയം കരുത്താർജ്ജിച്ച് എഴുന്നേറ്റ് നിൽക്കേണ്ടതുണ്ട്. അതുണ്ടെങ്കിലേ കൂടെയുള്ളവരെ രക്ഷിക്കാൻ എന്തെങ്കിലും ചെയ്യാൻ കഴിയുകയുള്ളൂ. നമ്മുടെ ഒന്നാമത്തെ ആയുധം ആത്മബലമാണ്. അതില്ലെങ്കിൽ ഉപയോഗിക്കുന്ന മറ്റായുധമെല്ലാം കൈവിട്ടുപോകും, ഉപകരണമായ ശരീരംതന്നെ വിയർത്ത് വിറകൊള്ളും. ലോകം മുഴുവൻ നാലുചുറ്റും നിന്ന് നമ്മളോട് എതിർത്തോട്ടെ, എന്നിരുന്നാലും എഴുന്നേറ്റ് നിന്ന് ധീരമായി മുന്നോട്ട് പോകണം. സത്യദർശനം, ആന്തരികപരിശുദ്ധി ഇവയാണ് അതിനു വേണ്ടത്.

മഹാഭാരതത്തിൽ മൂന്ന് മീനുകളുടെ കഥ പറയുന്നുണ്ട്. ഒരു കുളത്തിൽ ദീർഘദർശി, പ്രത്യുല്പന്നമതി, ദീർഘസൂത്രി എന്നിങ്ങനെ മൂന്ന് മീനുകൾ വസിച്ചിരുന്നു. ഒരിക്കൽ കൊടുംവേനൽ വരുന്നു. അത് കണ്ട് അപകടം മുൻകൂട്ടി മനസ്സിലാക്കിയ ദീർഘദർശി ഉപദേശിക്കും- "നമുക്ക് ഇവിടം വിട്ട് എത്രയും വേഗം പോകണം. അല്ലെങ്കിൽ ആപത്താണ്. ഇപ്പോഴാണെങ്കിൽ ചെറിയൊരു നീരൊഴുക്ക് പുറത്തേയ്ക്കുണ്ട്. നമുക്ക് അതുവഴി മറ്റൊരു ജലാശയത്തിലേയ്ക്ക് രക്ഷപ്പെടാം." എന്നാൽ പ്രത്യുല്പന്നമതി പറയും "അത് അപ്പോഴല്ലേ, അപകടം വരുമ്പോൾ ചിന്തിക്കാം." ദീർഘസൂത്രിയും മടിപിടിച്ചു കഴിയും. എന്നാൽ ദീർഘദർശി അപ്പോൾത്തന്നെ അവിടെനിന്ന് രക്ഷപ്പെടുകയും ചെയ്തു. അപ്പോഴാണ് അപകടം വരുന്നത്. വെള്ളം വറ്റാൻ തുടങ്ങിയപ്പോൾ ആളുകൾ വന്ന് ചൂണ്ടയിട്ട് മീൻ പിടിക്കാൻ തുടങ്ങി. അപകടം മുന്നിൽ കണ്ട പ്രത്യുല്പന്നമതിയാകട്ടെ ഉടനേ രക്ഷപ്പെടാനുള്ള ഉപായം കണ്ടെത്തുന്നു. അവൻ ചൂണ്ടയിൽ കുരുങ്ങിയതുപോലെ അഭിനയിച്ച് കിടക്കുകയും പോകുന്ന വഴിക്ക് മറ്റൊരു ജലാശയം കാണുമ്പോൾ ചാടി രക്ഷപ്പെടുകയും ചെയ്തു. എന്നാൽ കാര്യങ്ങൾ മാറ്റിവയ്ക്കുന്ന ദീർഘസൂത്രിയാകട്ടെ അപ്പോഴും അപകടത്തിൽ നിന്ന് രക്ഷപ്പെടാനുള്ള ശ്രമമൊന്നും നടത്തുന്നില്ല. അവൻ അപകടത്തിൽപ്പെടുകയും ചെയ്തു.

കാര്യങ്ങൾ മുൻകൂട്ടി അറിയാൻ കഴിയുന്ന ദീർഘദർശിയാകാൻ നമുക്ക് കഴിഞ്ഞില്ലെങ്കിലും അപകടത്തിൽ പെട്ടാൽ ഉടനേ അതിൽനിന്ന് രക്ഷപ്പെടാനുള്ള ഉപായം കണ്ടെത്താനുള്ള പ്രത്യുല്പന്നമതിത്വമെങ്കിലും ആർജ്ജിക്കേണ്ടതുണ്ട്. ഒന്നും ചെയ്യാതെ മടിപിടിച്ചുകഴിയുന്ന ദീർഘസൂത്രിയുടെ തമോഗുണപ്രകൃതിക്ക് അടിമപ്പെട്ടുകൂടാത്തതുമാണ്. നമുക്ക് ആത്മവിശ്വാസം തരുന്ന ഒരുപാട് കഥകളും ഉപകഥകളും ധർമ്മോപദേശങ്ങളും ഇതിഹാസങ്ങളിലുണ്ട്. ഭഗവദ്ഗീതയോ ഭാഗവതമോ ഇതിഹാസങ്ങളോ ശ്രദ്ധാഭക്തിവിശ്വാസങ്ങളോടെ വായിക്കുന്നതായാൽ ആ കുടുംബത്തിൽ ശാന്തിയും സമാധാനവും പ്രകാശിക്കുന്ന അറിവുണ്ടാകുകതന്നെ ചെയ്യും.

ലോകസാഹിത്യം മുഴുവൻ നാം വായിച്ചിരിക്കാം. അതിൽ നിന്ന് പല കഥാപാത്രങ്ങളും ആദർശങ്ങളും വാചകങ്ങളും നമ്മിലേയ്ക്ക് ആവേശിച്ചിട്ടുണ്ടാകും. ലോകസിനിമ മുഴുവൻ കണ്ടിട്ടുണ്ടാകും. അവയിലെ കഥാപാത്രങ്ങളും നമ്മിൽ ആവേശിച്ചിട്ടുണ്ടാകും. എന്നാൽ നമ്മിലേയ്ക്ക് ആവേശിക്കപ്പെട്ട നായകപരിവേഷങ്ങളുടെ പരിശുദ്ധിയെ ആശ്രയിച്ചിരിക്കുന്നു നമ്മുടെ ശാന്തിയും ആനന്ദവും. നമ്മുടെ കുട്ടികളുടെ സങ്കല്പങ്ങളിലും വിചാരങ്ങളിലും വികാരമായി കടന്നുകൂടുന്ന നായികാനായക മൂർത്തികളെല്ലാം സിനിമയിൽ നിന്നോ റീയാലിറ്റിഷോകളിൽ നിന്നോ കടന്നു വരുന്നു. പൊതിച്ചു കഴിഞ്ഞാൽ ചില തേങ്ങകളിൽ അകത്ത് ഒന്നും കാണില്ല, കെട്ടുപോയിരിക്കും. അതുപോലുള്ള സാഹിത്യം പഠിപ്പിച്ചിട്ട് കാര്യമില്ല. യഥാർത്ഥ സാഹിത്യം നമുക്ക് ശാന്തിപകരുന്ന ജ്ഞാനത്തെ പ്രകാശിപ്പിക്കുന്നു. ഒരു കുടുംബമായി ജീവിച്ച് തുടങ്ങും മുമ്പ് പണവും പേരും പ്രശസ്തിയും ഉണ്ടാക്കാനുള്ള വിദ്യ മാത്രം പഠിച്ചാൽ പോര. ആദ്യം സമാധാനം കണ്ടെത്തണം. ബന്ധങ്ങളിൽ നിന്നോ ധനത്തിൽ നിന്നോ അതുണ്ടാകില്ല. അതെല്ലാം രണ്ടാമത്തെ വിദ്യയാണ്.

എന്തൊക്കെ വായിച്ചാലും കണ്ടാലും മഹാഭാരതവും ഭാഗവതവും വായിച്ചിട്ടില്ലെങ്കിൽ നമുക്ക് ഇനിയും അറിയാൻ എന്തൊക്കെയോ ബാക്കിയുണ്ടാകും. ബാക്കിവച്ച അറിവിലാണ് നമ്മുടെ ദുഃഖങ്ങളും വിദ്വേഷങ്ങളും പരിഹരിക്കാനുള്ള അറിവുള്ളത്. മഹാഭാരതവും ഭാഗവതവും വായിച്ചുകഴിഞ്ഞാലാകട്ടെ ലോകസാഹിത്യം വായിച്ചില്ലെങ്കിലും ജീവിതത്തിൽ നമുക്ക് അഭിമുഖീകരിക്കേണ്ടിവരുന്ന എല്ലാ പ്രതിസന്ധികളും തരണം ചെയ്യാനുള്ള ധാർമ്മികവും ദാർശനികവുമായ അറിവിൻറെ പ്രകാശം കിട്ടുന്നതായിരിക്കും. ഭഗവദ്ഗീതയിലെ ഒരേ ഒരു ശ്ലോകം മതിയാകും നമുക്ക് ജീവിതകാലം മുഴുവൻ ശാന്തമായി കഴിയുന്നതിന്. ഏതു പ്രതിസന്ധിയെയും ശാന്തഗംഭീരമായി അതിജീവിക്കുന്നതിന്-
"കർമ്മം ചെയ്യാൻ മാത്രമേ അധികാരമുള്ളൂ. ഫലം നല്ലതോ ചീത്തയോ ആകട്ടെ. അതിൽ നമുക്ക് അധികാരം ഇല്ല" എന്ന  തിരിച്ചറിവ്. വിധിയും മനുഷ്യപ്രയത്നമായ പൗരുഷവും ഒന്നിച്ചു ചേർന്നാണ് ഏതൊരു കാര്യവും സംഭവിക്കുന്നത് എന്ന തിരിച്ചറിവ്. എന്താണോ സംഭവിച്ചത് അതിനെ ആദ്യം പൂർണ്ണമായി അംഗീകരിക്കുക. ഇനി എന്താണ് ചെയ്യാനുള്ളതെന്ന് ചിന്തിച്ച് മുന്നോട്ട് പോകുക എന്നതാണ് പ്രായോഗികത.

ശ്രീകൃഷ്ണന്റെ കുലം ഒന്നാകെ നശിക്കുമെന്ന് ഗാന്ധാരി ശപിക്കുമ്പോഴും കാലധർമ്മത്തെ അറിയാവുന്ന ശ്രീകൃഷ്ണൻ അത് ശാന്തമായി കാണുന്നു. ഇങ്ങോട്ടുള്ള പ്രതികാരബുദ്ധി മറ്റുള്ളവരുടെ അജ്ഞതയാണ്. അതു കേട്ടിട്ട് അങ്ങോട്ട് പ്രതികാരം തോന്നി കർമ്മബന്ധത്തിൽ കുരുങ്ങുന്നത് നമ്മുടെ അജ്ഞതയുമാണ്. നശിക്കാനുള്ളത് കാലധർമ്മം അനുസരിച്ച് നശിക്കുന്നു. അത് ഗാന്ധാരിയായിട്ടോ നമ്മളായിട്ടോ നശിപ്പിക്കുന്നില്ല. നാം പലപ്പോഴും കാലധർമ്മത്തെക്കുറിച്ചുള്ള അറിവില്ലാതെ പലരുടേയും നാശത്തിൻറെ ഉത്തരവാദിത്വവും പലരുടേയും നേട്ടത്തിൻറെ ഉത്തരവാദിത്വവും സ്വന്തം അഹങ്കാരത്തെ തൃപ്തിപ്പെടുത്താനായി സ്വീകരിക്കാറുണ്ട്. നമുക്ക് കർമ്മത്തെ ത്യജിക്കാൻ കഴിയില്ല. കാരണം, അത് ഉണ്ടായിരിക്കുന്നു, സംഭവിച്ചേതീരൂ. പക്ഷേ കർമ്മഫലത്തിലുള്ള അവകാശവാദത്തെ ത്യജിക്കേണ്ടിയിരിക്കുന്നു. അവിടെയാണ് അറിവിൻറെ പരിശുദ്ധി. പരിശുദ്ധിയാണ് ഈശ്വരസ്വരൂപം. അജ്ഞാനജന്യമായ ചിന്തകൊണ്ട് നാം ദുഃഖിക്കുന്നു. ജ്ഞാനം സ്വാതന്ത്ര്യമരുളുന്നു.    കടപ്പാട്                          🍁🍁🍁🍁🍁🍁🍁🍁🍁🍁🍁🍁🍁🍁🍁 

വിശുദ്ധി എന്നത് ഒറ്റത്തവണ തീര്‍പ്പാക്കല്‍ പദ്ധതിയല്ല.

ഒരാള്‍ പുണ്യ തീര്‍ത്ഥത്തില്‍ സ്‌നാനം ചെയ്തു *മോക്ഷപ്രാപ്തി* നേടാന്‍ തിടുക്കത്തില്‍ യാത്ര ചെയ്യുകാണ്. വഴിയില്‍ വെച്ച് അദ്ദേഹത്തിന്റെ ചെരുപ്പിന്റെ വള്ളിപൊട്ടി.

അടുത്തുണ്ടായിരുന്ന ചെരുപ്പുകുത്തിയെ അയാള്‍ സമീപിച്ചു. ചെരുപ്പുകുത്തി അതീവ ശ്രദ്ധയോടെ തന്റെ ജോലി ചെയ്തുകൊണ്ടിരുന്നു.  അപ്പോള്‍ തീര്‍ത്ഥാടകന്‍ കുറച്ചു പരിഹാസത്തോടെ ചെരുപ്പുകുത്തിയെ നോക്കി ചോദിച്ചു:

*"പുണ്യ തീര്‍ത്ഥത്തില്‍ സ്‌നാനം ചെയ്തിട്ടുണ്ടോ.?"*

ചെരുപ്പുകുത്തി ചെറുപുഞ്ചിരിയോടെ തന്റെ മുന്നിലിരിക്കുന്ന മരപാത്രത്തിലെ വെളളം ചൂണ്ടിക്കാണിച്ചുട്ടു പറഞ്ഞു:

*"മനസ്സു ശുദ്ധമാണെങ്കില്‍ ഈ മരപാത്രത്തിലും പുണ്യതീര്‍ത്ഥമുണ്ട്."*

*വിശുദ്ധി* എന്നത് ഒറ്റത്തവണ തീര്‍പ്പാക്കല്‍ പദ്ധതിയല്ല. ഒരുതവണ നടത്തുന്ന *തീര്‍ത്ഥാടനം* കൊണ്ടോ *അനുഷ്ഠാനം* കൊണ്ടോ ആജീവനാന്ത വിശുദ്ധി കൈവരില്ല.
*കര്‍മ്മനിരതരായവര്‍ക്ക്* ഒരിക്കലും അഴുക്കുചാലിലൂടെ നടക്കില്ല എന്നു വാശി പിടിക്കാനാവില്ല.

*വിശുദ്ധമായ വഴികളിലൂടെ* മാത്രം സഞ്ചരിക്കുന്നവരെ വിളിക്കുന്ന പേരല്ല വിശുദ്ധരെന്ന്. എത്ര അശുദ്ധമായ വഴികളിലൂടെ നടക്കുമ്പോഴും സ്വന്തം വിശുദ്ധി നഷ്ടപ്പെടുത്താത്തവരാണ് വിശുദ്ധരെന്ന പേരിനര്‍ഹര്‍.

വിശുദ്ധസ്ഥലങ്ങള്‍ തേടി നടക്കുന്നതിനേക്കാള്‍ പ്രധാനമാണ് *നില്‍ക്കുന്ന സ്ഥലം വിശുദ്ധമാക്കുക* എന്നത്. വേഷവിധാനങ്ങള്‍ക്കോ പ്രത്യക്ഷ ഭാവങ്ങള്‍ക്കോ വിശുദ്ധിയുമായി ഒരു ബന്ധവുമില്ല.

*ലളിതമാകാനും ചെറുതാകാനും കഴിയുന്നിടത്താണു വിശുദ്ധി ആരംഭിക്കുന്നത്. നമുക്കും വിശുദ്ധിയിലേക്കുള്ള യാത്ര ആരംഭിക്കാം.*

*നന്മകൾ നേർന്നു കൊണ്ട്...🙏* 

2022 ഈ വർഷത്തെ മേടസംക്രമവും കണികാണലും!*

ഇത്തവണ മേടം രണ്ടാംതീയതി - ഏപ്രിൽ 15 വെള്ളിയാഴ്ചയാണ് കണി കാണേണ്ടത് എന്ന് പ്രത്യേകം ഓർക്കുക!

*ഏപ്രിൽ 14 വ്യാഴാഴ്ച രാവിലെ ഇന്ത്യൻ സമയം 8 മണി 41 മിനിറ്റിന് ആദിത്യഭഗവാൻ തന്റെ ഉച്ചക്ഷേത്രമായ മേടരാശിയിലേക്ക് പ്രവേശിക്കുന്നു!*

മലബാറിൽ - വിശേഷിച്ച് വള്ളുവനാട്ടിൽ - പുതുവർഷം ആരംഭം! ഈ പുണ്യസംക്രമമുഹൂർത്തത്തിൽ പൂജമുറിയിൽ ദീപം തെളിയിക്കുന്നത് അത്യുത്തമം എന്ന് പറയേണ്ടതില്ലല്ലോ! വർഷം മുഴുവൻ മംഗളകരമാവട്ടെ!

(ഭാരതത്തിനുപുറത്തുള്ളവർ അതാത് രാജ്യത്തെ പ്രാദേശികസമയമാണ് എടുക്കേണ്ടത് )

*അന്ന് മേടം 1.. മുപ്പട്ട് വ്യാഴാഴ്ച.* അതിവിശേഷ ദിവസം..

*എന്നാൽ വിഷുക്കണി കാണേണ്ടത് പിറ്റേന്ന്, "മേടം രണ്ടിന്" രാവിലെയാണ്!* ഒന്നാംതീയതി ഉദയത്തിന് ശേഷം ആണല്ലോ സംക്രമം. അതുകൊണ്ട് ഉദയത്തിന് മേടം പിറക്കുന്നില്ല എന്നത്കൊണ്ട് കണികാണുന്നത് മേടം 2 വെള്ളിയാഴ്ചയാണ്!

*ഉദയത്തിന് മുൻപ്,  IST "4 മണി 40 മിനുട്ട്മുതൽ 5 മണി 10 മിനുട്ട് വരെയുള്ള അരമണിക്കൂർ നേരം" കണികാണാൻ ഉത്തമസമയമാണ്!* മീനലഗ്നത്തിൽ ലഗ്നാധിപൻ വ്യാഴം വളരെ ബലവാനായി നിൽക്കുന്നു! ഈശ്വരാനുഗ്രഹമുള്ള സമയത്ത് കണികാണുന്നത് വളരെ നല്ലതല്ലേ!

പൂജമുറിയിൽ വ്യാഴാഴ്ച മേൽപ്പറഞ്ഞ സംക്രമസമയത്ത് ദീപം തെളിയിക്കുക, ക്ഷേത്രദർശനം നടത്തുക എന്നിവ അതിവിശേഷമാണ്.. ഈശ്വരഭജനത്തിനുള്ള ഉത്തമദിവസം!

മുപ്പട്ട് വെള്ളിയാഴ്ചയാണ് കണികാണുന്ന ദിവസം.. അന്ന് ഗണപതിഹോമം, ലക്ഷ്മിപൂജ എന്നിവക്ക് പ്രാധാന്യമുണ്ട്.

എല്ലാ ക്ഷേത്രദർശനവും യഥാശക്തി വഴിപാടുംനടത്തി വർഷംമുഴുവൻ മംഗളകരമാക്കാം..

*പുതുവർഷം നല്ലതാവട്ടെ.. പൊന്നൂഗുരുവായൂരപ്പൻ കൂടെ ഉണ്ടാവട്ടെ.. പ്രാർത്ഥിക്കുന്നു .*

വിദ്യാലയങ്ങൾ പോലെയാണ് ഇന്ന് വൃദ്ധസദനങ്ങളും

*🔥വിദ്യാലയങ്ങൾ പോലെയാണ് ഇന്ന് വൃദ്ധസദനങ്ങളും .. മനുഷ്യർ മൂല്യം മറക്കുന്നതിനൊപ്പം സ്വന്തം മാതാപിതാക്കൾ നൽകിയ സ്നേഹവും പരിചരണവും ലാളനയും മറന്ന് പോകുന്നു .... വാർദ്ധക്യം എന്നത് ചിലർക്ക് മാത്രം സംഭവിക്കുന്ന ഒരവസ്ഥയല്ല .. ഈ ഭൂമിയിൽ പിറന്ന സകല മനുഷ്യരും നടന്നടക്കുന്നത് അങ്ങോട്ട് തന്നെയാണ്...  ഇന്ന് പ്രകാശവേഗത്തിൽ സഞ്ചരിക്കുന്ന പുതുതലമുറ ആത്മാർത്ഥത എന്തെന്ന് അറിയാത്തവരാണ്, മനപൂർവ്വം മറക്കുന്നവരുമാണ്... ഈ ലോകത്തെ നേരെ നോക്കാനും ധൈര്യപൂർവ്വം മുന്നോട്ട് ചുവടുകൾ വയ്ക്കാനും , മുന്നോട്ട് പോകാനും പഠിപ്പിച്ച മാതാപിതാക്കളെ ഒറ്റപ്പെടുത്തുവാനും, ... ആരോടാണോ ജീവിതത്തിൽ ഏറ്റവും കൂടുതൽ കടപ്പാട് നാം കാണിക്കേണ്ടത് അവരെ അനായാസം വലിച്ചെറിയാനും മാത്രം ഇന്ന്  നാം പഠിച്ചു കഴിഞ്ഞു . ആധുനികരെന്നും, പൂർണ്ണ സാക്ഷരരെന്നും അഭിമാനിക്കുന്ന മലയാളികളുടെ സാംസ്കരിക അധ:പതനം  മാത്രമായി മാറുന്നു .... ഓർത്താൽ നന്ന് എപ്പോഴും നമ്മുടെ മനസാക്ഷിയുടെ തൃപ്തിയാണ് നമ്മുടെ ജീവിതത്തെ മുന്നോട്ട് നയിക്കുന്നത്. എന്നാൽ ഏകാന്തതയുടെ തടവറയിൽ നിന്ന് സംതൃപ്തിയോടെ പരിചരിച്ചാൽ, അവരിൽ നിന്ന് ലഭിക്കുന്ന പാഠങ്ങൾ ജീവിതത്തിൽ പകർത്തിയാൽ , നന്മയുടെ വേരുകൾ വരും തലമുറയിൽ ആഴ്ന്നിറങ്ങിയേക്കാം ... മാതാപിതാക്കളെ ബഹുമാനിക്കുന്നവരെ ലോകവും ബഹുമാനിക്കും എന്നത് ഒരു പ്രപഞ്ച സത്യമാണ്..ഒരായുസ്സ് മുഴുവൻ നമുക്ക് നൽകിയ കലർപ്പില്ലാത്ത സ്നേഹത്തിന് നമ്മൾ പകരം നൽകേണ്ടത് , നന്ദിയോട് കൂടിയുള്ള സ്നേഹവും , പരിഗണനയും ആണ്.. ജീവിതത്തിന്റെ അസ്തമയ ഘട്ടങ്ങളിൽ എത്തി നിൽക്കുന്നവർക്ക് മരണപ്പെട്ടതിന് ശേഷം നാം ചെയ്യുന്ന കർമ്മകങ്ങളെക്കാൾ ശ്രേഷ്ഠമാകുന്നതും , ഒരുപാട് നന്മയുണ്ടാകുന്നതും , അവർ ഈ ഭൂമിയിൽ ജീവിച്ചിരിക്കുന്ന സമയത്ത്, അവരുടെ ചുണ്ടിൽ വിരിയുന്ന ഒരു പുഞ്ചിരിയ്ക്കാണ്.*
🔥🔥🔥🔥🔥🔥🔥🔥🔥
               *🙏ശുഭദിനം🙏* 

എന്താണ് വിധി

*ശുഭദിനം*

🌹🌹🌹🌹 

*എന്താണ് വിധി...*

🌸🌸🌸🌸🌸🌸🌸

ജീവിതത്തിൽ ആകസ്മികമായി ചില ദുരിതാനുഭവങ്ങൾ വന്നു ചേരുമ്പോൾ ഇതെല്ലാം എന്റെ വിധി എന്ന് തീരുമാനിച്ചു ദുഖിക്കുന്നവർ ഉണ്ട്. എന്നാൽ നല്ല അനുഭവങ്ങൾ ഉണ്ടാകുമ്പോൾ വിധിയെന്ന വാക്കിനെ മാറ്റി വെച്ച് തന്റെ സാമർഥ്യത്തെ ആണ് ചിത്രീകരിക്കാൻ ശ്രമിക്കുക. എന്നാൽ ഇന്ന് നമ്മൾ നമ്മുടെ ഈ ജീവിതത്തിൽ നിർമ്മിക്കാവുന്ന ചില വിധികളെ കുറിച്ചാണ് ചിന്തിക്കുന്നത്.

നാം എന്ത് ചിന്തിക്കുന്നുവോ അതായി തീരുന്നു.

ഈ പരമമായ സത്യമാണ് നമ്മുടെ കയ്യിലുള്ള വിധിയെ നിർണ്ണയിക്കുന്ന ആ ശേഷിയുടെ ആധാരം. അത് സംഭവ്യമാകുന്നത് എങ്ങനെ ആണെന്ന് ഘട്ടം ഘട്ടമായി മനസിലാക്കിയാലും.

നിങ്ങൾ ജീവിതത്തിന്റെ ചില ഘട്ടങ്ങളിൽ യാദൃച്ഛികമായി ചിന്തിക്കാറുള്ള അത്തരം ചിന്തകളെകുറിച്ചല്ല പറയുന്നത്. നിങ്ങളുടെ മനസ്സിൽ അണയാത്ത അഗ്നി പോലെ കത്തുന്ന ചിന്തകൾക്കാണ് ഈ ആവിഷ്കാര ശേഷി ഉള്ളത്. പ്രധാനപ്പെട്ട കാര്യം നിങ്ങളുടെ മുഖ്യമായ ആഗ്രഹം എന്താണ് എന്നുള്ളതാണ്. ആ കേന്ദ്രീകൃത ആഗ്രഹത്തിൽ നിന്ന് നിങ്ങളുടെ ചിന്തകൾ ജന്മം എടുക്കുന്നു. ആ ചിന്തകൾക്ക് അനുസരിച്ചു മനസ്സിൽ തകർക്കാൻ പറ്റാത്തതായ ഒരു ഉദ്ദേശം ഉണ്ടാകുന്നു. ആ ഉദ്ദേശം എന്താണോ അതിന് അനുസരിച്ചു ക്രമേണ നിങ്ങളിൽ ഒരു ഇച്ഛാശക്തി പ്രവർത്തനം ആരംഭിക്കും. കടലിലെ തിരമാലകളെ പോലെ ആ ചിന്തകൾ ചലിച്ചുകൊണ്ടിരിക്കുമ്പോൾ അതിനനുസരിച്ചുള്ള കർമ്മങ്ങൾ നിങ്ങളിൽ ഉണ്ടാകുവാനും തുടങ്ങുന്നു. ആ കർമത്തിന്റെ പ്രഭാവം അനുസരിച്ചു നല്ലതോ മോശമോ ആയ പ്രതിഫലനങ്ങളും ഉണ്ടാകുന്നു. അത്തരം പ്രതിഫലനങ്ങളെ ആണ് നമ്മൾ സ്വയം നിർമിക്കുന്ന വിധി എന്ന് ആദ്യം സൂചിപ്പിച്ചത്. അതായത് ആഗ്രഹം, സങ്കല്പം, ഉദ്ദേശം, ത്വര, കർമ്മം, വിധി ഇതാണ് വിധി ഉണ്ടാക്കുന്നതിന്റെ ക്രമം. ജീവിതത്തിൽ വലിയ വിജയം കൈവരിച്ചവർ എന്ന് കരുതുന്നവരുമായി നിങ്ങൾ ഒന്ന് ചർച്ച ചെയ്തു നോക്കു. അല്ലെങ്കിൽ പരാജയപെട്ടവരെ കണ്ട് നോക്കു. അവരുടെ എല്ലാം ഉള്ളിൽ, തന്നെ ഉയർത്തുവാനോ വീഴ്ത്തുവാനോ നിമിത്തം ആയ, തന്നെ നിരന്തരം പിന്തുടർന്ന ചിന്തകളെ കുറിച്ചുള്ള അനുഭവം പറയാൻ ഉണ്ടാകും. അഥവാ നിങ്ങൾക്ക് തന്നെ ഇത്തരം അനുഭവങ്ങൾ ഉണ്ടെങ്കിൽ അത് മറ്റുള്ളവരുമായി പങ്ക് വെക്കുകയും ചെയ്യാം. അതൊരു പുണ്യ കർമ്മം തന്നെ ആണ്...

🌹🌹🌹🌹🌹

CHILDREN OF TODAY DON'T EVEN KNOW THAT IN OUR DAYS YOU COULD BE BEATEN FOR ANY OF THE FOLLOWING REASON

CHILDREN OF TODAY DON'T EVEN KNOW THAT IN OUR DAYS YOU COULD BE BEATEN FOR ANY OF THE FOLLOWING REASON

1. Crying too long after being beaten

2. Not crying after being beaten

3. Crying without being beaten

4. Standing where elders are sitting 

5. Sitting while elders are standing

6. Walking around aimlessly where elders are seated

7. Eating food prepared for visitors

8. Refusing to eat

9. Coming back home after sunset

10. Eating at the neighbour's home

11. Generally being too moody

12. Generally being too excited

13. Losing a fight with older age mate

14. Winning a fight with your age mate 

15. Eating too slowly

16. Eating too quickly

17. Eating too much

18. Not finishing your food

19. Finishing your food and scraping your plate

20. Eating and talking 

21. Sleeping while the elders in the house have already woken up

22. Looking at the visitors while they are eating

23. Stumbling and falling when walking

24. Looking at an elder eye ball to eye ball

25. When an elder is talking to you and you blink

26. When an elder is talking to you and you stare and not blink

27. When you look at an elder through the corner of your eye

28. When your mates are playing street football and you join them 

29. When your mates are playing and you don't join them

30. When you don't wash your dish after eating

31. When you wash your dish improperly 

32. When you almost break your dish

33. When you break your dish

34. When you bite your nails.

34.. When you don't bath🛀. 

35. When you bath🛀too quickly 

36. When you take too long to bath🛀.

37. When you're beaten in school for misbehaving 

38. When a car almost knocks you down

39. When a car knocks you down and you don't die!

40. For not answering when spoken to

41. For answering back when spoken to.

42 Beaten for going to Temple late.

43 Beaten for borrowing shoe/wears from friends.

Some of these reasons for beating a child may appear far-fetched today but they sure did happen and they were the norm that shaped the adults of today.

Kudos to Indian parents.

I CAN'T STOP LAUGHING!🤣

എ എം രാജ നൂറിലധികം ചിത്രങ്ങള്‍ക്കു് സംഗീതസംവിധാനം നിര്‍വ്വഹിച്ചു

🙏🙏🙏🙏🙏🙏

🎤🎤🎤🎤🎤🎤🎤

1929 ജൂലൈ ഒന്നാം തീയതി ആന്ധ്രായിലെ ചിറ്റൂരില്‍ മാധവരാജുവിന്റെയു ലക്ഷ്മിയമ്മയുടെയും പുത്രനായി ജനിച്ചു.

അമ്പതുകളിലേയും അറുപതുകളിലെയും വിശുദ്ധ പ്രേമസങ്കല്പത്തിന്റെ ഭാവം ശബ്ദത്തില്‍ ആവാഹിച്ച രാജായുടെ ഗാനങ്ങളുടെ വശ്യത അവാച്യമായിരുന്നു. പ്രേംനസീറിനു വേണ്ടി 1952ല്‍ വിശപ്പിന്റെ വിളി എന്ന ചിത്രത്തില്‍ പാടിക്കൊണ്ടാണു് എ എം രാജ സിനിമയില്‍ എത്തിയതു്. 50 കളിലേയും 60 കളിലേയും മലയാള പിന്നണി ഗാനരംഗം എ എം രാജയുടെ പേരിലാണറിയപ്പെട്ടിരുന്നതു്. ഒട്ടേറെ ചിത്രങ്ങള്‍ക്കു് എ എം രാജ പിന്നണി പാടി.

ജമിനിയുടെ സംസാരം എന്ന തമിഴ് ചിത്രത്തിൽ സംസാരം സംസാരം എന്നു തുടങ്ങുന്ന പ്രസിദ്ധിയാർജ്ജിച്ച ഗാനം പാടി പിന്നണിഗായകനായി സിനിമാവേദിയിലേയ്ക്കു കടന്നു വന്ന രാജ എഴുന്നൂറിലധികം ചിത്രങ്ങൾക്കു വെണ്ടി പാടിയിട്ടുണ്ട്.1929 ൽ ഡിസംബറിൽ ആന്ധ്രയിലെ ചിറ്റൂർ എന്ന സ്ഥലത്ത് മാധവരാജുവിന്റെയും ലക്ഷ്മിയമ്മയുടെയും മകനായി ജനിച്ചു. ബി എ ബിരുദം നേടിയിട്ടുണ്ട്.പ്രസിദ്ധ പിന്നണിഗായികയായ ജിക്കിയാണ് രാജായുടെ ഭാര്യ.1951 ൽ വിശപ്പിന്റെ വിളി എന്ന ചിത്രത്തിലൂടെ മലയാള സിനിമയുമായി ബന്ധപ്പെട്ടു.രാജാ ഒരു പിന്നണിഗായകൻ മാത്രമല്ല, പല അവാർഡുകളും നേടിയ ഒരു സംഗീത സംവിധായകൻ കൂടിയാണ്.അമ്മ എന്ന സ്ത്രീ എന്ന മലയാള ചിത്രത്തിനുള്ള ഗാനങ്ങൾക്ക് ഈണം പകർന്നതും രാജായാണ്.

തമിഴിലും തെലുങ്കിലും കന്നടയിലും തന്റെ സ്വരവീചികളുടെ മാന്ത്രിക സ്പര്‍ശത്താല്‍ സവിശേഷസ്ഥാനം നേടിയെടുത്തു.

ജെമിനിയുടെ സംസാരം എന്ന ചിത്രത്തിലൂടെ തമിഴ് ചലച്ചിത്രവേദിയിലേക്കു് കടന്നുവന്ന രാജയിലൂടെയാണു് എം ജി ആറും, ശിവാജി ഗണേശനും ഒരു കാലത്തു് പ്രേക്ഷകഹൃദയങ്ങളില്‍ പ്രേമനായകന്മാരായി കൊടി പാറിച്ചതു്. നല്ലൊരു സംഗീതസംവിധായകന്‍ കൂടിയായ എ എം രാജ നൂറിലധികം ചിത്രങ്ങള്‍ക്കു് സംഗീതസംവിധാനം നിര്‍വ്വഹിച്ചു.

ഉമ്മ എന്ന ചിത്രത്തിലെ കദളിവാഴക്കയ്യിലിരുന്നു് കാക്കയിന്നു വിരുന്നു വിളിച്ചു എന്നു തുടങ്ങുന്ന പ്രസിദ്ധഗാനം പാടിയ ജിക്കിയാണു് രാജയുടെ ഭാര്യ. ഒട്ടേറെ ചിത്രങ്ങളില്‍ ഇരുവരും പിന്നണി പാടിയിട്ടുണ്ടു്. എ എം രാജ ഏറ്റവും കൂടുതല്‍ ഗാനങ്ങള്‍ ആലപിച്ചിട്ടുള്ളതു് ദേവരാജന്റെ സംഗീതസംവിധാനത്തിലാണു്. തമിഴ്, മലയാളം, തെലുങ്കു്, സിംഹളം എന്നീ ഭാഷകളിലെ ചിത്രങ്ങള്‍ക്കു വേണ്ടി രാജ പാടിയിട്ടുണ്ടു്.

1989 ഏപ്രില്‍ 8നു മരണമടഞ്ഞു. 

🙏🙏🙏🙏🙏🙏

വിഷുക്കണിക്ക് ഒരുക്കേണ്ട ദ്രവ്യങ്ങൾ

വിഷുക്കണിക്ക് ഒരുക്കേണ്ട ദ്രവ്യങ്ങൾ...❣️

1.നിലവിളക്ക്  
2. ഓട്ടുരുളി 
3. ഉണക്കലരി 
4. നെല്ല് 
5.നാളികേരം 
6.സ്വർണ്ണ നിറമുള്ള കണിവെള്ളരി 
7. ചക്ക
8. മാങ്ങ, മാമ്പഴം 
9. കദളിപ്പഴം 
10.വാൽക്കണ്ണാടി (ആറന്മുളലോഹകണ്ണാടി)
11.കൃഷ്ണവിഗ്രഹം 
12.കണിക്കൊന്ന പൂവ് 
13. എള്ളെണ്ണ (വിളക്കെണ്ണ പാടില്ല )
14.തിരി 
15. കോടിമുണ്ട്
16. ഗ്രന്ഥം
17.നാണയങ്ങൾ
18.സ്വർണ്ണം 
19. കുങ്കുമം 
20. കണ്മഷി 
21. വെറ്റില 
22. അടക്ക 
23. ഓട്ടുകിണ്ടി 
24. വെള്ളം

വിഷുക്കണി എങ്ങനെ ഒരുക്കാം ?

കണിയൊരുക്കുന്നതിനു കൃത്യമായ ചിട്ടകളുണ്ട്. പ്രാദേശികമായി ചില ഭേദഗതികൾ ഉണ്ടാകാം.

ഓരോ വസ്‌തുവും സത്വ, രജോ,തമോ ഗുണമുള്ളവയാണ്.കണി യൊരുക്കാൻ സത്വഗുണമുള്ളവയേ പരിഗണിക്കാവൂ. തേച്ചുവൃത്തിയാക്കിയ നിലവിളക്കേ ഉപയോഗിക്കാവു.

ഓട്ടുരുളിയിൽ കണിയൊരുക്കണം. ഉരുളി തേച്ചു വൃത്തിയാക്കണം. ഉണക്കലരിയും നെല്ലും ചേർത്തു പകുതിയോളം നിറയ്‌ക്കുക. ഇതിൽ നാളികേരമുറി വയ്ക്കണം. നാളികേരമുറിയിൽ എണ്ണനിറച്ച് തിരിയിട്ടു കത്തിക്കുന്ന പതിവു ചിലയിടങ്ങളിൽ ഉണ്ട്.

സ്വർണവർണത്തിലുള്ള കണിവെള്ളരി ഇതിനൊപ്പം വയ്‌ക്കണം. ചക്ക, മാങ്ങ, കദളിപ്പഴം എന്നിവയാണ് പിന്നീട് വയ് ക്കേണ്ടത്.

ചക്ക ഗണപതിയുടെ ഇഷ്‌ടഭക്ഷണമാണെന്നു വിശ്വാസം. മാങ്ങ സുബ്രഹ്‌മണ്യനും കദളിപ്പഴം ഉണ്ണിക്കണ്ണനും പ്രിയമാണ്. ഇത്രയുമായാൽ വാൽ ക്കണ്ണാടിവയ്‌ക്കാം. ഭഗവതിയുടെ സ്‌ഥാനമാണു വാൽക്കണ്ണാടിക്ക്. കണിക്കൊപ്പം സ്വന്തം മുഖവും കണ്ടുണരാൻകൂടിയാണിത്. ദൈവത്തിനൊപ്പം സ്വത്വവും അറിയുക എ ന്നും സങ്കൽപമുണ്ട്.

കൃഷ്‌ണ വിഗ്രഹം ഇതിനടുത്തുവയ്‌ക്കാം. എന്നാൽ ദീപപ്രഭമൂലമുള്ള ഒരു നിഴലും വിഗ്രഹത്തിൽ പതിക്കരുത്.

തൊട്ടടുത്തു താലത്തിൽ കോടിമുണ്ടും ഗ്രന്ഥവും നാണയത്തുട്ടുകളും സ്വർണവും വയ്ക്കണം. കുങ്കുമച്ചെപ്പും കണ്മഷിക്കൂട്ടും ഇതിനൊപ്പം വയ്‌ക്കുന്നവരുണ്ട്. നാണയത്തുട്ടുകൾ വെറ്റിലയ്‌ക്കും പാക്കിനു മൊപ്പം വേണം വയ്‌ക്കാൻ.

ലക്ഷ്‌മിയുടെ പ്രതീകമാണു സ്വർണവും നാണയങ്ങളും. ഗ്രന്ഥം സരസ്വതിയെ കുറിക്കുന്നു.

പച്ചക്കറി വിത്തുകൾ വയ്‌ക്കുന്നതും നല്ലതാണ്. കണികണ്ടശേഷം ഈ വിത്തുകൾ വിതയ്‌ക്കുന്ന പതിവു ചിലയിടങ്ങളിൽ ഇപ്പോഴുമുണ്ട്.

ഓട്ടുകിണ്ടിയിൽ വെള്ളം നിറച്ചുവയ്‌ക്കണം. ജീവന്റെയും പ്രപഞ്ചത്തിന്റെയും ആധാരമായ ജലം കണ്ണിൽത്തൊട്ടശേഷമാവണം കണികാണേണ്ടത്...🙏🙏🙏

കൃഷ്ണാ ഗുരുവായൂരപ്പാ 💛

കടപ്പാട്: ഗുരുവായൂർ കണ്ണനോട് 

നിങ്ങളുടെ ജീവിത പങ്കാളി ആരാണ്:

ഭഗവത് ഗീതയിൽ ഭഗവാൻ ശ്രീകൃഷ്ണൻ പറയുന്നു, നിങ്ങളുടെ ജീവിത പങ്കാളി ആരാണ്:
അമ്മ?
അച്ഛൻ?
ഭാര്യ?
മകൻ?
ഭർത്താവ്?
മകൾ?
സുഹൃത്തുക്കൾ?
അല്ല നിങ്ങളുടെ യഥാർത്ഥ ജീവിത പങ്കാളി നിങ്ങളുടെ ശരീരമാണ്. നിങ്ങളുടെ ശരീരം പ്രതികരിക്കുന്നത് നിർത്തിയാൽ ആരും നിങ്ങളോടൊപ്പം ഇല്ല!

നിങ്ങളും നിങ്ങളുടെ ശരീരവും ജനനം മുതൽ മരണം വരെ ഒരുമിച്ച് നിൽക്കുക, നിങ്ങളുടെ ശരീരത്തോട് നിങ്ങൾ ചെയ്യുന്നത് നിങ്ങളുടെ ഉത്തരവാദിത്വമാണ്. അത് നിങ്ങളിലേക്ക് മടങ്ങി വരും.

നിങ്ങളുടെ ശരീരത്തെ എത്രമാത്രം പരിപാലിക്കുന്നുവോ അത്രയധികം നിങ്ങളുടെ ശരീരം നിങ്ങളെ പരിപാലിക്കും. നിങ്ങൾ എന്തുകഴിക്കുന്നു, ആരോഗ്യവാനായി നിങ്ങൾ എന്തു ചെയ്യുന്നു, സമ്മർദ്ദത്തെ എങ്ങനെ കൈകാര്യം ചെയ്യുന്നു, അതിനു നിങ്ങൾ എത്രമാത്രം വിശ്രമം നൽകുന്നു, ഈ അവസ്ഥയിൽ കൂടെയായിരിക്കും നിങ്ങളുടെ ശരീരം എങ്ങനെ പ്രതികരിക്കും എന്ന് തീരുമാനിക്കുന്നത്.
നിങ്ങൾ താമസിക്കുന്ന സ്ഥിരമായ വിലാസമാണ് നിങ്ങളുടെ ശരീരം എന്നോർക്കുക, മറ്റാർക്കും പങ്കിടാൻ കഴിയാത്ത നിങ്ങളുടെ സ്വത്ത്, ബാധ്യത എന്നിവയാണ് നിങ്ങളുടെ ശരീരം. നിങ്ങളുടെ ശരീരം നിങ്ങളുടെ ഉത്തരവാദിത്വമാണ്, കാരണം നിങ്ങളാണ് യഥാർത്ഥ ജീവിത പങ്കാളി. എന്നെന്നേക്കുമായി ആരോഗ്യവാനായി ഇരിക്കുക, സ്വയം പരിപാലിക്കുക. പണം വരുന്നു പോകുന്നു, അതുപോലെതന്നെ ബന്ധുക്കളും സുഹൃത്തുക്കളും ശാശ്വതമല്ല, നിങ്ങൾ അല്ലാതെ മറ്റാർക്കും നിങ്ങളുടെ ശരീരത്തെ സഹായിക്കാനാവില്ല എന്നോർക്കുക
അതിനായി നമ്മൾ, ശ്വാസകോശത്തിനുഉള്ള പ്രാണായാമം, മനസ്സിനുള്ള ധ്യാനം, ശരീരത്തിന് വേണ്ടി യോഗാസനം, ഹൃദയത്തിന്റെ ആരോഗ്യത്തിനായി നടത്തം, കുടലിന് നല്ല ഭക്ഷണം, ആത്മാവിനുള്ള നല്ല ചിന്തകൾ, ലോകത്തിനു വേണ്ടി നല്ല കർമ്മം എന്നിവ നിത്യവും ശീലമാക്കുക::

*തത്ത്വമസി* 

വിഗ്രഹം

വിഗ്രഹം എന്ന വാക്കിന്റെ അർത്ഥമോ അതിന്റെ താൽപര്യമോ അറിയാത്ത ആളുകൾ ആണ് സിംഹത്തിന്റെ പ്രതിമ ചിരിക്കുമോ ഉപദ്രവിക്കുമോ തുടങ്ങിയ അബദ്ധ ജടിലവും, യുക്തി രഹിതവും, സാധാരണക്കാരിൽ ബുദ്ധിഭ്രമം ഉണ്ടാക്കുന്നതുമായ ചോദ്യങ്ങൾ ഉന്നയിക്കുന്നത്.
വിഗ്രഹം എന്നാൽ 'വിശേഷേണ തത്വത്തെ ഗ്രഹിക്കാൻ സഹായിക്കുന്നതേതോ അത് വിഗ്രഹം' എന്നാണ്. ഒരു തത്വത്തെ മനസ്സിലാക്കാനും, അനുഭവിക്കാനും സഹായിക്കുന്നതാണ് വിഗ്രഹം എന്നർത്ഥം. ജഗത് മുഴുവൻ വ്യാപിച്ചു നിൽക്കുന്ന ഈശ്വര തത്വത്തെ മനസ്സിലാക്കാനും അനുഭവിക്കാനുമുള്ള പ്രതീകമാണ് ക്ഷേത്രങ്ങളിലെ വിഗ്രഹങ്ങൾ. അതിലൊരു symbolism ഉണ്ടെന്നു ചിന്തിക്കുന്ന എല്ലാവർക്കും അറിയുന്ന കാര്യമാണ്.

നമ്മുടെ ദേശീയ പതാക കാണുന്ന സമയത്തു നമുക്ക് ഓർമ്മ വരുന്നത് മുഴുവൻ ഭാരതത്തെയുമാണ്, അല്ലാതെ അത് cotton തുണിയാണോ, polyster തുണിയാണോ എന്നോ, അത് തയ്പ്പിച്ച ആളിനെയോ അല്ല ഓർമ്മ വരുന്നത്. അതൊരു തുണിയാണെങ്കിലും  ഭാരതത്തിന്റെ ഐക്യവും അഖണ്ഡതയുമാണ് അതിൽ കാണുന്നത്. അതൊരു വിഗ്രഹമാണ്. എല്ലാ മതസ്ഥരും വിഗ്രഹാരാധന ചെയ്യുന്നുണ്ട്. ദിക്ക് വിഗ്രഹമാണ്, ഈശ്വരനാമം എഴുതിയ കടലാസും തുണിയുമൊക്കെ നമ്മൾ അതിനെ ആദരിക്കുമ്പോൾ, വണങ്ങുമ്പോൾ വിഗ്രഹങ്ങളാണ്. ഈ യുക്തി അനുസരിച്ചു ഈശ്വര വിഗ്രഹം കാണുന്ന സമയത്തു അത് നിർമിച്ച ശില്പിയെയോ, അത് ഏത് തരം ശിലയാണെന്നോ, പ്രതിഷ്ഠിച്ച ആളിനെയോ അല്ല ഓർമ്മ വരുന്നത്. പ്രപഞ്ചം മുഴുവൻ നിറഞ്ഞു നിൽക്കുന്ന ഈശ്വര ചൈതന്യത്തെയാണ്  താന്ത്രിക വിധി പ്രകാരം പ്രതിഷ്ഠിച്ച വിഗ്രഹം കാണുമ്പോൾ ഉണ്ടാകുന്ന ഭാവം.

ഒരിക്കൽ തന്റെ കൊട്ടാരം സന്ദർശിച്ച വിവേകാനന്ദ സ്വാമികളോട് രാജാവ് വിഗ്രഹാരാധന തെറ്റല്ലേ എന്നും അത് വെറും കല്ലും, ചിത്രങ്ങളും അല്ലെ എന്നും ചോദിച്ചു. സ്വാമിജി ഉടനെ അടുത്ത് ചുവരിൽ തൂക്കിയിരുന്ന ഒരു ചിത്രം കയ്യിലെടുത്തു ഇതാരാണെന്നു അന്വേഷിച്ചു. അപ്പോൾ രാജാവ് അത് തന്റെ അച്ഛന്റെ ചിത്രം ആണെന്നു പറഞ്ഞു. സ്വാമിജി ആ ചിത്രത്തിലേക്ക് തുപ്പാൻ രാജാവിനോട് നിർദ്ദേശിച്ചു. രാജാവ് അത് തന്റെ അച്ഛന്റെ ചിത്രം ആണെന്നും അതിനാൽ സാധിക്കില്ലെന്നും അറിയിച്ചു.

സ്വാമിജി തിരിച്ചു ചോദിച്ചു "അത് അച്ഛന്റെ വെറും ചിത്രം അല്ലേ  അച്ഛനല്ലല്ലോ"?

രാജാവ് പറഞ്ഞു ചിത്രം ആണെങ്കിലും അത് കാണുമ്പോൾ തന്റെ അച്ഛനെയാണ് ഓർമ്മ വരുന്നത് എന്ന് രാജാവ് പറഞ്ഞു. ഇതുപോലെ ഒരു ഈശ്വര വിഗ്രഹം കാണുമ്പോൾ, അത് വെറും കല്ലാണ്‌ അല്ലെങ്കിൽ ഫോട്ടോയാണ് എന്നല്ല മറിച്ച്‌ ഈശ്വര ചൈതന്യത്തെയാണ് ഭക്തർക്ക് ഓർമ്മ വരുന്നത് എന്ന് സ്വാമിജി മറുപടി നൽകി.

ക്ഷേത്രത്തിന് പുറത്തിരിക്കുന്ന പ്രതിമകളെയും (സിംഹത്തിന്റേതായാലും, ആനയുടേതായാലും) നമുക്ക് പൂജിക്കാം. അത് ഈശ്വര ചൈതന്യമാണ് എന്ന ഭാവത്തോടെയാണെങ്കിൽ മാത്രം അല്ലെങ്കിൽ അത് പ്രയോജനപ്പെടില്ല, മാത്രമല്ല തെറ്റായ പാതയിലേക്ക് അത്തരം വീക്ഷണങ്ങൾ നയിക്കുകയും ചെയ്യും. അതുകൊണ്ടു ക്ഷേത്രാരാധനയെ കുറിച്ച് പഠിക്കുകയും കുട്ടികൾക്ക് പറഞ്ഞു കൊടുക്കുകയും വേണം.

വിവേകാനന്ദ സ്വാമികൾ പറഞ്ഞ ഗംഭീരമായ ഒരു  വാചകം ഇവിടെ ആലോചനാമൃതമാണ്. സ്വാമിജി പറഞ്ഞു "കല്ല് ഈശ്വരനാണ് പക്ഷെ ഈശ്വരൻ കല്ലല്ല". ഒരു കുട്ടി ചോദിച്ചാൽ അച്ഛനായാലും, അമ്മയായാലും, അധ്യാപകരായാലും ഇതാണ്‌ പറഞ്ഞു കൊടുക്കേണ്ടത്.

*തത്ത്വമസി* 

അർച്ചന

🌹🌹🌹🌹🌹

ഒരു പ്രധാനക്ഷേത്രത്തിൽ ചെന്ന് നാം അർച്ചനക്കായുള്ള ഒരു ചീട്ടെടുക്കുമ്പോൾ, അതുകൊണ്ടുപോയി നടക്കൽ കൊടുക്കുവാൻ പറയും.

നടക്കൽ ചെന്നാൽ ചിലപ്പോൾ അവിടെനിന്ന് പൂവും ചന്ദനവും ഒരു മിനിറ്റിനുള്ളിൽ തരും.. അല്ല എങ്കിൽ പ്രസാദം മേടിക്കുന്ന സ്ഥലത്തു കൊടുക്കുവാൻ പറയും.. അവിടെ കൊടുത്താലും അവിടെ വച്ചിരിക്കുന്ന പൂവും ചന്ദനവും അല്ലെ തുളസിയിലയോ ഒരു വാഴയിലയിൽ പ്രസാദമായി കൈയിലേക്ക് തരും. ശരി ഇനി നിങ്ങൾ സ്വയം ചോദിക്കു എന്തിനാണ് നിങ്ങൾ ചീട്ടെടുത്തത്.  അർച്ചനക്കോ, പുഷ്പാഞ്ജലിയ്ക്കോ, സൂക്തമോ , എന്തിനായാലും പ്രസാദം ഇതു തന്നെയാണ് തരുന്നത്....

അങ്ങിനെ ആണെങ്കിൽ എന്താണ് അർച്ചനയുടെ അര്ഥം..?

എന്തിനാണ് നമ്മൾ പ്രത്യേകം അർച്ചനക്കുള്ള ചീട്ടെടുക്കുന്നത്.. ?

എല്ലാം ഒന്നാണെങ്കിൽ എന്തിനാണ് പ്രത്യേകം പ്രത്യേകം പേരിൽ ചീട്ടെടുക്കുന്നത്..?

അര്‍ച്ചന എന്നതിന്റെ അര്‍ഥം ഇതാണ്..

അകാരം ജലപുഷ്പം ച
ചകാരം ധൂപധീപകം
നകാരം സ്നാനനൈവേദ്യം
അർച്ചനാ ശംപദുച്യതേ.

എന്നുവച്ചാൽ ഭഗവാനെ ജലം പുഷ്പം ധൂപം ദീപം സ്നാനം നൈവേദ്യം ഇവ കൊണ്ട് പൂജിക്കുന്നതുകൊണ്ടാണ് അർച്ചനയെ മംഗളമായി കരുതുന്നത് എന്നര്‍ത്ഥം...

നാം അർച്ചനക്ക് ചീട്ടെടുക്കുമ്പോൾ ഭഗവാനെ ഇങ്ങിനെ 6 തരത്തിൽ അർച്ചന ചെയ്ത് ആ പ്രസാദം തരുവാനാണ് നാം യഥാർത്ഥത്തിൽ പറയുന്നത്..

എത്ര പേര് ഇത് അറിഞ്ഞ് ഇത് ചെയ്യുന്നുണ്ട്.

എന്തിനാണ് പുഷ്പാഞ്ചലി, നീരാഞ്ജനം, നൂറും പാലും, ഗുരുതിപുഷ്പാഞ്ജലി, ശത്രുസംഹാരപുഷ്പാഞ്ജലി ഇവ കഴിക്കുന്നത്..?

ഇവ ഒക്കെ തമ്മിലുള്ള വ്യത്യാസം എന്താണ്..?

അതിന്റെ ഫലസിദ്ധി എന്താണ്...?

ചെയ്യുന്നവരേക്കാൾ ചെയ്യുന്ന കര്‍മത്തെ കുറിച്ച് അറിയണ്ടവർ ചെയ്യിപ്പിക്കുന്നവരാണ്..

നാം ചെയ്യുന്ന വഴിപാടുകൾ എന്തുമാകട്ടെ അത് എന്താണ് എന്തിനാണ് എന്ന് നാം അറിയുക തന്നെ വേണം..

നമ്മുടെ സംസ്കാരത്തിലെ ഏറ്റവും പ്രധാനപ്പെട്ട ഭാഗങ്ങളിൽ ഒന്നാണ് ക്ഷേത്രവും ക്ഷേത്രാചാരങ്ങളും...

അതുകൊണ്ട് ഇനി ക്ഷേത്രങ്ങളിൽ പൂജാദികാര്യങ്ങൾക്ക് ചീട്ടെടുക്കുമ്പോൾ തീര്‍ച്ചയായും എന്തിനാണ് ആ പൂജ എന്ന് തിരുമേനിയോടു ചോദിക്കാൻ ശ്രമിക്കു... 🙏🙏🙏 

അനിയനും ചേട്ടനും

തിരുവനന്തപുരം പേട്ട റെയില്‍വേ സ്റ്റേഷന്‍.

 പുറത്തിറങ്ങിയപ്പോള്‍ കനത്ത മഴ. കഴക്കൂട്ടം കടന്നു പോകണം എനിക്ക്. മഴയത്ത് നനഞ്ഞു നില്‍ക്കുന്ന ഓട്ടോകളില്‍   ഒരെണ്ണം ഒഴികെ എല്ലാം കുട പിടിച്ച് ഓടിച്ചു പോയി. ശേഷിച്ച ഓട്ടോയില്‍ നിന്നും അതിന്‍റെ പൈലറ്റ് പ്രതീക്ഷയോടെ നോക്കുന്നത് മഴയിലൂടെ കാണാം. 

കുറച്ചു ദിവസം മുന്‍പ് ഇവിടെ ഇറങ്ങിയപ്പോള്‍ ഒരു പഴഞ്ചന്‍ ടാക്‌സി കണ്ടിരുന്നു. ഉള്ളില്‍ ചന്ദനത്തിരിയും പൂക്കളും ദൈവരൂപങ്ങളും എല്ലാം ഉള്ള ഇരിപ്പിടം പിഞ്ഞിയ ഇത്തിരി പതിയെ ഓടുന്ന പഴയൊരു അമ്പാസിഡര്‍..   ഓടാനുള്ള കരുത്തുണ്ടെങ്കില്‍ എനിക്ക് അത്തരം കാറുകളില്‍ ചെറിയ ദൂരമെല്ലാം സഞ്ചരിക്കാന്‍ ഇഷ്ടമാണ്. ഇന്നെന്തോ ആ കാറ് അവിടെ കാണാനില്ല. അതും ഓട്ടം പോയിരിക്കാം. ഒരു സാധു മനുഷ്യനാണ് അന്ന് അത് ഓടിച്ചിരുന്നത്. അന്ന് മഴയില്ലായിരുന്നു.

ഓട്ടോക്കാരന്‍ എന്നെ തന്നെ നോക്കുന്നുണ്ട്. മഴയാണെങ്കില്‍ എന്നെയും ബാഗും ഓട്ടോയും തിരുവനന്തപുരവും എല്ലാം നനക്കുന്നുണ്ട്. അടുത്തൊന്നും നിലക്കുന്ന പ്രശ്‌നമില്ല. 

ആ ഓട്ടോയില്‍ പോയാലോ..

അത്രയും ദൂരം പോകണ്ടെ..

അതിനിടക്ക് ആ അമ്പാസിഡര്‍ വന്നാലോ..

അത്ര പഴയതായിട്ടും അതാരാ ഇവിടുന്ന് പെറുക്കി കൊണ്ടുപോയത്..

എന്നെപോലെ ആ കാറ് രസിച്ച മറ്റാരെങ്കിലും ഉണ്ടാവും..

ഞാന്‍ ഓട്ടോക്കാരനോട് ഉച്ചത്തില്‍ ചോദിച്ചു.

ടാക്‌സി ഒന്നും ഇല്ലേ.. ഇന്ന്..?

ഓട്ടോക്കാരന്‍ സത്യം പറഞ്ഞു.

മഴയല്ലേ.. ഓട്ടം പോയി.

ഉത്തരത്തോട് ചേര്‍ന്ന് അടുത്ത ചോദ്യം അയാളില്‍ നിന്നും വന്നു.

എങ്ങോട്ടാ..?

ഞാന്‍ സ്ഥലം പറഞ്ഞു. സമ്മതം പോലും ചോദിക്കാതെ അയാള്‍ ഓട്ടോ എനിക്കു മുന്നില്‍ കൊണ്ടുവന്നു നിര്‍ത്തി. ബാഗെടുത്ത് അകത്ത് വെച്ചു. ഞാന്‍ കൂലി ചോദിച്ചു. അന്നത്തെ ടാക്‌സിയേക്കാള്‍ ഇരുനൂറ് രൂപ കുറവാണ്. എന്നാലും അത്രയും ദൂരം ഈ കനത്ത മഴയത്ത് പോകാന്‍ ഒരു മടി. നല്ല തിരക്കുള്ള ഹൈവേ.. വേണോ..

പക്ഷെ അയാള്‍ മഴ നനഞ്ഞു തന്നെ ഇറങ്ങി വന്ന് ഓട്ടോയുടെ വശങ്ങളിലെ നീല വിരിപ്പുകള്‍ താഴ്ത്തി. ഞാന്‍ അകത്തു കയറി. ഇരിപ്പിടം പാതിയില്‍ അധികം നനഞ്ഞിരിക്കുന്നു. അകത്ത് നല്ലപോലെ ചാറല്‍ അടിക്കുന്നു. നല്ല കുളിര്. തലയിലും കണ്ണടയിലും കൈകളിലും എല്ലാം വീശിയടിക്കുന്ന മഴ. ബാഗുകളും നനയുന്നു. സാരമില്ലെന്ന് മനസ്സ് പറഞ്ഞു. 

മഴയല്ലേ.. മഴ നനയാന്‍ ഉള്ളതല്ലേ..

അപ്പോഴാണ് അത് സംഭവിച്ചത്. ഓട്ടോ പുറപ്പെടുന്നതിന്നു മുന്‍പു തന്നെ എനിക്ക് ഇഷ്ടമുള്ള ആ ടാക്‌സി വന്നു. അതില്‍ കയറിയാലോ എന്നൊരു ചിന്ത എന്നില്‍ വന്നതും തീരെ പ്രതീക്ഷിക്കാതെ ആ സാധുവായ ടാക്‌സിക്കാരന്‍ മഴയത്ത് ഇറങ്ങി വന്ന്  അതിലും പാവത്താനായ ഓട്ടോക്കാരനോട് കയര്‍ത്തു.  ആ ഓട്ടം പോകേണ്ടെന്ന് പറഞ്ഞു. ഓട്ടോക്കാരന്‍ അത് ശ്രദ്ധിക്കുന്നില്ല. യന്ത്രം പ്രവര്‍ത്തിപ്പിച്ചു. സമ്മതിക്കില്ലെന്ന വാശിയോടെ ടാക്‌സിക്കാരന്‍ മഴ നനഞ്ഞുകൊണ്ടുതന്നെ ഹാന്‍ഡില്‍ പിടിച്ചു. പറ്റൂല.. നീ പോവണ്ട..

എനിക്കൊന്നും മനസ്സിലായില്ല. അതൊരു തൊഴില്‍ പ്രശ്‌നം ആണെന്നാണ് ഞാന്‍ കരുതിയത്. ടാക്‌സിക്കാരന്‍ എന്നോടും പറഞ്ഞു. സാറിനെ ഞാന്‍ കൊണ്ടുവിടാം. ഇതില്‍ പൊവണ്ട. ഇവന്‍ ചോദിച്ച പണം മതി. വീണ്ടും ടാക്‌സിക്കാരന്‍ എന്തൊക്കെയോ പറയുന്നതിനിടെ ഓട്ടോക്കാരന്‍ ബഹളം വെക്കാതെ ഒഴിഞ്ഞുമാറി ഓട്ടോ എടുത്ത് പതിയെ വിട്ടു. ഞാന്‍ നോക്കുമ്പോള്‍ ഓട്ടോയ്ക്കും വല്ല്യ വേഗതയൊന്നും ഇല്ല. അതും മഴയെ പേടിച്ച് പതിയെ ആണ് ഓടുന്നത്. എന്താണ് കാറുകാരന്‍റെ  പ്രശ്‌നം എന്ന് ഞാന്‍ ചോദിച്ചു. ഓട്ടോക്കാരന്‍ പറഞ്ഞ തിരുവനന്തപുരം ഭാഷയെല്ലാം എന്‍റെ  ചെവിയില്‍ വീഴ്ത്താതെ മഴ നനച്ച് നിലത്തിട്ടു. എനിക്കൊന്നും മനസ്സിലായില്ല.

മുക്കാല്‍ മണിക്കൂറില്‍ അധികം ഓടി എനിക്കിറങ്ങേണ്ട സ്ഥലം എത്തുമ്പോഴേക്കും മഴ ശമിച്ചിരുന്നു. ഓട്ടോയില്‍ നിന്നും ഇറങ്ങി പണം കൊടുക്കാന്‍ ഒരുങ്ങിയതും എന്നെ അമ്പരപ്പിച്ചുകൊണ്ട് ആ ടാക്‌സിയും എനിക്കരികില്‍ എത്തി. ഇത്രയും ഡീസല്‍ കത്തിച്ച് ഇയാളെന്തിനാ ഞങ്ങളുടെ പിറകെ വന്നത്..!! വന്നതും വീണ്ടും ടാക്‌സിക്കാരന്‍ ഓട്ടോക്കാരനോട് കയര്‍ക്കാന്‍ തുടങ്ങി. ഒഴിഞ്ഞുമാറി കൂസലില്ലാതെ ഓട്ടോക്കാരന്‍ പോവാന്‍ ഒരുങ്ങിയതും ടാക്‌സിക്കാരന്‍ അയാളെ തടഞ്ഞു വട്ടം പിടിച്ചു നിര്‍ത്തി എന്നോട് സങ്കടം പറഞ്ഞു.

'സാറേ.. ഇവന് നെഞ്ചിന് വയ്യ. ഓപ്പറേഷന്‍ കഴിഞ്ഞതാ. ഒന്നൊതുങ്ങണവരെ പണിക്ക് പോവണ്ടാന്ന് പറഞ്ഞാ കേക്കൂല. ഞാന്‍ പണിയെടുക്കണില്ലേ. അതീന്നെടുത്താലും ഇവന്‍റെ കുടുംബം കഴിയില്ലേ...?..'

എനിക്ക് ഉത്തരമില്ലായിരുന്നു. 

ഞാനാ ടാക്‌സിക്കാരന്‍ ഏട്ടനെ നിശ്ശബ്ദം നോക്കി നിന്നു.

പിന്നെ ഓട്ടോക്കാരന്‍ അനിയന്‍റെ നെഞ്ചിലെ നീളന്‍ മുറിവില്‍ പതിയെ ഒന്നു തൊട്ടു.

അനിയന്‍ പുഞ്ചിരിച്ചു. 

ഞാന്‍ ചോദിച്ചു.

തിരിച്ച് ഓട്ടം കിട്ട്വോ..?

'അതെങ്ങിനെയെങ്കിലും ഞാന്‍ ഒപ്പിക്കും. എന്നാ എന്‍റെ  പിന്നാലെ ഓടി വന്ന് ഏട്ടന്‍ ഉള്ള ഡീസലും തീര്‍ക്കും. എനിക്കതാ പേടി. '

 

അനിയന്‍റെ  ഉത്തരത്തിന് ഏട്ടനിലെ ഭീതിയകറ്റുന്ന കരുത്തുണ്ടായിരുന്നു. 

.............................................

സ്‌നേഹം നിറവുള്ളതാണെങ്കില്‍ അത് ഒരു മഴയിലും നനഞ്ഞു കുതിരില്ല. അത് സ്‌നേഹമില്ലായ്മയുടെ മഴ ചുറ്റും പെയ്യുന്നതേ അറിയില്ല..

അവരില്‍ ഭാഗ്യവാന്‍ ആരാണ്..

ചേട്ടനോ അനിയനോ..

ടാക്‌സിയോ.. ഓട്ടോയോ..

അതല്ല എല്ലാം കണ്ടു നിന്ന ഞാനോ..

മഴ ഉത്തരം തരട്ടെ ...

        *രഘുനാഥ്‌ പലേരി*

ചിന്തകളും സംസ്ക്കാരവും ആണ് ഒരു മനുഷ്യനെ വലിയവനാക്കുന്നത്

*🔥നാം വഹിക്കുന്ന ഏറ്റവും ഭാരമേറിയത് നമ്മുടെ തലയിലെ ചിന്തകളാണ്.. നല്ല ചിന്തകളും സംസ്ക്കാരവും ആണ് ഒരു മനുഷ്യനെ വലിയവനാക്കുന്നത്. നമ്മുടെ ചിന്തകളാണ് നമ്മെ നയിക്കുന്നത്..വിജയകരമായ ജീവിതത്തിന് വേണ്ടതെപ്പോഴും വസ്തുനിഷ്ഠമായ ചിന്തകളാണ് ... നമുക്ക് വഴികാട്ടുന്നതെപ്പോഴും നല്ല ചിന്തകളും ഭാവനയുമാണ്... ജീവിതത്തെ കുറിച്ച് പോസിറ്റീവ് ആയ മനോഭാവം വച്ച് പുലർത്തിയാൽ , അത് നമുക്ക് ആത്മവിശ്വാസം പകർന്ന് തരും . നല്ല ചിന്തകൾ നന്മയാണ്, എന്നാൽ അനാവശ്യ ചിന്തകൾ നമ്മെ മനോരോഗിയാക്കി തീർക്കുന്നു .... വെളിച്ചം കൊണ്ട് ഇരുട്ടറ്റുന്നത് പോലെ നമ്മുടെ മനസ്സിൽ നിഷേധ ചിന്തകൾ ഇല്ലായ്മ ചെയ്യുന്നതിന് നല്ല ചിന്തകൾ മനസ്സിൽ ദൃഡമാക്കണം.. ഒരു നല്ല മനുഷ്യന്റെ ലക്ഷണം എന്നത് നല്ല ചിന്തയും, നല്ല വാക്കും, നല്ല പ്രവൃത്തിയുമാണ്.. നമ്മുടെ മനസ്സിലെ ചിന്തകളുടെ നിയന്ത്രണം നമുക്ക് തന്നെയാണ് അതിനാൽ സദ്ചിന്തകൾ കൊണ്ട് മനസ്സ് നിറയ്ക്കു ..അങ്ങനെയായാൽ വ്യക്തികൾക്കോ, സാഹചര്യങ്ങൾക്കോ, നമ്മുടെ മനസ്സിനെ മലിനപ്പെടുത്താൻ കഴിയില്ല ... വളരെ ശക്തമായതാണ് നമ്മുടെ മനസ്സെന്നത് ..അവിടെ ശുഭചിന്തകൾ നിറച്ചാൽ ജീവിതം തന്നെ മാറി മറിയും....*
🔥🔥🔥🔥🔥🔥🔥🔥🔥
          *🙏ശുഭദിനം🙏* 

പൂന്താനം ഇല്ലത്തിന്റെ കാഴ്ചകൾ കാണാം

https://youtu.be/V1E12uN4HUk

പൂന്താനം ദിനത്തിൽ നമുക്ക് പൂന്താനത്തിന്റെ  ഇല്ലത്തേക്ക് പോയാലോ . പൂന്താനം ഇല്ലത്തിന്റെ കാഴ്ചകൾ കാണാം🙏

ഇന്ന് പൂന്താനം ദിനം 06/03/2022

മലയാള സാഹിത്യത്തിനു പ്രധാന സംഭാവനകൾ നൽകിയ ഭക്ത കവി പൂന്താനത്തിന്റെ സ്മരണ നിലനിർത്തുന്നതിനായി കുംഭമാസത്തിലെ അശ്വതി നാളിൽ പൂന്താനം ദിനമായി ആചരിച്ചു വരുന്നു. എ.ഡി. 1547-നും 1640-നും മധ്യേ വള്ളുവനാട്ടിൽ ജീവിച്ചിരുന്ന പൂന്താനം ഒരു സംസ്കൃത ഭാഷാ പണ്ഡിതനും ഗുരുവായൂരപ്പന്റെ പരമഭക്തനുമായിരുന്നു. ഇദ്ദേഹത്തെ പ്രശസ്തനാക്കിയ കൃതിയാണ് ജ്ഞാനപ്പാന. ഈ കൃതിയിലെ സൂചനയനുസരിച്ച് ഗുരുവായൂർ ദേവസ്വമാണ് പൂന്താനം ദിനം ആചരിക്കുന്നത്. ഈ ദിവസം ജ്ഞാനപ്പാന പുരസ്കാര വിതരണം, കുട്ടികൾക്കായി ജ്ഞാനപ്പാന ആലാപന മത്സരം, സാംസ്കാരികോത്സവം എന്നിവ നടത്തിവരുന്നു. 

പ്രകാശനം കഴിഞ്ഞ് അണഞ്ഞ് പോകുന്ന എഴുത്തുകാരും പുസ്തകങ്ങളും....

അരുതേ എഴുത്തുകാരാ വാരിക്കുഴിയിലേയ്ക്ക് ചാടരുതെ..

പ്രകാശനം കഴിഞ്ഞ് അണഞ്ഞ് പോകുന്ന എഴുത്തുകാരും പുസ്തകങ്ങളും....

പ്രസാധനമേഖലയിലെ തട്ടിപ്പുകളെ കുറിച്ചാണ് ഈ കുറിപ്പ്.അതില്‍ നിന്ന് എങ്ങനെ രക്ഷ നേടാമെന്നും...

എഴുതി തുടങ്ങുന്നവരുടെയും എഴുതി തെളിഞ്ഞവരുടെയും ഏറ്റവും വലിയ സ്വപനമാണ് തങ്ങളുടെ എഴുത്തുകള്‍ അച്ചടി മഷി പുരണ്ട് പുസ്തക രൂപത്തിലിറങ്ങണമെന്നുള്ളത്.ആ മോഹം ഇവരെ കൊണ്ടെത്തിക്കുന്നത് കൂണുപോലെ മുളച്ചു പൊന്തുന്ന ചില തട്ടിക്കൂട്ട് പ്രസാധക മാഫിയകളിലേക്കാണ്. അതിനായി ഇവര്‍ വിവിധ ന്യൂജെന്‍ പേരുകളില്‍ ഫേസ്ബുക്ക് പേജുകളിലും വാട്സ്പ്പ് ഗ്രൂപ്പുകളിലും വലവിരിച്ചിപ്പുണ്ട്.

പുസ്തക മോഹവുമായി എത്തുന്ന തുടക്കക്കാരനെയിവര്‍ താങ്കള്‍ വലിയ എഴുത്തുകാരനാണെന്നും താങ്കളുടെ പുസ്തകം ഇറങ്ങിയില്ലെങ്കില്‍ അത് മലയാള ഭാഷയ്ക്കൊരു വന്‍ നഷ്മാണെന്നും ആദ്യം പറഞ്ഞ് വിശ്വസിപ്പിക്കുന്നു.അടുത്ത പടി തങ്ങളുടെ പുസ്തക വിതരണ ശൃംഖല വലുതാണെന്നും വേണമെങ്കില്‍ അന്‍റാര്‍ട്ടിക്കായിലെ പെന്‍ഗ്ഗിനുകളെ കൊണ്ടുവരെ പുസ്തകം വായിപ്പിക്കുമെന്നും ബോധ്യപ്പെടുത്തുന്നു.വേണമെങ്കില്‍ ബുക്കര്‍ പ്രൈസ് വരെ കിട്ടുമെന്നും മോഹിപ്പിക്കുന്നു.

ഇതോടെ എഴുത്തുകാരന്‍/രി ഫ്ലാറ്റ്.അവര്‍ഡുകളും പൊന്നാടകളും സമൂഹത്തില്‍ ലഭിക്കാവുന്ന സ്വീകര്യതയൊക്കെ സ്വപനം കാണുന്ന ഈ പാവങ്ങള്‍ എന്നാല്‍ തങ്ങളുടെ പുസ്തകം എങ്ങനെയെങ്കിലും ഇറക്കിയെ തീരു എന്ന നിലയിലെത്തുന്നു.

ഇനിയാണ് അടുത്ത ചൂണ്ട തങ്ങളുടെ ബാനറില്‍ പുസ്തകം ഇറക്കിതരാമെന്നും പത്തോ ഇരുപതോ പുസ്തകങ്ങള്‍ ഓദേഴ്സ് കോപ്പിയായി നിങ്ങള്‍ക്ക് ഫ്രീ ആയി തരാമെന്നും പറയുന്നു.(തെറ്റു പറയരുതല്ലോ ആ പറഞ്ഞ കോപ്പികള്‍ നിങ്ങള്‍ക്ക് കിട്ടും.അത് നിങ്ങള്‍ എങ്ങനെയേലും കഷ്ടപ്പെട്ട് വില്‍ക്കുകയും ചെയ്യം.ഒരു കാര്യം പ്രത്യേകമോര്‍ക്കുക ആ നൂറു കോപ്പി മാത്രമാണ് വായിക്കപ്പെടാന്‍ പോകുക.)

പുസ്തക പ്രിന്‍റിങ്ങിനും തങ്ങളുടെ ബാനറില്‍ പുസ്തകം ഇറക്കുന്നതിനുമായി മുപ്പതിനായിരം മുതല്‍ അറുപതിനായിരം വരെ നിങ്ങള്‍ മുടക്കണമെന്നും ഇവര്‍ പറയുന്നു.അതിനായി ഇവര്‍ പല കണക്കുകളും അവതരിപ്പിക്കും.ഒരു കാര്യം പ്രത്യേകമോര്‍ക്കുക ഈ തുക എന്ന് തിരിച്ചുകിട്ടുമൊന്നോ റോയല്‍റ്റിയെ കുറിച്ചോ ഇവര്‍ ഒരക്ഷരം സംസാരിക്കില്ല. പുസ്തകവും അവര്‍ഡും സ്വപ്നം കാണുന്ന നിങ്ങള്‍ ഭാര്യയുടെ കെട്ടുതാലി വിറ്റോ,ഭര്‍ത്താവിന്‍റെ കൈകാല്‍ പിടിച്ചോ ഈ പൈസ സംഘടിപ്പിച്ച് കൊടുക്കുന്നു.

ഇനിയാണ് അടുത്ത ഘട്ടം നമ്മുടെ പ്രസാധകന്‍ നിങ്ങളുടെ പണം കൊണ്ട് ആകര്‍ഷകമായി പുസ്തകത്തിന് ഒരു കവര്‍ തയ്യാറാക്കുന്നു.ശേഷം നിങ്ങളെ പുകഴ്ത്തി ഒരു അവതാരികയും ഇനിയാണ് പ്രിന്‍റിങ്ങ് ഏതെങ്കിലും പ്രസില്‍ കൊടുത്ത് കുറഞ്ഞ ചിലവില്‍ നൂറ് കോപ്പിയും അടിക്കും.മറ്റൊരു തട്ടിപ്പുകൂടിയുണ്ട് അതിന്‍റെ പേരാണ് പ്രിന്‍റ് ഓണ്‍ ഡിമാന്‍റ്.അത് പ്രസുകാരനും പ്രസാധകനും കൂടിയുള്ള ധാരണയാണ്. അതായത് നിങ്ങള്‍ക്കാവശ്യമുള്ള അത്ര കോപ്പി മാത്രമടിക്കും അതായത് ഓദേഴ്സ് കോപ്പി.വീണ്ടും നിങ്ങള്‍ കൂടുതല്‍ കോപ്പി വേണമെന്ന് ആവശ്യപ്പെടുകയാണെങ്കില്‍ അമ്പതോ നൂറോ കോപ്പി വീതം അടിച്ചു തരും.എന്നിട്ട് പറയും ആയിരം (ചിലരുടെ അടുത്ത് അഞ്ഞൂറ്) കോപ്പി അടിച്ചിട്ടുണ്ടെന്ന്.അങ്ങനെ തട്ടിപ്പിന്‍റെ വിവിധ മുഖങ്ങള്‍.

ഇതാ നിങ്ങളെ തേടി അടുത്ത കോളെത്തുകയായി പുസ്തകം റെഡിയായിട്ടുണ്ടെന്നും പ്രകാശന ചടങ്ങ് നടത്തേണ്ടതെന്നും അതിന്‍റെ ചിലവിലേക്കായി കുറച്ച് പൈസകൂടി വേണമെന്നും അറീയ്ക്കും.പ്രകാശന പ്രോഗ്രം എന്നാ മഹാമഹത്തിനായി നിങ്ങള്‍ ആരെ കൊന്നേലും പൈസ സംഘടിപ്പും..ദാ പ്രകാശന ചടങ്ങിനുള്ള ദിവസം സമാഗതമായി ഓഡിറ്റോറിയത്തില്‍ നിങ്ങളും കുടുംബാഗങ്ങളും നിങ്ങള്‍ വിളിച്ചു വരുത്തിയ കുറച്ച് നാട്ടുകാരും..ഉദ്ഘാടനം ചെയ്യാന്‍ സ്ഥലത്തെ പഞ്ചായത്ത് പ്രസിഡന്‍റും മെമ്പറും പ്രസാധകനും പ്രകാശനം ചെയ്യാന്‍ പ്രസാധകന്‍ നേരത്തെ പറ്റിച്ച ഏതേലും നിങ്ങളെപ്പോലൊരു ഹതഭാഗ്യനായ എഴുത്തുകാരനും..പഞ്ചായത്ത് പ്രസിഡന്‍റ് നിലവിളക്ക് കൊളുത്തി പരിപാടി ഉത്ഘാടനം ചെയ്യുന്നു.നിങ്ങള്‍ക്കും കിട്ടും ഒരു തിരി തെളിക്കാനുള്ള അവസരം..പ്രസിഡന്‍റ് നിങ്ങളെക്കുറിച്ച് വാതോരാതെ സംസാരിക്കുന്നു..നിലവിളക്കിലെ എണ്ണാ തീരാറാകുമ്പോഴേക്കും മൂപ്പര് പ്രസംഗം അവസാനിപ്പിക്കും.അടുത്തത് പ്രകാശന ചടങ്ങാണ് മുമ്പ് പറഞ്ഞ ഹതഭാഗ്യനായ എഴുത്തുകാരന്‍ പുസ്തകം പ്രകാശനം ചെയ്യുന്നു അപ്പോള്‍ നിലവിളക്ക് കരിന്തിരി കത്തി തുടങ്ങീട്ടുണ്ടാവും.അടുത്ത ഊഴം നിങ്ങളുടേതാണ് നന്ദി പറയല്‍ അഥവ മറുപടി പ്രസംഗം. ആദ്യ പുസ്തകം ഇറങ്ങിയ സന്തോഷത്തില്‍ കണ്ണ് നിറഞ്ഞ് ചുണ്ടുകള്‍ വിതുമ്പി നിങ്ങള്‍ പ്രസംഗം അവസാനിച്ച് കഴിയുമ്പോളേക്കും വിളക്കിലെ എണ്ണ തീര്‍ന്നിട്ടുണ്ടാവും തിരികെട്ടിട്ടുണ്ടാവും.നിങ്ങളുടെ അവസ്ഥയും ഏകദേശം ആ വിളക്കിന്‍റെ പോലാവും. നൂറ് കോപ്പിയടിച്ച പുസ്തകത്തിന്‍റെ എണ്‍പത് കോപ്പി പ്രസാധകന്‍റെ വീടിന്‍റെ കോണിപ്പടിയുടെ ചുവട്ടിലോ ഓഫീസ്മുറിയുടെ ചുവട്ടിലോ പൊടി പിടിച്ച് കിടപ്പുണ്ടാവും.നിങ്ങള്‍ ഇരുപത് കോപ്പിയുടെ എഴുത്തുകാരാനായി നെടുവീര്‍പ്പിടും...അപ്പോള്‍ പ്രസാധകന്‍ നിങ്ങളുടെ പ്രകാശന ചടങ്ങിന്‍റെ ഫോട്ടോ കാണിച്ച് അടുത്ത ഇരയെ വീഴ്ത്തുകയായിരിക്കും..

പ്രിയ എഴുത്തുകാരാ/കാരി നിങ്ങള്‍ ഒരു പുസ്തകം ഇറക്കാന്‍ ആഗ്രഹിക്കുന്നുണ്ടെങ്കില്‍ കുറച്ച് കാര്യങ്ങള്‍ ശ്രദ്ധിക്കുക.ആദ്യം നിങ്ങള്‍ എഴുതിയത് പ്രസിദ്ധീകരണയോഗ്യമാണോയെന്ന് അത്യാവശ്യം വായനയുള്ള ആരെയെങ്കിലും കൊണ്ട് വായിപ്പിച്ച് അഭിപ്രായം തേടുക.ഒരിക്കലും ഫേസ് ബുക്ക് വാട്സപ്പ് കമന്‍റുകള്‍ സ്വീകരിക്കരുത്.അത് നിങ്ങളെ സന്തോഷിപ്പിക്കാന്‍ മാത്രം എഴുതി വിടുന്നതാണ്.അടുത്ത പടി പ്രസാധകനെ കണ്ടത്തലാണ്.അതിനായി കുറച്ച് കാര്യങ്ങള്‍ മനസ്സിലാക്കുക.നിങ്ങള്‍ തേടുന്ന പ്രസാധകന്‍ എത്ര പുസ്തകങ്ങള്‍ പബ്ലിഷ് ചെയ്തിട്ടുണ്ട് അതില്‍ തന്നെ എത്ര മികച്ച പുസ്തകങ്ങളുണ്ട്,ഏതൊക്കെ പുസ്തകങ്ങള്‍ റീ പ്രിന്‍റ് വന്നിട്ടുണ്ട്.അവര്‍ എത്ര മികച്ച എഴുത്തുകാരുടെ പുസ്തകങ്ങള്‍ പബ്ലിഷ് ചെയ്തിട്ടുണ്ട്.കേരളത്തിലെ ലൈബ്രറി കൗണ്‍സിലുകളും മറ്റു സംഘടനകളും നടത്തുന്ന പുസ്തക മേളകളില്‍ അവര്‍ പങ്കെടുക്കാറുണ്ടോ.ഉണ്ടെങ്കില്‍ നിങ്ങളുടെ പ്രസാധകനെ തേടിയുള്ള യാത്രയുടെ ആദ്യ ഘട്ടം കഴിഞ്ഞു.ഇപ്പോള്‍ നിങ്ങളുടെ കൈയ്യില്‍ കുറച്ച് പ്രസാധകരുടെ പേരുണ്ട്.ഇനി അതില്‍ നിന്ന് ഒരു പേര് തിരഞ്ഞെടുക്കുക അവിടെ ശ്രദ്ധിക്കേണ്ട കാര്യം പ്രസാധകന്‍റെ ബാനറാണ് അവര്‍ കേരളത്തില്‍ എത്രത്തോളം ശ്രദ്ധിക്കപ്പെടുന്നുണ്ട് അവര്‍ക്ക് എഡിറ്റോറിയല്‍ ബോര്‍ഡുണ്ടോ ചില പ്രസാധകന്‍ തന്നെ നല്ല എഡിറ്ററുമായിരിക്കും.ഇപ്പോ നിങ്ങള്‍ നല്ലൊരു പ്രസാധകനെ കണ്ടെത്തിയിരിക്കുന്നു.ഇനി അവരുമായി ഒരു എഗ്രിമെന്‍റ് തയ്യാറാക്കുക.ഭാവി കാര്യങ്ങളെ കുറിച്ച് തീരുമാനിക്കുക.

അപ്പോള്‍ എഴുത്തുകാരാ നിങ്ങള്‍ കരിന്തിരികളാകതെ പ്രകാശിച്ചുകൊണ്ടിരിക്കട്ടേ....നിങ്ങളുടെ നന്മകള്‍ മാത്രം ആഗ്രഹിക്കുന്ന ഒരു വായനക്കാരന്‍..

ജോയിഷ് ജോസ്.

Don't sit, just walk

The article for all above 50  

SARCOPENIA is the loss of skeletal muscle mass and strength as a result of ageing. 

It leads to gradual decline in the quality of life !

Let's explore sarcopenia !

Title: "Slowly Use Your Functional Muscles"

1. To develop a habit of being able to stand ... just don't sit!  ... and don't lie down if you can sit!

2. After the age of 50~60, it is not possible to lose weight, especially if you do not exercise and rely on eating less to lose weight!  

Because if all the muscles are lost, it can be dangerous!

3. Does running, cycling or climbing hurt the knee?

If you have never exercised before you can only go running, biking, or climbing in your mind as it will hurt your knees a lot!  

But if you have enough muscle strength and slowly develop the habit of running, cycling, and climbing, it can be a good exercise and not hurt your knees!  Whether you hurt your knees or not depends on your muscle strength!

4. If an elderly person is sick and hospitalized, don't ask him to rest more ... or lie down and relax and not get out of bed !  

Lying down for a week loses at least 5% of muscle mass !  

And the old man can't get his muscles back !

5. Don't think that you are helping by not letting the elders do any housework, and scold the maid if they do it ! 

Usually, many elderly people who hire helpers lose muscle faster !

6. Don't just do a single activity every day when you go to the park. 

Dont just shake your hands when you can also shake your legs. You must also pull the horizontal bar or move every sports equipment! 

Because as long as a person moves, then all the muscles of whole body will be involved!  

Many elderly people even have difficulty swallowing because of insufficient exercise!  

In the end, they could not even cough up a mouthful of sputum and die because of this!

7. Sarcopenia is more terrifying than osteoporosis ! 

With osteoporosis you just need to be careful not to fall, whereas sarcopenia not only affects the quality of life but also causes high blood sugar due to insufficient muscle mass!

8. The fastest loss of sarcopenia is in the muscle of the legs!

Because when a person sits or lie down, the legs are not moving and the muscle strength of the legs are affected ... this is particularly important !  

So be active , squat at least 20 to 30 times a day. 

Squat is not squatting down but like sitting on the toilet seat ... you can use a chair and stand up when your butt touches the seat!

TAIWAN's advanced medical system also have health insurance but on average the elderly in Taiwan spend 8 years in a wheelchair until they lie in bed before they die!  

And you don't want to have eight years of old age when the quality of life is so poor! 

So You MUST pay attention to sarcopenia !

Move up and down stairs , go running, cycling , trekking and climbing are all great exercises and will increase muscle mass!

For a better quality of life for everyone in old age ... 

Keep Moving 😊You are just older Youth.

വിനയഭാവം

🌄ഏതൊരു മനുഷ്യനും വേണ്ട അത്യാവശ്യ ഗുണങ്ങളിൽ ഒന്ന് വിനയഭാവം ആണ്‌.

🔘വിനയം നമുക്ക്‌ പല പൂട്ടുകളും പൊളിച്ച്‌ അകത്ത്‌ കടക്കാനുള്ള താക്കോൽ ആണ്‌

🔯മറ്റുള്ളവരെ തന്നിലേക്ക് ആകർഷിക്കുന്നതോടൊപ്പം നന്മയുള്ള വ്യക്തിത്വത്തിന്റെ ഒരു പ്രധാന ഘടകമാണ് വിനയം എന്നത്.

 🌷നമുക്കെന്തെല്ലാം ഗുണങ്ങളോ പദവികളോ നേട്ടങ്ങളോ ഉണ്ടെങ്കിലും എളിമയില്ലെങ്കിൽ അവയൊന്നും വേണ്ടത്ര ഗുണം ചെയ്തു എന്നുവരില്ല.

 🌻എന്തൊക്കെ കുറവുകളും പിഴവുകളും ഉണ്ടെങ്കിലും വിനയമെന്ന സ്വഭാവഗുണം നമ്മിലുണ്ടെങ്കിൽ അവയെല്ലാം മറികടക്കാനും ഏതു ലക്ഷ്യം നേടുവാനും നമ്മെ പ്രാപ്തരാക്കും.

       *ശുഭദിനം നേരുന്നു* 

അമൃതവചനം

~~~~~~~~~~~~~~
പ്രയത്നം കൂടാതെ ജീവിതത്തില്‍ വിജയം കണ്ടെത്താന്‍ കഴിയില്ല.

മക്കളേ,
ഒരിക്കല്‍ ഒരു ശിഷ്യന്‍ ഭിക്ഷയ്ക്കുപോയി. വൈകുന്നതുവരെ നടന്നിട്ടും യാതൊന്നും കിട്ടിയില്ല. രാത്രി വിശന്നു തളര്‍ന്, ഗുരുവിന്റെ അടുത്തെത്തി ഭിക്ഷയൊന്നും ലഭിക്കാത്തതില്‍ ഈശ്വരനോട് ദേഷ്യമായി. വളരെ ഗൗരവത്തില്‍ അവന്‍ ഗുരുവിനോട് പറഞ്ഞു:'ഇനി ഞാന്‍ ഈശ്വരനെ ആശ്രയിച്ച് ജീവിക്കാന്‍ തയ്യാറല്ല. അങ്ങു പറയാറുണ്ട്, ഈശ്വരനെ ആശ്രയിച്ചാല്‍ നമുക്കുവേണ്ടെതെല്ലാം ലഭിക്കുമെന്ന് ഒരു നേരത്തെ ഭക്ഷണംകൂടി തരാന്‍ കഴിയാത്ത ഈശ്വരനെ ഞാന്‍ എന്തിന് ആശ്രയിക്കണം? ഈശ്വരനെ വിശ്വസിച്ചതുതന്നെ തെറ്റായിപോയി.' ഗുരു കുറച്ചുനേരം ഒന്നും മിണ്ടിയില്ല. അതിനുശേഷം ശിഷ്യനോട് ചോദിച്ചു:'നിനക്ക് ഞാന്‍ ഒരു ലക്ഷം രൂപ തരാം. നിന്റെ കണ്ണ് എനിക്ക് തരാമോ?' ശിഷ്യന്‍ പറഞ്ഞു:'കണ്ണു പോയാല്‍ എന്റെ കാഴ്ചശക്തി നഷ്ടമാകില്ലേ? എത്ര വലിയ തുക തന്നാലും ആരെങ്കിലും കണ്ണു വിലയ്ക്കു കൊടുക്കുമോ?' 'എങ്കില്‍ കണ്ണു വേണ്ട. നിന്റെ നാക്കു തരാമോ?' 'നാക്കുതന്നാല്‍ ഞാന്‍ എങ്ങനെ സംസാരിക്കും?' 'എങ്കില്‍ നിന്റെ കൈതരാമോ? അതു പറ്റില്ലെങ്കില്‍ കാലു തന്നാലും മതി, ഒരു ലക്ഷം രൂപതരാം.' ഉടന്‍ ശിഷ്യന്റെ മറുപടി വന്നു:'പണത്തേക്കാള്‍ വിലയുള്ളതാണ് ശരീരം. അതു നഷ്ടപ്പെടുത്താന്‍ ആരെങ്കിലും തയ്യാറാകുമോ?' ശിഷ്യന്റെ മനോഭാവമറിഞ്ഞ് ഗുരു പറഞ്ഞു:'നിന്റെ ഈ ശരീരം എത്രയോ ലക്ഷംരൂപ വിലയുള്ളതാണ്. ഇതു നിനക്ക് ഈശ്വരന്‍ തന്നത് യാതൊരു പ്രതിഫലവും പറ്റാതെയാണെന്നോര്‍ക്കണം. എന്നിട്ടും നീ ഈശ്വരനെ കുറ്റം പറയുന്നു. ഇത്ര വില കൂടിയ ഈ ശരീരം നിനക്ക് ഈശ്വരന്‍ നല്കിയിരിക്കുന്നത് മടിപിടിച്ചിരിക്കുവാനല്ല ; ശ്രദ്ധാപൂര്‍വം കര്‍മം ചെയ്തു ജീവിക്കാനാണ്.' മക്കളേ, ഈ കഥ എന്താണു വ്യക്തമാക്കുന്നത് എന്നു മനസ്സിലായല്ലോ? പ്രയത്നം കൂടാതെ ജീവിതത്തില്‍ വിജയം കണ്ടെത്താന്‍ കഴിയില്ല. പ്രയത്നം ചെയ്യാന്‍ തയ്യാറാകാതെ എല്ലാം ഈശ്വരന്‍ നോക്കിക്കൊള്ളും എന്നു പറഞ്ഞുകൊണ്ടിരിക്കുക- അത് അലസതയുടെ ലക്ഷണമാണ്. എല്ലാം ഈശ്വരന്‍ നോക്കിക്കൊള്ളും എന്നു പറയുന്നുണ്ട്. എങ്കിലും അവര്‍ക്കതില്‍ പൂര്‍ണ്ണസമര്‍പ്പണം കാണാറില്ല. പ്രയത്നിക്കേണ്ട സന്ദര്‍ഭങ്ങളില്‍ എല്ലാം ഈശ്വരന്‍ നോക്കിക്കൊള്ളുമെന്നു പറയും. എന്നാല്‍ വിശക്കുമ്പോള്‍ എവിടെയെങ്കിലും ചെന്ന് മോഷ്ടിച്ചായാലും വേണ്ടില്ല, വയറു നിറയ്ക്കാന്‍ നോക്കും. ആ സമയത്ത് ഈശ്വരന്‍ കൊണ്ടുത്തരട്ടെ എന്നു ചിന്തിച്ച് ക്ഷമയോടെ കാത്തിരിക്കാറില്ല. പലര്‍ക്കും വിശപ്പിന്റെ മുന്നിലും സ്വന്തം കാര്യങ്ങളുടെ മുന്നിലും ഈശ്വരനിലുള്ള സമര്‍പ്പണം വാക്കുകളില്‍ മാത്രമാണ്. നമ്മുടെ എല്ലാ കാര്യങ്ങളിലും ഈശ്വരനു പ്രത്യേക ശ്രദ്ധയുണ്ട്. അതിന്റെ അര്‍ത്ഥം കര്‍മം ചെയ്യേണ്ട അവസരങ്ങളില്‍ കൈയുംകെട്ടി വെറുതെയിരുന്നാല്‍ ഫലം കിട്ടുമെന്നല്ല. നമുക്ക് ആയുസ്സും ആരോഗ്യവും ബുദ്ധിയും ഈശ്വരന്‍ നല്‍കിയിരിക്കുന്നത് മടിയന്മാരായിരുന്നു ജീവിതം പാഴാക്കനല്ല. അവിടുത്തെ നിര്‍ദേശമനുസരിച്ച് പ്രയത്നിക്കുവാന്‍ തയ്യാറാകണം. ആഹാരം പാകംചെയ്യാനുള്ള അഗ്നി ഉപയോഗിച്ച് പുരയ്ക്ക് തീ കൊളുത്തുകയും ചെയ്യാം. അതുപോലെ ഈശ്വരന്‍ തന്നിരിക്കുന്ന ഉപാധികളെ ശരീയായ രീതിയില്‍ പ്രയോജനപ്പെടുത്തിയില്ലെങ്കില്‍ ഗുണത്തിനു പകരം ദോഷമായിരിക്കും ഫലം. പ്രയത്നിക്കേണ്ട സമയത്ത്, പ്രയത്നിക്കേണ്ട രീതിയില്‍ ഈശ്വരാര്‍പ്പണമായി പ്രയത്നിക്കുക. എങ്കില്‍ മാത്രമേ ശരിയായ ഫലം ലഭിക്കുകയുള്ളൂ. യാതൊരു കര്‍മവും ചെയ്യാതെ എല്ലാം ഈശ്വരന്‍ നോക്കിക്കൊള്ളും എന്നു പറഞ്ഞ് ഇരിക്കുന്നവര്‍, കിട്ടിയ വിത്ത് പെട്ടിയില്‍ വെച്ച് സൂക്ഷിക്കുന്നതുപോലെയാണ്. വിത്ത് പെട്ടിക്കു ഭാരമാകുന്നതല്ലാതെ മറ്റു യാതൊരു ഗുണവുമില്ല. ഈശ്വരന്‍ നല്കിയ ഉപകരണങ്ങളെ ശരീരമനോബുദ്ധികളെ വേണ്ടവണ്ണം പ്രയോജനപ്പെടുത്താതെ മടിയന്മാരായി കഴിയുന്നവര്‍ ലോകത്തിനുഭാരമാണ്. വിത്തെടുത്ത് ആഹാരമാക്കി കഴിക്കുന്നവരുടെ കാര്യം നോക്കൂ. അവര്‍ക്ക് താല്‍ക്കാലികമായി വിശപ്പു മാറും. ഭൗതിക ജീവികള്‍ ഇതുപോലെയാണ്. വിത്തുകുത്തി ആഹാരമാക്കി മാറ്റിയാല്‍പ്പിന്നെ അടുത്ത തവണ വിതയ്ക്കാന്‍ എന്തുണ്ട്‍? ഭൗതികജീവികള്‍ക്ക് താല്‍ക്കാലിക സുഖം മാത്രമാണ് ലക്ഷ്യം. എന്നാല്‍ വിത്തുവിതച്ച്, വേണ്ട വെള്ളവും വളവും നല്കി വളര്‍ത്തിയ ആളെക്കൊണ്ട് എല്ലാവര്‍ക്കും പ്രയോജനമുണ്ടാകും. വിതച്ച വിത്തില്‍നിന്നുണ്ടായ ഫലം കൊണ്ട് കുടുംബത്തിന്റെയും വിശപ്പടക്കി, വീണ്ടും വിതച്ച് നാട്ടുകാര്‍ക്ക് ആവശ്യമായത് നല്കാന്‍ അയാള്‍ക്കു കഴിയും. ഇതുപോലെ ഈശ്വരന്‍ നമുക്ക് നല്കിയിരിക്കുന്ന നമ്മുടെ 'ശരീര മനോബുദ്ധികളെ' വേണ്ടവണ്ണം ഉപയോഗിച്ചാല്‍ മാത്രമേ യഥാര്‍ഥ ലക്ഷ്യത്തില്‍ എത്താന്‍ കഴിയൂ. എങ്കിലേ പ്രയോജനപ്രദമായ രീതിയില്‍ ജീവിതം നയിക്കുവാന്‍ സാധിക്കൂ. മക്കളേ, ഈശ്വരന്‍ നല്കിയിരിക്കുന്ന ഈ ഉപകരണത്തെ ശ്രദ്ധാപൂര്‍വം ഉപയോഗിക്കുന്നതാണ് അവിടത്തോടുള്ള സമര്‍പ്പണം. മറിച്ച് പ്രയത്നം ചെയ്യാതെ മടിപിടിച്ചിരിക്കുന്നത് അവിടത്തോടു കാട്ടുന്ന ദ്രോഹമാണ്. പ്രയത്നിക്കുന്ന മക്കളെ കാണാനാണ് അമ്മ ആഗ്രഹിക്കുന്നത്. അലസതയും മടിയും തുടച്ചു നീക്കാന്‍ മക്കള്‍ക്ക് സാധിക്കണം.
*അമ്മ*
(സദ്ഗുരു -
ശ്രീ മാതാ അമൃതാനന്ദമയി ദേവി )