ആത്മാവ് എന്ന വാക്ക് ഭാരതത്തിൽ സർവ്വരും യഥേഷ്ടം ഉപയോഗിക്കാറുണ്ടെങ്കില്ലും ആത്മാവിനെക്കുറിച്ചുള്ള കൃത്യമായ അറിവ് ആരും തന്നെ തന്നിട്ടില്ല. ആത്മാവിനെ യഥാർത്ഥമായി അറിഞ്ഞാൽ മാത്രമേ പരമാത്മാവിനേയും മനസ്സിലാക്കുവാൻ സാധിക്കൂ. ആത്മാവിനെക്കുറിച്ച്ജ്ഞാനസാഗരനായ പരമാത്മാവ് ബ്രന്മാവിൽ കൂടിതരുന്ന അറിവിതാണ്.
ഈ ശരീരം പഞ്ചഭൂത നിർമ്മിതവും അചേതനവുമാണ്.ഈ ശരീരത്തിൽ ഇരുന്ന് കർമ്മം ചെയ്യുകയും സുഖദു:ഖങ്ങൾ അനുഭവിക്കുകയും. ചെയ്യുന്നത് ചൈതന്യ രൂപമായ ആത്മാവാണ്. ശരീരത്തെ വിട്ടു പോകുമ്പോൾ പിന്നെ കാണുകയോ കേൾക്കുകയോ സംസാരിക്കുകയോ ഒന്നും തന്നെ ചെയ്യുന്നില്ല. ശരീരത്തെ പിന്നെ ശവം എന്നേ വിളിക്കു.
ഇതിൽ നിന്നു തന്നെ മനസ്സിലാക്കാം ശരീരത്തെ ഉപയോഗിച്ച് ആ ശരീരത്തിലൂടെ പ്രവർത്തിച്ചു കൊണ്ടിരുന്നത് ആത്മാ വാണെന്ന്.. ഞാൻ കാണുന്നു, ഞാൻ കേൾക്കുന്നു, ഞാൻ പറയുന്നു, ഞാൻ ചെയ്യുന്നു, എന്റെ ശരീരത്തിന് സുഖമില്ല എന്നെല്ലാം പറയുമ്പോൾ കർമ്മങ്ങൾ വ്യത്യസ്തമാണെങ്കിലും കർത്താവ് അതായത് . 'ഞാൻ' ഒന്നു തന്നെയാണ്.' ഈ ഞാൻ ആത്മാവും , ശരീരം എന്റെയും
രണ്ടും രണ്ടാണ്.
ശരീരം നശ്വരവും ആത്മാവ് അനശ്വരവും. ശരീരനാശത്തിൽ ആത്മാവ് അതിന്റെ സംസ്കാരവുമായി മറ്റൊരു ശരീരത്തിലേക്ക് കൂടുമാറുന്നു."
💦💦💦💦💦💦💦💦💦
ഹേ അർജ്ജു നാ, ഒരു .ദേഹത്തിലും വസിക്കുന്ന ആത്മാവ് നശിക്കുന്നില്ല , ഈ ആത്മാവ് എന്നും ഉണ്ടായിരുന്നു. ഇനിയുണ്ടായിരിക്കുകയും ചെയ്യും. വസ്ത്രം ജീർണ്ണിക്കുമ്പോൾ പകരം ധരിക്കുന്നതു പോലെ ഈ ദേഹി ദേഹത്തെ മാറ്റുക മാത്രമാണ് മരണം." എന്നെല്ലാം ഗീതയിൽ പറഞ്ഞിരിക്കുന്നത് ആത്മാവിന്റെ അനശ്വരതയേയാണ് സൂചിപ്പിക്കുന്നത്.
