Google Ads

Sunday, December 25, 2016

ഒരാള്‍ക്ക് എത്ര ഭൂമി വേണം?

വിശ്വവിഖ്യാതനായ റഷ്യന്‍ സാഹിത്യകാരന്‍ ലിയോ ടോള്‍സ്റ്റോയിയുടെ 'യുദ്ധവും സമാധാനവും' (War and Peace) എന്ന ചെറുകഥാ സമാഹാരത്തില്‍ മനോഹരമായ ഒരു കഥയുണ്ട് 'ഒരാള്‍ക്ക് എത്ര ഭൂമി വേണെം?' എന്നാണ് കഥയുടെ പേര്.

രാജാവ് സൗജന്യമായി ഭൂമി വിതരണം ചെയ്യുന്ന വാര്‍ത്ത നാട്ടിലൊക്കെ വിളംബരം ചെയ്തു. തികച്ചും സൗജന്യമായി വസ്തു സ്വന്തമാക്കാന്‍ ചെറിയ ഒരു നിബന്ധന പാലിച്ചാല്‍ മതി. ഒരു ദിവസം ഒരാള്‍ എത്ര ഭൂമി നടന്നു പൂര്‍ത്തിയാക്കുന്നുവോ അത്രയും സ്ഥലം അയാള്‍ക്ക് അവകാശമാ­ക്കാം.

ഭൂമി മോഹിച്ചെത്തിയവരുടെ കൂട്ടത്തില്‍ പാവപ്പെട്ട പാഹ­മെന്ന ഒരു ചെറുപ്പക്കാരനും ഉണ്ടായിരുന്നു. രാവിലെ തന്നെ കൊട്ടാരത്തിലെത്തിയ പാഹമിന് രാജസേവകന്‍ സ്വന്തമാക്കാനുള്ള ഭൂമി കാട്ടിക്കൊടുത്തു. അത്യുത്സാഹത്തോടെ അയാള്‍ നടപ്പാരംഭിച്ചു.
നടന്നാല്‍ കുറച്ചു ഭൂമിയേ സ്വന്തമാക്കാന്‍ കഴിയൂ എന്ന് ചിന്തിച്ച് അയാള്‍ വേഗം ഓടാന്‍ തുടങ്ങി.
ഇടയ്ക്ക് കലശലായി ദാഹിച്ചെങ്കിലും വെള്ളം കുടിക്കാന്‍ നിന്നാല്‍ സ്ഥലം നഷ്ടപ്പെടുന്നതോര്‍ത്ത് അതിന് തുനിഞ്ഞില്ല.
ഭക്ഷിക്കാന്‍ സമയം കളയാതെ കൂടുതല്‍ ഭൂമിയ്ക്കായി ഓട്ടം തുടര്‍ന്നു.
ഇടയ്ക്ക് കുഴഞ്ഞു വീണെങ്കിലും ഇഴഞ്ഞും വലിഞ്ഞുമൊക്കെ പാഹം ഭൂമി കൈവശമാക്കല്‍ ശ്രമം അനസ്യൂതം തുടര്‍­ന്നു.
ഒടുവില്‍ സന്ധ്യയായപ്പോള്‍ രാജാവ് പാഹമിനെ അനുഗമിച്ച രാജസേവകനോട് അയാൾ എത്ര ഭൂമി സ്വന്തമാക്കി എന്ന് ചോദി­ച്ചു.

"ആറടി മണ്ണ് ' സേവകന്‍ ഉത്തരം പറ­ഞ്ഞു.

യഥാര്‍ത്ഥത്തില്‍ എന്താണ് പാഹമിന് സംഭവിച്ചത്?

വെള്ളം കുടിക്കാതെയും ഭക്ഷണം ആസ്വദിക്കാതെയും ക്ഷീണിച്ചവശനായ പാഹം തളര്‍ന്നു വീണു മരിച്ചു.
ആറടി മണ്ണില്‍ കുഴിച്ച കുഴിയില്‍ അയാളെ അടക്കം ചെയ്തു.

ടോള്‍സ്റ്റോയി എഴുതിയ ഈ കഥയ്ക്ക് നാമുമായി എന്തെങ്കിലും ബന്ധമുണ്ടോ?

മനസ്സിരുത്തി ചിന്തിച്ചാല്‍, നാമും ഈ പാഹമിനെപ്പോലെ­യല്ലെ?

വെട്ടിപ്പിടിക്കാനും സ്വന്തമാക്കാനുമുള്ള പരക്കം പാച്ചിലില്ലേ നാമോരുത്തരു...
ശരിക്കൊന്നു വിശ്രമിക്കാനാകാതെ,
നന്നായി ഒന്നുറങ്ങാനാകാതെ
കുടുംബത്തോടൊപ്പം അല്‍പ്പം സമയം ചെലവഴിക്കാനാകാതെ,
മക്കളുടെ കളികളും കുസൃതികളും ആസ്വദിക്കാന്‍ സാധിക്കാതെ എവിടേയ്ക്കാണീ ദ്രൂത ഗമ­നം?

വിദേശ രാജ്യങ്ങളില്‍ ജീവിക്കുന്ന കുടുംബങ്ങളുടെ അവസ്ഥ ഇതിലും ഏറെ ദയനീയമാണ്.
ഭര്‍ത്താവ് ജോലിയില്‍ നിന്നു വരുമ്പോഴേയ്ക്കും ഭാര്യ ജോലിയ്ക്ക് പോകാന്‍ ഇറങ്ങിയിരിക്കും.
ഇതിനിടയില്‍ കുട്ടികള്‍ സ്‌കൂളില്‍ പോയി വരുമ്പോഴേയ്ക്കും ഒരാള്‍ ഉറക്കത്തിലും മറ്റൊരാള്‍ ജോലിയിലുമായിരിക്കും.
കുടുംബാംഗങ്ങള്‍ ഒരുമിച്ചുള്ള സമയങ്ങള്‍അപൂര്‍വ്വം.
ആരാധനയ്ക്കും കുട്ടായ്മയ്ക്കൂമൊക്കെ പോയി എന്നു വരുത്തിത്തീര്‍ക്കും.
എല്ലാം ബാങ്ക് ബാലന്‍സില്‍ കുറെ നമ്പറുകള്‍ കൂട്ടിച്ചേര്‍ക്കാന്‍ വേണ്ടി മാത്രം.

ആരോഗ്യമുള്ളപ്പോള്‍ അല്‍പ്പം സമ്പാദിച്ചു കൂട്ടാമെന്നു കരുതിയാണ് ഓവര്‍ടൈമൊക്കെ ധാരാളം ചെയ്യുന്നത്. പിന്നീട് അല്‍പ്പം വിശ്രമിക്കാമെന്ന ചിന്തയും മനക്കോട്ടയിലുണ്‍ട്. എന്നാല്‍ ജോലിയിലെ ടെന്‍ഷനും അസമയങ്ങളിലുള്ള ആഹാരശീലവുമൊക്കെ ചേര്‍ന്ന് ഒരു രോഗിയായി മാറുകയാണവര്‍ എന്നറിയു­ന്നില്ല.

ഡയബെറ്റിസ് ആയതുകൊണ്‍ട് മധുരം കഴിക്കാനാകുന്നില്ല; പ്രഷര്‍ കൂടി നില്‍ക്കുന്നതുകൊണ്‍ട് ഉപ്പിനും വിലക്ക്; അള്‍സര്‍ കുടലില്‍ ബാധിച്ചതിനാല്‍ എരിവും പറ്റില്ല. മധുരവും ഉപ്പും എരിവുമൊന്നുമില്ലാതെ ജീവിതത്തിന് എന്ത് രുചി?

ഒരു സന്നിഗ്ദ ഘട്ടത്തിലെത്തി നില്‍ക്കുമ്പോള്‍ മനഃസാക്ഷി നമ്മോട് ചോദിക്കുന്ന ഒരു ചോദ്യമുണ്ട്, എല്ലാം മറന്ന് ഓടിയതുകൊണ്‍ട് എന്തു നേടി?
വിവിധ ഡോക്‌ടേഴ്‌സിന്റെ മുറികളില്‍ കയറിയിറങ്ങാനോ?
സുന്ദര സൗധങ്ങള്‍ പണിതുയര്‍ത്തിയിട്ട് ആശുപത്രിയിലെ മനം മടുപ്പിക്കുന്ന ഗന്ധങ്ങളുടെ ഇടയില്‍ ചികിത്‌സ തേടി കിടക്കാനോ?
വലിയ വീട്ടിcലെ പാറ്റയുടെയും പല്ലിയുടെയും കണക്കെടുത്ത് ജീവിതം തള്ളിനീക്കാനോ?

കഷ്ടപ്പെട്ട് പഠിപ്പിച്ച മക്കളെ കണികാണാന്‍ പോലും കിട്ടുന്നില്ല.
അവരൊക്കെ നല്ല ജോലി തേടി വിദേശങ്ങളില്‍ സ്ഥിരതാമസമാകാകിയിരക്കുകയല്ലേ?

പാഹമിനെപ്പോലെ ഒടുവില്‍ ആറടിമണ്ണില്‍ വിലയം പ്രാപിക്കും. നേട്ടമെന്നു ഗണിക്കാന്‍ അതുമാത്രം ഫലം..

മഞ്ഞ്

ഞാനും എന്റെ മൂന്നു കൂട്ടുകാരും കൂടി കാറിൽ പോവുകയായിരുന്നു...

നല്ല മഞ്ഞുള്ള പ്രദേശമായത് കാരണം ചുറ്റുമുള്ളതൊന്നും കാണാൻ വയ്യ....

മുമ്പിൽ പോകുന്ന വണ്ടിയുടെ ലൈറ്റ് പിൻതുടർന്ന് ഞാൻ വണ്ടിയോടിച്ചു.
ഒന്നും കാണാൻ വയ്യ കൊടും മഞ്ഞ്....

പെട്ടെന്ന് മുമ്പിലെ വണ്ടി നിന്നു.
ഇപ്പോ പോകുമെന്ന് വിചാരിച്ച് കാത്തിരുന്നു,
പക്ഷേ വണ്ടി അനങ്ങുന്നില്ല...

ക്ഷമ ആട്ടിൻ സൂപ്പിന്റെ ഫലം ചെയ്യുമല്ലോ അതു കൊണ്ട് കാത്തിരുന്നു.
പക്ഷേ വണ്ടി അനങ്ങുന്നില്ല

എനിക്ക് ദേഷ്യം ഇരച്ചുകയറി.
ഡ്രൈവിംങ്ങ് സീറ്റിൽ നിന്ന് ഇറങ്ങിയ ഞാൻ ആ വണ്ടിക്കാരോട് അലറി....
....
വണ്ടിയെടുത്തു മാറ്റടാ മര്യാദയ്ക്ക്... പന്നീ ..

അപ്പോൾ അയാൾ പറയുകയാ......

ഞാൻ 30 ലക്ഷം രൂപ മുടക്കി ഉണ്ടാക്കിയ എന്റെ സ്വന്തം വീടിന്റെ കാർ പോർച്ചിൽ എന്റെ കാറ് നിർത്താൻ നിന്നോട് ചോദിക്കണോടാ മരപ്പട്ടി...... എന്ന്.....

2016

ഒരു കലണ്ടർകൂടി മറയുന്നു ....!!
നമ്മുടെ ആയുസ്സിലെ ഒരു
വർഷം കൂടി കൊഴിഞ്ഞു ....!!
ഒന്ന് ചിന്തിക്കു....
മറഞ്ഞ വർഷം നാം എന്ത് നേടി ....?
നന്മയാണോ,
അതോ തിന്മയാണോ കൂടുതൽ ചെയ്തത് ....?
നാം പൂർത്തിയാക്കുമോ എന്നുറപ്പില്ലാതെ ,
ഒരു വർഷം കൂടി കടന്നു
വരുന്നു ...!!
കാലത്തിന്റെ അരങ്ങിൽ
അങ്ങനെ ഒരു വർഷത്തിനു കൂടി യവനിക വീഴുകയായ്....
തീരം തേടിയുള്ള യാത്രകളിൽ
കണ്ടു മുട്ടിയ ഒരു പാട്
മുഖങ്ങൾ......
എക്കാലവും ഓർത്തിരിക്കാൻ
ചില സൗഹൃദങ്ങൾ
അളവറ്റ
ആഹ്ലാദത്തിന്റെ മറക്കാനാവാത്ത
ദിനങ്ങൾ....
നിനച്ചിരിക്കാതെ നേരിടേണ്ടി വന്ന
ദുരിതങ്ങളുടെ ശ്വാസം മുട്ടിക്കുന്ന
നിസ്സഹായ നിമിഷങ്ങൾ...
ഓർക്കാതെ കൈവന്ന
സൗഭാഗ്യങ്ങൾ...
വിരൽത്തുമ്പിൽവെച്ചു
വീണുടഞ്ഞ സ്വപ്നങ്ങൾ...
എന്നും തണലായ് നിന്ന
സുഹൃത്തുക്കൾ....
ഇരുളടഞ്ഞ
വീഥികളിൽ
ഇന്നും പ്രത്യാശയുടെ തിരിനാളമായ്
കത്തി നില്ക്കുന്ന
ദൈവസാന്നിധ്യം....
കാലം പിന്നെയും മുന്നോട്ട്....
ഒരു പുതു
വർഷം കൂടി നമ്മെ കാത്തിരിക്കുന്നു....
ഒട്ടേറെ വഴിത്തിരിവുകൾ
നമുക്കായ്
ചേർത്തുവെച്ചുകൊണ്ട്
നേരുന്നു ഞാൻഎന്റെ
ഹൃദയം നിറഞ്ഞ
പുതുവത്സാരാശംസൾ..

മീനാക്ഷിയേടത്തി സ്വൈപ്ഡ്

രാവിലെ അമ്പലത്തിൽ പോയിട്ട് തിരിച്ചു വരുന്ന മീനാക്ഷിയേടത്തി ഒറ്റയ്ക്ക് ചിരിക്കുന്നത് കണ്ടാണ് ബാർബർ ഭാസ്കരേട്ടൻ ചോദിച്ചത്: "ഇതെന്താ മീനാക്ഷിയേടത്ത്യേ, ങ്ങള് ഒറ്റക്ക് ചിരിക്കന്നെ?"

"ന്റെ ഭാസ്കരാ, ഞാൻ ഒരു ഒറ്റത്തേങ്ങാ ഗണപതിഹോമോം പിന്നെ കണാരേട്ടൻറേം മക്കളേം കുഞ്ഞുമക്കളേം എല്ലാം പേരിൽ ഓരോ പുഷ്പ്പാഞ്ജലിയും കഴിപ്പിച്ചു, രണ്ടായിരത്തിൻറെ നോട്ട് കൊടുത്തു. അമ്പലത്തിൻറെ ഓഫീസിൽ ചീട്ട് എഴുതാൻ ഇരിക്കുന്ന കുമാരൻ പറഞ്ഞു, ഇതൊന്നും ഇവിടെ വേണ്ട, ഒന്നുകിൽ ചില്ലറ തരീ, അല്ലെങ്കിൽ swipe ചെയ്യേണ്ടി ബരുംന്ന്.

ഞാൻ എൻറെ കോന്തല തൊറന്ന് ഡെബിറ്റ് കാർഡ് ഓന് കൊടുത്തപ്പോ ഓൻറെ കണ്ണ് മിയിഞ്ഞു...
കാർഡും വാങ്ങി കൊറേ സമയം തിരിച്ചും മറിച്ചും കളിച്ചിറ്റ് ഓൻറെ അടുത്ത നമ്പര്...
GPRS കിട്ടുന്നില്ലാന്ന്.

GPRS കിട്ടുന്നില്ലെകിൽ നീയാ ലാൻഡ്‌ഫോണിൻറെ കേബിൾ എടുത്തു കുത്ത് കുമാരാന്ന് ഞാൻ.

അതൊന്നും എനക്കാറീല്ലാന്ന് കുമാരൻ.

പിന്നെ നീയെന്തിനാടാ ഇവിടെ ഇരിക്ക്ന്നേ, ഇങ്ങോണ്ടാ ഞാൻ കാണിച്ചു തരാംന്നു പറഞ്ഞു ഞാൻ കേബിൾ കുത്തി swipe ചെയ്തു കൊടുത്തു. നെയ്‌വെളക്കടക്കം 112 ഉർപ്യ. ചില്ലറ തരില്ലാന്നു വെച്ച് എനക്ക് വഴിപാട് കഴിപ്പിക്കാണ്ടെ പാട്വോ? "

"പക്ഷെ, നിങ്ങൾ ഇതൊക്കെ എങ്ങനെ പഠിച്ചു, മീനാക്ഷിയേടത്ത്യേ?" ഭാസ്കരേട്ടൻ മിഴിഞ്ഞ കണ്ണോടെ....

"അതിപ്പോ നാടോടുമ്പോ നടുവേ ഓടണ്ടേ ഭാസ്കരാ, നാലക്ക നമ്പർ മറന്നു പോവ്വോന്നു ഒരു പേടിയെ എനിക്കുള്ളൂ...നിൻറെ ബാർബർ ഷോപ്പിൽ swipping മെഷീൻ ഉണ്ടോ?"

"ഇല്ല", ഭാസ്കരേട്ടൻറെ ശബ്ദത്തിനു ഒരു ചെറിയ വിറയൽ ഉണ്ടായിരുന്നു...

"മേരാ പ്യാരാ ഭാസ്കരാ, വേഗം ഒരെണ്ണം ബാങ്ങിക്കോ, ട്രെയിനിങ് ഞാൻ തരാം..." മുണ്ടിൻറെ കോന്തല ഒന്നും കൂടി മുറുക്കി മീനാക്ഷിയേടത്തി വീട്ടിലേക്ക് നടന്നു.

Monday, November 28, 2016

ആചാര്യജി , ഭഗവത് ഗീത , ഭാഗവതം. ഉപനിഷത്ത് എന്നിവയെല്ലാം നിഷ്ഠയോടെ പഠിക്കുന്ന ഒരു സാധകനു എന്തിനാണ് നാമജപം ?

സംശയനിവാരണം:

ആചാര്യജി , ഭഗവത് ഗീത , ഭാഗവതം. ഉപനിഷത്ത് എന്നിവയെല്ലാം നിഷ്ഠയോടെ പഠിക്കുന്ന ഒരു സാധകനു എന്തിനാണ് നാമജപം?

ഹരി ഓം.

ഭഗവത് ഗീത , ഭാഗവതം. ഉപനിഷത്ത് എന്നിവയെല്ലാം നിഷ്ഠയോടെ പഠിക്കുന്ന ഒരു സാധകനു എന്തിനാണ് നാമജപം എന്നു ചിന്തിക്കുന്നവര്‍ പലരും ഉണ്ട്.അതു നാമജപ മഹാത്മ്യം ശരിയായി മനസ്സിലാക്കത്തതുകൊണ്ടാണ്.അലക്ഷ്യമായി അലയുന്ന മനസ്സിനെ ഏകാഗ്രമാക്കിമനോവൃത്തികളെ നിയന്ത്രിച്ചു ഈശ്വരോന്മുഖമാക്കി സാദാ നിര്‍ത്തുകഎന്നത് നിരന്തരമായ നാമജപം ഒന്നു കൊണ്ട് മാത്രമേ സാധ്യമാകു . അങ്ങിനെ മനസ്സിനെ ഏകാഗ്രമാക്കിയാല്‍ മാത്രമേ മറ്റു സാധനകള്‍ ശരിയായി പ്രകാശിക്കുകയുള്ളൂ.

നാമം രൂപത്തെ അടിസ്ഥാനമാക്കിയാണ്.

നാമം ഇല്ലാതെ രൂപമോ, രൂപം ഇല്ലാതെ നാമമോ ഇല്ല. ഒരു രൂപത്തെ ഉള്ളില്‍ ഉറപ്പിച്ചു അതിന്‍റെ നാമത്തെ നിരന്തരം ജപിക്കുമ്പോള്‍ സാധകനു ആ രൂപത്തോട് രാഗം വളരുകയും ,അതു ഭക്തിയായി ഭവിക്കുകയും ചെയ്യുന്നു. ഇങ്ങിനെ നിരന്തരമായ സ്മരണത്തിലൂടെ മാത്രമേ ധ്യാനം സാധ്യമാകുകയുള്ളൂ. ധ്യാനത്തിലൂടെ മാത്രമേ ബ്രഹ്മാനുഭൂതി ലഭിക്കുകയുള്ളൂ. അതിനാല്‍ ഏതു സാധകനും നാമജപം അത്യന്താപേക്ഷിതമാണ്.

ഹരേ രാമ ഹരേ രാമ രാമ രാമ ഹരേ ഹരേ ! ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ!

ആചാര്യൻ

ഒരു രൂപ

ഫാത്തിമ ഗോൾഡ് പാലസിൽ നിന്നും നഷ്ടപെട്ട വള കണ്ടെത്താൻ CCTV യിലെ ദൃശ്യങ്ങൾ പരിശോദികുമ്പോഴാണ് ആ കുടുംബത്തെ അസ്ക്കർ ശ്രദ്ധിച്ചത്. അസ്ക്കർ മാനേജർ അനസിനോട് ചോദിച്ചു. ഇവര് ആഭരണം എടുക്കാൻ വന്നതാണോ?
അതേ സാർ.. അവർക്ക് 20 പവന്റെ ആഭരണം വേണമെന്ന് പറഞ്ഞു .. അടുത്താഴ്ച്ച ആ കുട്ടിയുടെ നിക്കാഹ് ആണത്രെ.
എന്നിട്ട് ആഭരണങ്ങൾ എന്തങ്കിലും എടുത്തോ ?.
ഇല്ല ..ആ സ്ത്രിയും പെൺകുട്ടിയും ചില ആഭരണങ്ങളൊക്കെ നോക്കുന്ന കൂട്ടത്തിൽ വളകളും നോക്കാനെടുത്തിരുന്നു.പക്ഷെ സംശയിക്കേണ്ട രീതിൽ ഒന്നും കാണുന്നില്ല.
എന്നിട്ടെന്താ അവര് ആഭരണം എടുക്കാതെ പോയത്.??
അവരുടെ അടുത്ത് ഒരു ലക്ഷം രൂപയേ ഉള്ളു.. ബാക്കി ഒരു ലക്ഷം കല്ല്യാണം കഴിഞ്ഞ് തരാം എന്നും ബാക്കി വരുന്ന സംഖ്യക്ക് 6 മാസം അവധിയുമാണ് ചോദിച്ചത്. ആറ് മാസം അവധിക്ക് ശരിയാവില്ല എന്ന് ഞാൻ പറഞ്ഞു. അയാൾ ഒരു സ്ക്കൂൾ മാഷായിരുന്നു എന്നൊക്കെ പറഞ്ഞു.
ദൃശ്യങ്ങൾ പരിശോദിച്ചതിൽ നിന്നും നഷ്ടപെട്ടവളയെ കുറിച്ച് യാതൊരു സൂചനയും കിട്ടാതെ വന്നപ്പോൾ അസ്ക്കർ വീണ്ടും ആ ഫാമിലിയുടെ ദൃശ്യങ്ങൾ റിവൈൻഡ് ചെയ്തു നോക്കിയ ശേഷം കുറച്ച് നേരം ആലോജനയിൽ ഇരുന്നു.""അവര് എവിടെയാണ് താമസിക്കുന്നത് എന്ന് എന്തങ്കിലും പറഞ്ഞോ?
വല്ലപുറത്താണ് എന്നാണ് പറഞ്ഞത്. ആ സമയത്ത് ഞാൻ സാറിന് വിളിച്ചിരുന്നു.പക്ഷെ സാറിന്റെ ഫോൺ സ്വിച്ച് ഓഫ് ആയിരുന്നു ... അത് കൊണ്ട് സാറിനോട് ചോദിച്ചിട്ട് വിളിക്കാം എന്ന് പറഞ്ഞ് നമ്പർ വാങ്ങിയിട്ടുണ്ട്. എന്താ സാർ സാറിന് അവരെ സംശയമുണ്ടൊ?
ഉം... ഉണ്ട്... നീ അവരെ വിളിച്ച് വള നഷ്ടപെട്ട കാര്യം പറയ്... നാളെ 10 മണിക്ക് മൂന്ന് പേരോടും വളയുമായി കടയിൽ വരാൻ പറ...
സാർ... അതിന് അവര് വള എടുക്കുന്നതിന്റെ ദൃശ്യങ്ങളൊന്നും ക്യാമറയിൽ പതിഞ്ഞിട്ടില്ല. പിന്നെ എങ്ങനെ?
നീ പറയുന്നത് കേൾക്കു് അനസ്സ്.. മൂന്നമത്തെ ക്യാമറയിലെ ദൃശ്യങ്ങളിൽ ചില സംശയങ്ങൾ ഉണ്ട്...ബാക്കി നാളെ അവര് വന്നിട്ട് സംസാരിക്കാം...
പിന്നെ ആ സ്റ്റോക്ക് ഒന്ന് കുടി പരിശോദിക്കാൻ പറ..
ok ... സാർ... ഞാൻ പറയാം.
പിറ്റേ ദിവസം 10 മണിയോടെ ആ ഫാമിലി കടയിലേക്ക് വന്നു. മാനേജർ വന്ന് അവരോട് ഇരിക്കാൻ പറയുമ്പോൾ അയാൾ മകളോട് ചോദിച്ചു... മോളേ എന്തങ്കിലും ബുദ്ധിമോശം നീ കാണിച്ചൊ? ഉണ്ടങ്കിൽ എന്നോട് പറയ് എന്ന് പറഞ്ഞ് അയാൾ മകളെ നോക്കി... അതിനുത്തരമായി ബാപ്പാ എന്ന് വിളിച്ച് അവളുടെ കണ്ണുകൾ നിറഞ്ഞത് തുടച്ച് കൊണ്ട് ഉമ്മയുടെ ചുമലിലേക്ക് ചാരി നിന്നു..
കുറച്ച് കഴിഞ്ഞ് മാനേജർ വന്ന് അയാളെ മാത്രം ഓഫീസിലേക്ക് കൂട്ടികൊണ്ട് പോയി.
വിറക്കുന്ന കാലുകളും വിധുമ്പുന്ന ചുണ്ടുകളും ചോര വാർന്ന മുഖവുമായി അയാൾ ഓഫിസിലേക്ക് കയറി വന്നപ്പോൾ അസ്ക്കർ സീറ്റിൽ നിന്ന് എഴുന്നേറ്റ് അയാളോട് ഇരിക്കാൻ പറഞ്ഞു.. എതിരെയുള്ള കസേരയിൽ ഇരുന്ന് കൊണ്ട് അയാൾ പറഞ്ഞു... മോനേ... അങ്ങനെ വിളിക്കാമെന്ന് തോന്നുന്നു.. ഇല്ലങ്കിൽ ക്ഷമിക്കണം .. ഞാനൊരു അധ്യാപകനാണ്.. സർവീസിൽ നിന്ന് വിരമിച്ചിട്ട് 15 വർഷമായി .. എന്റെ ഭാര്യയും മകളുമാണ് പുറത്തുള്ളത് .. എനിക്ക് ഓർമ്മ വെച്ച നാൾ മുതൽ ഞാൻ ആരുടേയും ഒന്നും മോഷ്ടിച്ചിട്ടില്ല' എന്റെ രക്ഷിതാക്കൾ എന്നെ അത് പഠിപ്പിച്ചിട്ടുമില്ല.. അത് പോലെ തന്നെയാണ് ഞാൻ എന്റെ മക്കളേയും വളർത്തിയത്. എനിക്ക് മൂന്ന് മക്കളാണ് - ഇത് എന്റെ ഇളയ മകളാണ് - എന്റെ മകളോ ഭാര്യയൊ അത് ചെയ്യില്ലന്ന് എനിക്ക് നല്ല ഉറപ്പുണ്ട്. പിന്നെ ക്യാമറയിലെ ദൃശ്യങ്ങളിൽ സംശയം ഉണ്ടന്ന് ഇവിടുത്തെ മാനേജർ പറയുന്നു .. എന്താണ് സത്യമെന്ന് എനിക്കറിയില്ല. മനുഷ്യരല്ലെ? അബന്ധങ്ങൾ ആർക്കും സംഭവിക്കാം.. നിങ്ങളുടെ ക്യാമറയിൽ അങ്ങനെ കാണുന്നുണ്ടങ്കിൽ നിങ്ങൾ പറയുന്നത് എന്തും ഞാൻ ചെയ്യാം എന്റെ മോളുടെ ജീവിതം ഇല്ലാതാക്കരുത്.
ഒരു നിമിശം അയാളുടെ മുഖത്തേക്ക് നോക്കിയ അസ്ക്കർ പിന്നെ CCTV യിലെ ദൃശ്യങ്ങൾ നോക്കി. ഉമ്മയുടെ തോളിൽ ചാരി കിടന്ന് തേങ്ങി കരയുന്ന മകളും മകളെ ആശ്വസിപ്പിക്കുന്ന ഉമ്മയുടേയും ദൃശ്യങ്ങൾ നോക്കി കൊണ്ട് ചോദിച്ചു:
നിങ്ങൾക്ക് മുന്ന് മക്കൾ എന്നല്ലെ പറഞ്ഞത് .. ബാക്കി രണ്ടാൾ എന്ത് ചെയ്യുന്നു. ??
മൂത്തത് രണ്ട് ആൺമക്കളാണ്.. രണ്ടാൾക്കും ജോലിയുണ്ട്.. അവരുടെ ഉമ്മ 24 വർഷം മുൻപ് മരിച്ചു.. ക്യാൻസറായിരുന്നു. അവളുടെ വേർപാട് സാമ്പത്തികമായും അതിലുപരി മാനസികമായും എന്നെ തളർത്തി .. ശേഷം വീണ്ടും ഒരു വിവാഹം ചെയ്തു. രണ്ടാം വിവാഹത്തിന് മക്കൾ എതിരായിരുന്നു. അതിൽ ഒരു പെൺകുട്ടി കൂടി പിറന്നതോടെ അവര് അവർക്കുള്ള സ്വത്ത് വേണമെന്ന് പറഞ്ഞു.10 സെന്റ് സ്ഥലവും വീടും ഒഴികെ ബാക്കിയുള്ളതെല്ലാം അവർക്ക് കൊടുത്തു.. അത് കിട്ടിയതോടെ അവർ അവരുടെ പാട് നോക്കി പോയി..
ആ വീട് പണയപ്പെടുത്തിയാണ് ഇത്രയും പണം കണ്ടെത്തിയത്.
അതിപ്പൊ ??? അയാൾ ഒന്ന് നിർത്തി.
അസ്ക്കർ മാനേജരെ വിളിച്ച് പുറത്തിരിക്കുന്ന സ്ത്രിയേയും പെൺകുട്ടിയേയും സ്റ്റാഫ് റൂമിലേക്ക് മറ്റിയിരുത്താനും അവർക്ക് കുടിക്കാൻ എന്തങ്കിലും കൊടുക്കാനും പറഞ്ഞ് കൊണ്ട് അയാളോട് ചോദിച്ചു...
റസാഖ് മാഷ് അല്ലെ..?? മാഷിന് എന്നെ മനസ്സിലായോ?
ഇല്ലാ... മോന് എന്നെ അറിയോ??
ഉം.... അറിയും 85 ൽ വല്ലപ്പുറം UP സ്ക്കൂളിൽ ഏഴാം ക്ലാസ്സിൽ പഠിച്ചിരുന്ന ഒരു അലിയെ മാഷിന് ഓർമ്മയുണ്ടോ ?
ഒരു പാട് കുട്ടികൾ ആ സ്ക്കൂളിൽ നിന്നും പഠിച്ച് പോയിട്ടുണ്ട്. മാഷ് തന്റെ പഴകാല ശിഷ്യൻമാരുടെ മുഖങ്ങൾ ഓർത്തെടുക്കാൻ ശ്രമിക്കുമ്പോൾ അസ്ക്കർ പറഞ്ഞു .
എന്നും ക്ലാസ്സിൽ വൈകി മാത്രം വരുന്ന, കീറിയ ഷർട്ടും മുണ്ടും ധരിച്ച് വന്നിരുന്ന ഒരു അലി...?? "എന്ന് അസ്ക്കർ പറഞ്ഞപ്പോഴാണ് മൊബൈൽ റിംഗ് ചെയ്തത്.. അസ്ക്കർ കാൾ അറ്റന്റ് ചെയ്തു... യസ് അസ്ക്കറാണ് എന്ന് പറഞ്ഞ് പുറത്തേക്ക് പോയി..
** മാഷ് ഓർത്തു.ശരിയാണ്. ഒരു പാവപ്പെട്ട കുടുംബത്തിലെ കുട്ടിയാണെന്ന് തോന്നുന്നു. ഒരു നാൾ തെട്ടടുത്തിരിക്കുന്ന കുട്ടിയുടെ ഒരു രൂപ കളവ് പോയി.. അലിയാണ് എടുത്തതന്നും അവൻ മിഠായി തിന്നുന്നത് കണ്ടു എന്നും മറ്റു കുട്ടികൾ പറഞ്ഞപ്പോൾ അന്ന് അവനെ തല്ലുകയും 4 മണി വരെ ക്ലാസ്സിന് പുറത്ത് നിർത്തുകയും ചെയ്തിരുന്നു. തല്ലുകൊള്ളുമ്പോഴും അവൻ കരഞ്ഞ് കൊണ്ട് ഞാനെടുത്തിട്ടില്ല സറേ എന്ന് നിലവിളിച്ചിരുന്നു... ഒരു രൂപ ഇല്ലാതെ നാളെ ക്ലാസ്സിൽ വരരുതെന്ന് പറഞ്ഞ് വിട്ട അവനെ പിന്നെ സ്ക്കൂളിലേക്ക് കണ്ടില്ല.അന്വേഷിച്ചപ്പോൾ അവൻ നാട് വിട്ട് പോയി എന്നാണ് അറിഞ്ഞത്. "അവനായിരിക്കുമോ ഇത്.. ഏയ്.. അല്ല... ഇവന്റെ പേര് അസ്ക്കർ എന്നല്ലെ പറഞ്ഞത് ..???*** എന്നൊക്കെചിന്തിച്ചിരിക്കുമ്പോഴാണ് അസ്ക്കർ കടന്ന് വന്ന് തന്റെ സീറ്റിലിരികുമ്പോൾ മാഷ് ചോദിച്ചു .
അലി നിന്റെ ആരാ...?? അതൊ ആ അലി തന്നെയാണൊ നീ ....?
അസ്ക്കർ ഒന്ന് പുഞ്ചിരിച്ചു... പിന്നെ പറഞ്ഞു. അതെ... ആ അലി തന്നെയാണ് ഞാൻ ""അസ്ക്കർ അലി.""
ഒരു നിമിഷം നിശ്ചലനായ മാഷ് ഒന്ന് ശബ്ദിക്കാൻ പോലും കഴിയാതെ അസ്ക്കറിനെ നോക്കി.. പിന്നെ തെല്ലൊരു അതിശയത്തോടെ ചോദിച്ചു. ഏഴാം ക്ലാസ് പൂർത്തിയാക്കാതെ പോയ അലി പിന്നെ എങ്ങനെയാണ് അസ്ക്കർ ആയി ഈ നിലയിലെത്തിയത്.??
സ്ക്കൂളിലെ കളവിന്റെ കഥ ഉമ്മയും അറിഞ്ഞിരുന്നു.. ഉമ്മാന്റെ കയ്യിൽ നിന്നും അന്ന് ആവശ്യത്തിന് കിട്ടി... ഒരു രൂപ ഇല്ലാതെ സ്കൂളിൽ വരരുതന്ന് അന്ന് മാഷ് പറഞ്ഞപ്പോൾ 10 പൈസക്ക് പോലും ഗതിയില്ലാത്ത ഞാൻ ഒരു രൂപയുണ്ടാക്കാൻ കഴിയാതെ ഒളിച്ചോടുകയായിരുന്നു. ഒരു പാട് അലച്ചിലിന് ശേഷം എത്തിയത് മുംബയിൽ ആണ്. ഒരു ഹോട്ടലിൽ ജോലിക്ക് നിന്നു. വർഷങ്ങളോളം ആ ഹോട്ടലിൽ തന്നെ നിന്നപ്പോൾ അതിന്റെ മുതലാളിയോട് ഞാനെന്റെ ആഗ്രഹം പറഞ്ഞു.. മുംബയിൽ നിന്ന് തന്നെ ഒരു പാസ്പോർട്ട് എടുത്തു .. ഗൾഫിൽ പോകുന്ന വിവരം പറയാൻ 8 വർഷത്തിനു് ശേഷം ഞാൻ നാട്ടിലെത്തി ... ഉമ്മയേയും പെങ്ങളേയും കാണാനും യാത്ര പറയാനും, എന്റെ നിരപരാധിത്വം പറയാനും .പക്ഷെ എനിക്കതിനുള്ള അവസരം തരാതെ ഉമ്മ..."അസ്ക്കർ ഒന്ന് നിർത്തി..പെങ്ങളെ ഒരു യത്തീംഖാനയിൽ നിന്നും കണ്ടു... പെങ്ങളോട് യാത്ര പറഞ്ഞ് ഉമ്മയുടെ കബറിടത്തിൽ ചെന്ന് എന്റെ എല്ലാ സങ്കടങ്ങളും നിരപരാധിത്വവും ഉമ്മയോട് ഞാൻ പറഞ്ഞു. ഞാൻ കള്ളനായി നാട് വിട്ടതിലുള്ള സങ്കടം സഹിക്കാതെ എല്ലാ ദിവസവും ഉമ്മ കരയുമായിരുന്നന്ന് പെങ്ങൾ പറഞ്ഞു. "എന്ന് പറയുമ്പോൾ നിറഞ്ഞ് വരുന്ന കണ്ണുനീർ തുടച്ച് കൊണ്ട് തല താഴ്ത്തി എങ്കിലും കണ്ണുനീർ തുള്ളികൾ ഇറ്റി വീഴുന്നുണ്ടായിരുന്നു .. അങ്ങ് സ്വർഗ്ഗത്തിലിരുന്നങ്കിലും ഉമ്മ എന്റെ നിരപരാധിത്വം മനസ്സിലാക്കും എന്ന് കരുതി ഉമ്മയുടെ കബറിടത്തിൽ യാത്ര പറഞ്ഞ് ഞാൻ ഗൾഫിലേക്ക് പോയി..
അറിയുന്ന തൊഴിൽ തന്നെയാണ് അവിടേയും എനിക്ക് തുണയായത്.. "ഹോട്ടൽ ജോലി"". ഒരു വർഷത്തിന് ശേഷം ആ ഹോട്ടൽ ഞാൻ നടത്താൻ ഏറ്റെടുത്തു. ആ ഹോട്ടലിന് ഉമ്മയുടെ പേര് തന്നെ നൽകി.. ഉമ്മയുടെ പേരിൽ തുടങ്ങിയ ഫാത്തിമാ ഹോട്ടലിന് ഇന്ന് നാല് ഹോട്ടലും രണ്ട് സൂപ്പർ മാർക്കറ്റും ഉണ്ട് ഗൾഫിൽ. ഈ കടയും ഉമ്മയുടെ പേരിൽ തന്നെയാണ് തുടങ്ങിയത്. അന്യരുടെ അടുക്കള ജോലിയെടുത്തും, പട്ടിണി കിടന്നും ഒരു പാട് കഷ്ടപെട്ടാണ് ഉമ്മ ഞങ്ങളെ നോക്കിയിരുന്നത്. പക്ഷെ ഇതൊന്നും കാണാനും അനുഭവിക്കാനും ഉമ്മ എന്റെ കൂടെ ഇല്ലാതെ പോയല്ലോ എന്ന ഒരു സങ്കടവും, മകൻ കള്ളനായി നാട് വിട്ട് പോയതിലുള്ള വിശമം സഹിക്കാതെയാണ് ഉമ്മ മരിച്ചതന്ന് അറിഞ്ഞപ്പോൾ ഉള്ള മനോവിഷമവും ഇന്നും ഒരു വേദനയായി മനസ്സിൽ ഉണ്ട് ..കരച്ചിലിന്റെ വക്കിലെത്തിയ അസ്ക്കർ എല്ലാ നിയന്ത്രണവും നഷ്ടപ്പെട്ട് കൊണ്ട് പറഞ്ഞു .. ഇന്നലെ രാത്രി മുതൽ നിങ്ങൾ അനുഭവിച്ചതിന്റെ പതി മടങ്ങ് ഞാൻ അനുഭവിച്ചിട്ടുണ്ട്. ""ഞാനല്ല അന്ന് പൈസ മോഷ്ടിച്ചത് .. മാഷെങ്കിലും എന്നെ വിശ്വസിക്കണം"". എന്ന് പറഞ്ഞ് കൊണ്ട് അസ്ക്കർ തല താഴ്ത്തിയിരുന്നു.
വർഷങ്ങൾക്ക് മുൻപ് ചെയ്യാത്ത കുറ്റത്തിന് ശിക്ഷിച്ച ഏറ്റ് വാങ്ങി കൊണ്ട് തന്റെ മുൻപിൽ നിന്ന് കരഞ്ഞിരുന്ന 13വയസ്സ് കാരന്റെ മുഖം മാഷിന്റെ മനസ്സിൽ തെളിഞ്ഞു വന്നു.. ഇന്ന് ആ ശിഷ്യനു് മുൻപിൽ അതേ കുറ്റം ആരോപിച്ച് ഇരിക്കുന്ന മാഷ് എന്ത് പറയണമെന്നറിയാതെ അസ്ക്കറിനെ നോക്കി കുറച്ച് നേരം ഇരുന്നു .. പിന്നെ എഴുന്നേറ്റ് തല താഴ്ത്തിയിരിക്കുന്ന അസ്കറിന്റെ തോളിൽ സ്പർഷിച്ചപ്പോൾ അസ്ക്കർ എഴുന്നേറ്റു.. നിറഞ്ഞ കണ്ണുകളുമായി തന്റെ മുൻപിൽ നിൽക്കുന്ന ശിഷ്യനെ മാറോട് ചേർത്ത് കൊണ്ടു പറഞ്ഞു ..
മോനേ.. അന്നത്തെ സംഭവത്തിന്റെ സത്യവസ്ഥ രണ്ട് മാസത്തിന് ശേഷമാണ് ഞാൻ അറിയുന്നത്.. ചെയ്യാത്ത കുറ്റത്തിന് നിന്നെ ശിക്ഷിച്ചതിന് ഞാനും കുറേ ഖേദിച്ചിട്ടുണ്ട് .. അതിൽ ഞാൻ ക്ഷമ ചോദി'........ ആ വാക്കുകൾ പൂർത്തിയാക്കാൻ അനുവതിക്കാതെ അസ്ക്കർ മാഷെ തടഞ്ഞു കൊണ്ട് പറഞ്ഞു... ആ..ഒരു രൂപ തേടിയുള്ള എന്റെ യാത്രയാണ് എന്നെ അസ്ക്കർ അലിയാക്കിയത് - മാഷ് കാരണമാണ് എനിക്ക് ഒളിചോടേണ്ടി വന്നത്‌.. ഇല്ലങ്കിൽ ഇന്ന് ഞാനൊരു , അല്ലങ്കിൽ ഒരു കൂലി പണിക്കാരനോ മറ്റോ ആകുമായിരുന്നു. കാരണം: ഏഴാം ക്ലാസ്സ് കഴിഞ്ഞാൽ ദർസ്സിൽ പഠിക്കാൻ വിടണമെന്ന് ഉമ്മ പറഞ്ഞിരുന്നു. ഹൈസ്കൂളിൽ പോകണമെങ്കിൽ ദിവസവും ബസ്സിന് 30 പൈസ കണ്ടെത്താൻ അന്ന് എന്റെ ഉമ്മാക്ക് കഴില്ലായിരുന്നു.അത് വരെ പിടിച്ച് നിന്ന മാഷിന്റെ കണ്ണുകളിൽ നിന്നും രണ്ട് തുള്ളി കണ്ണുനീർ പൊടിഞ്ഞു..
ഒരു സിനിമാ കഥ പോലെ തന്റെ മുതലാളിയുടെ ബാല്ല്യകാല കഥ കേട്ട് അന്തം വിട്ട് നിൽക്കുന്ന അനസ്സിനോട് അസ്ക്കർ പറഞ്ഞു... അനസ്സ് ഇവർക്ക് ഭക്ഷണം ഓർഡർ ചെയ്യ്. പിന്നെ ആവശ്യമുള്ള ആഭരണങ്ങൾ അറേഞ്ച് ചെയ്ത് കൊടുക്ക്... എന്ന് പറഞ്ഞപ്പോൾ മാഷ് തന്റെ ശിഷ്യന്റെ മുൻപിൽ ശരിക്കും കരഞ്ഞ് പോയി.
മാഷിന് മുൻപിലെങ്ങിലും തന്റെ നിരപരാധിത്വം തെളിയിക്കാൻ കഴിഞ്ഞല്ലോ എന്ന ആശ്വസത്തോടെ അസ്ക്കർ മാഷേ സ്റ്റാഫ് റൂമിലേക്ക് പറഞ്ഞയച്ചു..
കുറച്ച് കഴിഞ്ഞ് അസ്ക്കർ സ്റ്റാഫ് റൂമിലെത്തിയപ്പോൾ നിറകണ്ണുകളുമായി ആ ഉമ്മയും മകളും കൂപ്പുകൈകളോടെ എഴുന്നേറ്റ് നിന്നപ്പോൾ അസ്ക്കർ അവരോട് ഇരിക്കാൻ പറഞ്ഞ് കൊണ്ട് ചോദിച്ചു. എന്താ മോളുടെ പേര് ??
മുഖം തുടച്ച് കൊണ്ട് അവൾ പറഞ്ഞു. ജസ്ന... പിന്നെ പതിയെ അവൾ വിളിച്ചു
ഇ..... ഇക്കാ.. ഞാൻ അങ്ങനെ വിളിക്കട്ടെ... ഇക്ക കല്ല്യാണത്തിന് വരണം. എനിക്ക് രണ്ട് ഇക്കമാരുണ്ടങ്കിലും എന്റെ ജനനത്തോടെ അവർ ഞങ്ങളുടെ ശത്രുക്കളായി .. വേറെ ആരുമില്ല ഞങ്ങൾക്ക്.. ഇക്കയുടെ കഥകളൊക്കെ ബാപ്പ പറഞ്ഞു കേട്ടപ്പോൾ
ശരിക്കും ഞാൻ.... ഇങ്ങനെ ഒരു ആങ്ങള എനിക്കില്ലാതെ പോയല്ലോ എന്നോർത്ത് ഞാൻ .... വാക്കുകൾ പൂർത്തിയാക്കാതെ മുഖം പൊത്തി പിടിച്ച് കരാൻ തുടങ്ങിയ ജസ് നയ അസ്ക്കർ ആശ്വസിപ്പിച്ചു കൊണ്ട് പറഞ്ഞു. ഞാനുണ്ടാവും മോളുടെ കല്ല്യാണത്തിന് - നിന്റെ ഇക്കയായി ... മാഷിന്റെ ശിഷ്യനായി ... മകനായി...
കടപ്പാട്.

വിവാഹത്തിനു കഴുത്തിൽ താലി ചാര്ത്തുന്നതെന്തിന്?

താലി മംഗല്യസൂത്രമാണ്. മംഗളം എന്നാല്
വളരെയധികം നന്മയെന്നര്ത്ഥം. മംഗളത്തിൽ നിന്നും മാംഗല്യം ( വിവാഹം )
എന്ന് അർത്ഥമുണ്ടായി. സൂത്രമെന്നാൽ ചരട്
എന്നർത്ഥം. പുരുഷനാൽ ഒരു സ്ത്രീയുടെ കഴുത്തിൽ ചരടു കെട്ടുമ്പോൾ
ധാരണാബലമനുസരിച്ച് ചരടു കെട്ടിയ
ആളും കെട്ടപ്പെട്ടവരും പരസ്പരം ബന്ധിക്കപ്പെട്ടു
എന്നർത്ഥം. അതോടെ സ്ത്രീ, തന്നെ ചരടു കെട്ടിയ
ആളോട് വിധേയപ്പെട്ടുപോകുന്നു. ഇതിന്റെ ഒരറ്റത്ത്
ഒരു കെട്ട് ( കൊളുത്ത് ) ഉണ്ട്. അതിനു മുന്നിൽ സ്വർണ്ണത്തിൽ നിര്മ്മിച്ച ഒരു
താലി ഉണ്ടായിരിക്കും. ആലിലയുടെ ആകൃതിയിലുള്ള താലി ഒരു
ത്രികോണത്തിന്റെ പരിഷ്കൃത രൂപമാണ്.
താലിത്തുമ്പിൽ ബ്രഹ്മാവും, താലിമദ്ധ്യത്തില്‍ വിഷ്ണുവും, താലിമൂലത്തിൽ
മഹേശ്വരനും സ്ഥിതി ചെയ്യുന്നു. ഇതിന്റെ ചരട് മൂന്നു
ഗുണങ്ങളുടെ ( സത്വം, രജസ്സ്, തമസ്സ് ) പ്രതീകമാണ്. താലിയുടെ കെട്ടില് ( കൊളുത്ത് )
സർവ്വ ലോകത്തിനും ആധാരമായ
മഹാമായാശക്തി സ്ഥിതി ചെയ്യുന്നു. കഴുത്ത് എന്നത്
പ്രാണസ്ഥാനമാണ്. അപ്പോൾ
പ്രാണസ്ഥാനത്തെ വലയം ചെയ്യുന്ന മൂന്നു
ഗുണങ്ങളും ( ചരട് ), ത്രിമൂര്ത്തികളും ( താലി ), മായാശക്തിയും ( കെട്ട് ) ഒന്നിച്ചു ചേരുമ്പോൾ
താലിച്ചരട് പ്രപഞ്ചത്തിന്റെ സ്വരൂപമായി മാറുന്നു.
ഈ താലിച്ചരടിനെ ബന്ധിച്ചയാൾ
ജീവാത്മാവിനെ ബന്ധിക്കുന്ന പരമാത്മാവിനു
തുല്യമാകയാൽ സ്ത്രീ ഇവിടെ ജീവാത്മാവായും പുരുഷൻ പരമാത്മാവായും ഗണിക്കപ്പെടുന്നു. അതുകൊണ്ടാണ് സ്ത്രീയുടെ സംരക്ഷണം പുരുഷനിൽ നിക്ഷിപ്തമായിരി
ക്കുന്നത്