കലണ്ടർ ചരിത്രത്തിലൂടെ

സാമൂഹിക, സാമ്പത്തിക, മതപര, ഭരണ ആവശ്യങ്ങൾക്കായി ഒരു നിശ്ചിത കാലയളവിലെ
ദിവസങ്ങളെ അവയുടെ ആവർത്തന പ്രത്യേകത കളോടെ ക്രമീകരിച്ച് മനുഷ്യജീവിതം ചിട്ടപ്പെടുത്തുന്നതിനുള്ള ഒരു സംവിധാനമാണ് കലണ്ടർ .


ഈ ക്രമീകരണം നടത്തുന്നത് ഒരു നിശ്ചിത അളവ് സമയത്തിന് ദിവസം എന്നും, അതിന്റെ വിവിധ ഗുണിതങൾക്ക്
ആഴ്ച,
മാസം ,
വർഷം എന്നിങ്ങനെ പേരുകൾ നൽകിയുമാണ്.

*ജ്യോതിശാസ്ത്രമാണ് കലഗണനയുടെ ആധാരം*
എങ്കിലും കലണ്ടറിലെ കാലയളവുകൾ
*ചന്ദ്രൻ , സൂര്യൻ* എന്നിവയുടെ ചലനവുമായി പൂർണമായും ഒത്തുപോവണമെന്നില്ല.


പല സംസ്കാരങ്ങളും സമൂഹങ്ങളും മുമ്പുള്ളവ മാതൃകയാക്കി പുതിയ കലണ്ടറുകൾ നിർമിച്ചിട്ടുണ്ട്.

ഓരോരുത്തരും തങ്ങളുടെ പ്രത്യേക ആവശ്യങ്ങൾ ക്കനുസരിച്ച് കലണ്ടറിൽ ആവശ്യമായ പരിഷ്കാരങ്ങൾ വരുത്തി.


നിത്യ ജീവിതത്തിൽ എളുപ്പത്തിൽ ഉപയോഗപ്പെടുത്താനാകുംവിധം കലണ്ടർ സംവിധാനം രേഖപ്പെടുത്തിവക്കുന്ന ഭൗതിക വസ്തു വിനേക്കൂടി കലണ്ടർ എന്നു പറയയാറുണ്ട്.




📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆

*ഗ്രിഗോറിയൻ കലണ്ടർ*


ഇന്ന് ലോകവ്യാപകമായി ഉപയോഗിയ്ക്കുന്ന കലണ്ടർ സംവിധാനമാണ് ഗ്രിഗോറിയൻ കലണ്ടർ.

യേശുക്രിസ്തു ജനിച്ച വർഷത്തെ അടിസ്ഥാനമാക്കിയാണ് ഇത് തയ്യാറാക്കി യിരിക്കുന്നത്.


*_മാസങ്ങൾ_*


⛔ *ജനുവരി*

റോമൻ സാഹിത്യത്തിലെ
ആരംഭങ്ങളുടെ
ദൈവ മായ *ജാനസ് ലാനുയാരിയസ്* എന്ന ദേവന്റെ പേരാണ് ഗ്രിഗോറിയൻ കലണ്ടറിലെ ആദ്യമാസമായ ജനുവരിയ്ക്ക് നൽകിയിരിയ്ക്കുന്നത്.



⛔ *ഫെബ്രുവരി*


ലാറ്റിൻ ഭാഷയിൽ
ശുദ്ധീകരണം എന്നർത്ഥം വരുന്ന *ഫെബ്രും* എന്ന വാക്കിൽ നിന്നാണ് ഈ പേര് നൽകിയിരിയ്ക്കുന്നത്.



⛔ *മാർച്ച്*


റോമാ ക്കാരുടെ യുദ്ധ ദേവനായിരുന്ന
*മാർസ്* സ്സിൽ നിന്നാണ് ഈ പേര് വന്നത്.


⛔ *ഏപ്രിൽ*


തുറക്കുക എന്നർത്ഥം വരുന്ന *aperire* എന്ന ലാറ്റിൻ പദത്തിൽ നിന്നുമാണ് ഈ പേര് വന്നത്.

വസന്തത്തിന്റെ തുടക്കമാണ് ഇവിടെ ഉദ്ദേശിച്ചിരിയ്ക്കുന്നത്.


⛔ *മേയ്*


ഗ്രീക്ക് ദേവതയായ മായിയയുടെ പേരാണ് ഈ മാസത്തിന് നൽകിയിരിയ്ക്കുന്നത്.



⛔ *ജൂൺ*


ജൂപിറ്റർ ദേവന്റെ ഭാര്യയായി പുരാതന റോമക്കാർ കരുതിയിരുന്ന
*ജൂനോ യിൽ* നിന്നുമാണ് ജൂൺ എന്ന പേർ സ്വീകരിച്ചത്.




⛔ *ജൂലൈ*


*ക്വിന്റിലസ്* എന്ന് ആദ്യം പേർ നൽകി.

ശേഷം *ജൂലിയസ് സീസർ* ജനിച്ചത് ഈ മാസത്തിലായതിനാൽ *ജുലൈ* എന്ന് പുനർനാമകരണം ചെയ്തു.



⛔ *ഓഗസ്റ്റ്*

പുരാതന റോമൻ കലണ്ടരിൽ *ആറാമത്തെ മാസമായി* കരുതിയിരുന്നതിനാൽ
ആറാമത് *എന്നർത്ഥം* വരുന്ന
*സെക്റ്റിലിസ്* എന്ന ലാറ്റിൻ വാക്കാണ് ആദ്യം ഉപയോഗിച്ചത്.

പിന്നീട് *അഗസ്റ്റസ് ചക്രവർത്തിയുടെ* ബഹുമാനാർത്ഥം *ഓഗസ്റ്റ്* എന്ന പേര് നൽകി.



⛔ *സെപ്റ്റംബർ*



ലാറ്റിൻ ഭാഷയിൽ *ഏഴ് എന്ന് അർത്ഥം വരുന്ന സെപ്റ്റം* എന്ന പദം ആണ് പേരിനടിസ്ഥാനം.



⛔ *ഒക്ടോബർ*


ലാറ്റിൻ ഭാഷയിൽ *എട്ട്* എന്നർത്ഥം വരുന്ന *ഒക്റ്റോ* എന്ന പദമാണ് പേരിനടിസ്ഥാനം



⛔ *നവംബർ*


*ഒൻപത്* എന്നർത്ഥം വരുന്ന
*നോവം* എന്ന ലാറ്റിൻ പദത്തിൽ നിന്നുമാണ് ഈ പേര് സ്വീകരിച്ചത്.



⛔ *ഡിസംബർ*


ലാറ്റിൻ ഭാഷയിൽ *പത്ത്* എന്നർത്ഥം വരുന്ന ഡിസംബർ റോമൻ കലണ്ടറിൽ പത്താമത്തെ മാസമായിരുന്നു.




📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆📆
*മലയാളം കലണ്ടർ*


ചിങ്ങം മുതൽ കർക്കിടകം വരെ പന്ത്രണ്ട് മാസങ്ങളുള്ള ഒരു മലയാളം കലണ്ടർ കേരളത്തിൽ നിലവിലുണ്ട്.


*ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കർക്കിടകം* എന്നിവയാണു ഇതിലെ മാസങ്ങൾ.

ഇതിനു കേരള സർക്കാറിന്റെ അംഗീകാരമുണ്ട്.


*മറ്റു കലണ്ടറുകൾ*

ഇന്ത്യാ ഗവേണ്മെന്റ് അംഗീകരിച്ച ശക കലണ്ടർ,

ഇസ്ലാമിക വിശ്വാസികൾ അംഗീകരിച്ച

ഹിജറ കലണ്ടർ, ചൈനീസ് കലണ്ടർ, തുടങ്ങി നിരവധി കലണ്ടറുകൾ ലോകമെമ്പാടുമായി പ്രചാരത്തിലുണ്ട്........

നാറാണത്ത് ഭ്രാന്തൻ

കേരളത്തിൽ കാലാകാലങ്ങളായി പ്രചരിച്ചു പോരുന്ന ഐതിഹ്യങ്ങളിലൊന്നായ പറയി പെറ്റ പന്തിരുകുലത്തിലെ അംഗമാണ്‌ നാറാണത്ത്‌ ഭ്രാന്തൻ. കേവലം ഒരു ഭ്രാന്തൻ എന്നതിലുപരി ഒരു അവതാരമായാണ്‌ അദ്ദേഹത്തെ സങ്കൽപിച്ചുപോരുന്നത്‌. ചെത്തല്ലൂരിൽ അത്തിപ്പറ്റ കുന്നിനടുത്തുള്ള നാരായണമംഗലത്ത് (ആമയൂർ മന) ആണ് അദ്ദേഹം വളർന്നത് എന്നു കരുതപ്പെടുന്നു. പിന്നീട് പഠനത്തിനായി രായിരനല്ലൂരുള്ള തിരുവേഗപ്പുറ ഇല്ലത്തു വന്നു. മലയുടെ മുകളിലേക്ക് ഒരു വലിയ കരിങ്കല്ലുരുട്ടിക്കയറ്റി അതിനെ താഴോട്ടു തള്ളിയിട്ട് കൈകൊട്ടിച്ചിരിക്കുന്ന നാറാണത്തുഭ്രാന്തന് ഗ്രീക്ക് പുരാണത്തിലെ 'സിസിഫസ്' എന്ന ദേവനുമായി സാമ്യമുണ്ട്. സിസിഫസ് സ്യൂസ് ദേവന്റെ ശിക്ഷയായിയാണ് ആയുഷ്കാലം മുഴുവൻ മലമുകളിലേക്ക് കല്ലുരുട്ടിക്കയറ്റുന്നതും തള്ളി താഴേക്കിടുന്നതെങ്കിൽ നാറാണത്തുഭ്രാന്തൻ സ്വയേഛയാലാണ് ഈ പ്രവൃത്തി ചെയ്യുന്നത് എന്ന വ്യത്യാസമേയുള്ളൂ. ഈ ഇഷ്ടവിനോദത്തിനിടയ്ക്ക് ഒരു തുലാമാസം ഒന്നാം തീയതിയാണ് ഭ്രാന്തന് വനദുർഗ്ഗയായ ദേവി പ്രത്യക്ഷയാകുന്നത്. ഭ്രാന്തനെ കണ്ട് ദേവി ഓടിമറഞ്ഞു എന്നും ഒരു കല്ലിൽ കാലടിപ്പാടു പതിഞ്ഞു എന്നും കഥ. ആ കാലടിപ്പാടുകൾ ഇന്നും അവിടെ കാണാം. പ്രതിഷ്ഠയൊന്നുമില്ലാത്ത ആ ക്ഷേത്രത്തിൽ ആ കാലടിപാടുകളിലാണ് പൂജ. ആറാമത്തെ കാലടിപ്പാടിലൂറുന്ന ജലമാണ് തീർത്ഥം. ബ്രാഹ്മണനായി പിറന്നിട്ടും ആചാരങ്ങൾ തെറ്റിച്ചതിനാലാകണം ഇളയതായത്.

എപ്പോഴും യാത്രയിലായിരിക്കുന്ന നാറാണത്ത് ഭ്രാന്തൻ രാത്രി എവിടെയാണോ എത്തുന്നതു അവിടെ വെള്ളവും തീയും ഉള്ള സ്ഥലമാണെങ്കിൽ അവിടെത്തന്നെ അടുപ്പു കൂട്ടുകയും അന്നന്നു ഭിക്ഷ യാചിച്ചു കിട്ടുന്ന അരി വേവിച്ചു കഴിച്ചു അവിടെത്തന്നെ കിടന്ന് ഉറങ്ങുകയും ചെയ്യും.അപ്രകാരം ഒരു ദിവസം നാറാണത്തു ഭ്രാന്തൻ എത്തിച്ചേർന്നതു ഒരു ചുടുകാട്ടിലായിരുന്നു.അവിടെ അന്നു ഒരു ശവം ദഹിപ്പിക്കൽ ഉണ്ടായിരുന്നതിനാൽ ധാരാളം തീക്കനൽ കിട്ടാനുണ്ടായിരുന്നു.ഇന്നത്തെ വിശ്രമം ഇവിടെത്തന്നെ എന്നു നിശ്ചയിക്കുകയും ചെയ്തു.ഭക്ഷണം കഴിച്ചശേഷം തന്റെ മന്തുകാൽ അടുപ്പുകല്ലിൽ കയറ്റിവച്ചു ഭ്രാന്തൻ വിശ്രമിക്കുന്ന സമയത്താണു ചുടലയക്ഷിയും (ഭദ്രകാളി) പരിവാരങ്ങളും അവിടെ എത്തിച്ചേർന്നതു.അസമയത്തു ചുടലപ്പറമ്പിലിരിക്കുന്ന ആളെ ഒന്നു ഭയപ്പെടുത്തുകതന്നെ എന്നു കരുതി അവർ ഭീകരശബ്ദങ്ങൾ പുറപ്പെടുവിക്കുകയും മറ്റും ചെയ്തു

ചുടലപ്പറമ്പിൽ കാളിയുടെയും ഭൂതഗണങ്ങളുടെയും ഭയാനകനൃത്തം കണ്ട് ഭയക്കാതിരുന്ന നാറാണത്തുഭ്രാന്തനോട് കാളി എന്തുവരവും ചോദിക്കുവാൻ പറഞ്ഞപ്പോളാദ്യം താൻ മരിക്കാൻ ഇനി എത്ര ദിവസം ഉണ്ടെന്നു ചോദിച്ചു.. കാളി ഉത്തരം പറഞ്ഞ്പ്പോൾ ഏനിക്ക് ഒരു ദിവസം കൂടുതൽ ആയുസ്സു വേണമെന്നു പറഞ്ഞു. അതു നടക്കില്ലെന്നായി കാളി. ശരി ഒരു ദിവസം കുറവു മതി ആയുസ്സെന്നായി ഭ്രാന്തൻ. അതും സാധ്യമല്ല. എങ്കിൽ ഒന്നു പോയിത്തരണമെന്നു ഭ്രാന്തൻ. ആ ദിവ്യന്റെ മുമ്പിൽ എന്തെങ്കിലും ഒരു വരം വാങ്ങണമെന്ന അപേക്ഷയായി. ശരി തന്റെ വലതുകാലിലെ മന്ത് ഇടതുകാലിലേക്കു മാറ്റിത്തരൂ എന്നാണ് അവരെ കളിയാക്കുന്ന മട്ടിൽനാറാണത്തുഭ്രാന്തൻ ആവശ്യപ്പെട്ടത്. ഇഹലോകജീവിതത്തിന്റെയും വരം ശാപം എന്നിവയുടെയും നിരർത്ഥകതയെ കണ്ടറിഞ്ഞവനായിരുന്നു നാറാണത്തുഭ്രാന്തൻ എന്നുപറയാം.

പരഹിതകരണം' എന്ന ജ്യോതിശാസ്ത്രഗ്രന്ധത്തിന്റെ കർത്താവാണ് ഭ്രാന്തൻ എന്നു പറയപ്പെടുന്നു. കട്ടുറുമ്പുകളെ എണ്ണുക അദ്ദേഹത്തിന്റെ മറ്റൊരു വിനോദമായിരുന്നു. അദ്ദേഹം പ്രസിദ്ധനായ ഒരുതാന്ത്രികനുമായിരുന്നു. കേരളത്തിൽ ഒരുപാട് ക്ഷേത്രങ്ങളിൽ ഭ്രാന്തൻ പ്രതിഷ്ഠ് നടത്തിയിട്ടുണ്ട്.

രായിരനെല്ലൂരിൻ നിന്നും വിളിപ്പാടകലെ ഭ്രാന്തൻ തപസ്സിരുന്ന പാറക്കുന്ന് ഭ്രാന്തങ്കോട്ട അഥവാ ഭ്രാന്താചലം എന്നറിയുന്നു. ആർക്കിയോളജി വകുപ്പിന്റെ അധീനതയിലുള്ള ഈ ഒറ്റക്കൽ ഗുഹ വാസ്തുവിദ്യാവിസ്മയം ആണ്. അതിനടുത്ത് 3 ഗുഹാക്ഷേത്രങ്ങൾ. ഭ്രാന്തന്റെ ഭൂതങ്ങൾ കൈകൊണ്ട് മാന്തി ഉണ്ടാക്കിയതത്രെ. ഇവിടെ ഒരിക്കലും വറ്റാത്ത നീരുറവകളുണ്ട്. ഭ്രാന്തൻ പ്രതിഷ്ഠിച്ച അമ്പലവും ചങ്ങൽക്കിട്ട കാഞ്ഞിരമരത്തിലെ പൊട്ടാത്ത ചങ്ങലയും ഇവിടെ കാണാം. ഭ്രാന്തന് ദുർഗ്ഗാദേവിയുടെ ദർശനം ലഭിച്ച ദിവസം ഇന്ന് രായിരനെല്ലൂർ മലകയറ്റദിവസമായി ആചരിച്ചുവരുന്നു.

മീനമാസത്തിൽ മൂലം നാളിലാണ് അദ്ദേഹത്തിന്റെ ചാത്തം (ശ്രാദ്ധം) ഊട്ടുന്നത്.

# ഭാരതീയ ചിന്തകള്‍

സുദർശനചക്രം

🌟🌟🌟🌟🌟🌟🌟🌟🌟🌟🌟*_ഹിന്ദു പുരാണങ്ങളിൽ മഹാവിഷ്ണുവിന്റെഅടയാളമായി കരുതപ്പെടുന്ന, കയ്യിൽ കറങ്ങുന്ന മൂർച്ചയുള്ള ആയുധത്തെയാണ്‌ സുദർശന ചക്രം എന്നു പറയുന്നത്. ധർമ്മത്തിന്റെ ശത്രുക്കളെ ഇല്ലാതാക്കുവാൻ മഹാവിഷ്ണു ഉപയോഗിക്കുന്ന ആയുധം ആണിത്. മഹാ വിഷ്ണുവിന്റെ നാലു കൈകളിലായി ശംഖ്, ചക്രം, ഗദ, താമര പിടിക്കുന്നു. ചുണ്ടു വിരൽ ഉപയോഗിച്ചാണ് മഹാവിഷ്ണു സുദർശന ചക്രം പിടിക്കുന്നത്. ഇത് ഒരു ദൈവിക ആയുധമായാണ് സകല്പ്പം. മഹാവിഷ്ണുകൂടാതെ ദേവിയും ശിവനും ചക്രം ഉപയോഗികാൻ കഴിവുണ്ട്._*

*_സു എന്നാൽ നല്ലത്, സത്യം എന്നും ദർശനം എന്നാൽ കാഴ്ച എന്നുമാണ് അർഥം. സുദർശനം എന്നാൽ നല്ല കാഴ്ച്ച എന്നാണ് അർഥം. ഇതിനെ ചക്രം ആയി ചിത്രീകരിച്ചിരിക്കുന്നതിനും കാരണം ഉണ്ട്. ഒരു ചക്രത്തെ ഇതു ദിശയിൽ നോക്കിയാലും അതിന്റെ രൂപത്തിൽ മാറ്റം വരുന്നില്ല. അതുപോലെ ഏതു വശത്ത് നിന്ന് നോക്കിയാലും നല്ലതായി അനുഭവപ്പെടുന്ന ദർശനം ഉപയോഗിച്ച് മനുഷ്യമനസ്സിലെ തിന്മയെ നശിപ്പിച്ച് നന്മയെ സ്ഥാപിക്കാൻ വിഷ്ണു ഈ ആയുധം ഉപയോഗിക്കുന്നു._*


🌟🌟🌟🌟🌟🌟🌟🌟🌟🌟🌟

ഭാഗവതത്തിന്റെ തുടക്കം

ഗോമതി എന്ന നദിയുടെ തീരത്ത് ഒരു കാടുണ്ട്. നൈമിഷാരണ്യം എന്നു പേര്. ഏതാണ് ഈ ഗോമതീനദി? ഗംഗയുടെ പോഷകനദിയാണു ഗോമതി. ഗോമതിയുടെ നൈമിഷാരണ്യത്തിൽ ശൗനകമുനിയും മറ്റുള്ള മുനിമാരും ചേർന്ന് ഒരു യജ്ഞം നടത്തി. എന്തിനായിരുന്നുവെന്നോ, യജ്ഞം- കലികാലം തുടങ്ങുകയാണ്. കലികാലദോഷങ്ങൾ നീക്കണം. അതിനു യാഗം ചെയ്യണം. ആ യാഗത്തിൽ വേദവ്യാസന്റെ ശിഷ്യനായ സൂതപൗരാണികനും പങ്കുകൊള്ളാൻ വന്നിരുന്നു. ലോകനന്മയ്ക്കായുള്ള യാഗമല്ലേ? പങ്കുകൊള്ളുന്നതുതന്നെ പുണ്യമാണ്. സൂതപൗരാണികനെ മറ്റുള്ള മഹർഷിമാർക്കെല്ലാം വലിയ ബഹുമാനമാണ്. അതിനു കാരണമുണ്ട്. വേദവ്യാസന്റെ ശിഷ്യനാണ്. ജ്ഞാനിയാണ്. സൂതപൗരാണികനെ. വിധിപോലെ സല്ക്കരിച്ചു ബഹുമാനിച്ച ശേഷം എല്ലാ മഹർഷിമാരും ചേർന്ന് പറയുന്നവനും കേൾക്കുന്നവനും ഭക്തി ഉണ്ടാകുന്ന ഏതെങ്കിലും ഒരു പുരാണകഥ പറയണമെന്ന് അപേക്ഷിച്ചു. സൂതപൗരാണികൻ ഏതു കഥ പറയണമെന്ന് ഒട്ടും ആലോചിക്കേണ്ടി വന്നില്ല. സൂതന്റെ ഗുരുവായ വ്യാസൻ വേദങ്ങളെ പകുത്ത് . അവയുടെ സാരാംശം ഉൾപ്പെടുത്തി പതിനെട്ടു പുരാണങ്ങൾ സൃഷ്ടിച്ചിട്ടുണ്ട്. അതിൽ ഭക്തിരസത്തിൽ മുൻപിൽ നില്ക്കുന്നതോ- ഭാഗവതവും. പോരാത്തതിനു കലിയുഗദോഷമകറ്റാൻ യാഗം നടക്കുന്നിടത്തു പറയേണ്ടതും ഭാഗവതംതന്നെ. കാരണം കലിയുഗത്തിൽ ഈശ്വരനെ അറിയുന്നതിൻ തപസ്സും . ജ്ഞാനവും ഒന്നും വേണമെന്നില്ല, ഭക്തിയുണ്ടായാൽ മതി- തപസ്സു ചെയ്തതിന്റെ ഫലവും ജ്ഞാനവും തനിയേ കൈവരും. സർവ്വശാസ്ത്രങ്ങളും വേദങ്ങളും പഠിച്ചാലും ഭക്തിയില്ലെങ്കിൽ ഈശ്വരസ്പർശം ലഭിക്കയില്ല. അതുകൊണ്ട് എല്ലാ മുനികൾക്കും ഭാഗവതം പറഞ്ഞുകൊടുക്കാമെന്ന് സൂതപൗരാണികൻ ഏറ്റു. ആരാണ് ഭാഗവതം ആദ്യമായി കേട്ടത്? സാക്ഷാൽ ശ്രീനാരായണൻ ഭാഗവതം ആദ്യമായി നാരദമുനിക്ക് ഉപദേശിച്ചു. നാരദനാണ് വ്യാസമുനിക്കു പറഞ്ഞുകൊടുത്തത്. വ്യാസമുനി അതിന്റെ സാരാംശമെടുത്ത് ഒരു പുരാണമാക്കി തന്റെ പുത്രനായ ശുകനെ പഠിപ്പിച്ചു. ശുകനോ? അതു പരീക്ഷിത്തുമഹാരാജാവിനെ കേൾപ്പിച്ചു. അങ്ങനെയാണ് സൂതപൗരാണികനും അതു ഹൃദിസ്ഥമായത്. ശൗനകമഹർഷി സൂതപൗരാണികനോട് ഒരു ചോദ്യം ചോദിച്ചു. ശുകമഹർഷി പരീക്ഷിത്തുമഹാരാജാവിൻ ഭാഗവതം പറഞ്ഞുകൊടുത്തത് എന്തിനാണ്? പറയാം- സൂതപൗരാണികൻ പറഞ്ഞു- ശ്രീകൃഷ്ണഭഗവാൻ സ്വർഗ്ഗാരോഹണം ചെയ്തശേഷം പാണ്ഡവർ പരീക്ഷിത്തുമഹാരാജാവിന്റെ അഭിഷേകം നടത്തി വാനപ്രസ്ഥത്തിനു പോയി. ശ്രീകൃഷ്ണന്റെ സഹോദരിയായിരുന്നു സുഭദ്ര. അർജ്ജുനൻ സുഭദ്രയിൽ ഉണ്ടായ മകനായിരുന്നു അഭിമന്യു. അഭിമന്യുവിൻ വിരാടരാജകുമാരിയായ ഉത്തരയിൽ ജനിച്ച മകനാണ് പരീക്ഷിത്ത്. ഭാരതയുദ്ധത്തിന്റെ അവസാനം അശ്വത്ഥാമാവ് ബ്രഹ്മാസ്ത്രത്താൽ പാണ്ഡവവംശത്തിലെ സന്തതികളെ മുഴുവനും ഇല്ലായ്മ ചെയ്യുകയുണ്ടായി. അന്ന് ഉത്തര ഗർഭിണിയായിരുന്നു. ഉത്തരയുടെ പ്രസവത്തിൽ ജനിച്ചത് . ജീവനില്ലാത്ത ശിശുവാണെന്നു കണ്ട് പാണ്ഡവർ ദുഃഖിതരായി. അന്നു ശ്രീകൃഷ്ണനാണ് പരീക്ഷിത്തിനു ജീവൻ നല്കിയത് പരീക്ഷിത്ത് വളർന്നത് കൃഷ്ണഭക്തനായിട്ടായിരുന്നു. അദ്ദേഹത്തെ കാണുന്നവരാകട്ടെ, ശ്രീകൃഷ്ണന്റെ അത്ഭുതവിലാസങ്ങളെ പുകഴ്ത്തുകയും ചെയ്തു. വിഷ്ണുഭക്തനായ പരീക്ഷിത്തിനു 'വിഷ്ണുരാതൻ' എന്ന പേരും ഉണ്ടായി. തന്റെ മുപ്പത്തിയാറാമത്തെ വയസ്സിൽ അദ്ദേഹം ഹസ്തിനപുരത്തിലെ ചക്രവർത്തിയായി. അസ്ത്രവിദ്യയിൽ നിപുണനും ശാസ്ത്രങ്ങളിൽ അറിവുള്ളവനും ആയിരുന്നു പരീക്ഷിത്തുമഹാരാജാവ്. ഇരാവതി എന്നായിരുന്നു പരീക്ഷിത്തിന്റെ പത്നിയുടെ പേര്. പാണ്ഡവരുടെ യശസ്സിനു പോറലേല്ക്കാത്തവിധം അദ്ദേഹം രാജ്യം ഭരിച്ചു, ദിഗ്വിജയം ചെയ്തു. അശ്വമേധയാഗവും നടത്തി.

അങ്ങനെയിരിക്കെ ഒരു ദിവസം പരീക്ഷിത്ത് നായാട്ടിനു കാട്ടിൽ പോയി. ഒരു പശുവിനെ കൊല്ലാൻ നില്ക്കുന്ന രാക്ഷസവേഷം പൂണ്ട കലിയെ കാണാനിടയായി. പശുവിനെ വധിക്കരുത് എന്നു പരീക്ഷിത്ത് ആജ്ഞാപിച്ചു. കലി പറഞ്ഞു. ഇത് എന്റെ യുഗമാണ് - കലിയുഗം. കലിയുഗത്തിൽ ഗോഹത്യയെല്ലാം സംഭവിക്കേണ്ടതാണ്. പരീക്ഷിത്തുമഹാരാജാവഅങ്ങ് ഇതിൽ ഇടപെടാതിരിക്കുന്നതാണു ഭംഗി. പരീക്ഷിത്തിനു ദേഷ്യം വന്നു. കലിയെ കടന്നുപിടിച്ചു കഴുത്തറക്കാനായി വാളോങ്ങി. കലി പേടിച്ചു വിറച്ചുപോയി. എന്തൊരു ദേഷ്യം! എന്തൊരു വീര്യം! കലി മാപ്പു പറഞ്ഞു. താൻ ഭരിക്കുന്ന കാലം തന്റെ രാജ്യത്തു കടന്നുപോകരുതെന്നു രാജാവ് കല്പിച്ചു. അപ്പോൾ കലി പറഞ്ഞു. അങ്ങു പറയുന്നതു ഞാൻ അനുസരിക്കാം. പക്ഷേ പിന്നീടു ഞാൻ എവിടെപ്പോകും എന്നുകൂടി തീർപ്പാക്കിത്തരിക. പരീക്ഷിത്തുമഹാരാജാവ് ആജ്ഞാപിച്ചു- സദാ വാതുവെച്ചു ചൂതു കളിക്കുന്നിടത്തും മദ്യപാനം നടത്തുന്നിടത്തും ശുദ്ധി പാലിക്കാത്ത സ്ത്രീകൾ വസിക്കുന്ന ഇടത്തിലും സ്വർ ണ്ണം വില്ക്കുന്നിടത്തും പണം പലിശയ്ക്കു കൊടുക്കുന്നിടത്തും അക്രമവാസന ഉള്ളവരിലും പോയി വസിച്ചുകൊള്ളുക കലി പെട്ടെന്ന് അപ്രത്യക്ഷനായി. മഹാരാജാവ് പശുവിന്റെ അടുത്തുചെന്ന് കലി എന്തിനാണ് അതിനെ വധിക്കാനൊരുമ്പെട്ടതെന്ന് അന്വേഷിച്ചു. അപ്പോഴാണ് അറിഞ്ഞത് അതു കേവലം ഒരു പശുവായിരുന്നില്ല. പിന്നെയോ? സാക്ഷാൽ ഭൂമീദേവിയായിരുന്നു. എല്ലാ ദുഷ്ടന്മാരെയും നിഗ്രഹിച്ച് ഭൂമീദേവിയുടെ സങ്കടങ്ങൾ ശ്രീകൃഷ്ണഭഗവാൻ തീർ ത്തുകൊടുത്തിരുന്നതാണ്. പക്ഷേ, ഭഗവാൻ സ്വർഗ്ഗാരോഹണം ചെയ്തതോടെ കലി ആക്രമിക്കാൻ വന്നു. പരീക്ഷിത്തുമഹാരാജാവ് ഭൂമിക്കു ശരണം വാഗ്ദാനം ചെയ്തു. ഭൂമീദേവി രാജാവിനെ അനുഗ്രഹിച്ചു മറയുകയും ചെയ്തു. അങ്ങനെ കുറെക്കാലം ധർമ്മത്തെ സംരക്ഷിച്ച് ഭൂമീദേവിയെ പ്രസന്നയാക്കുംവിധം പരീക്ഷിത്തുമഹാരാജാവ് നാടു വാണു.

അറുപത്തിയാറുവയസ്സു പ്രായമുള്ളപ്പോൾ അദ്ദേഹം വീണ്ടും ഒരു നായാട്ടിനു പോയ സമയം ഒരു സംഭവമുണ്ടായി. ദാഹം കാരണം വലഞ്ഞു വെള്ളമന്വേഷിച്ചുപോയ രാജാവ് ഒരാശ്രമത്തിൽ എത്തിപ്പെട്ടു. ആശ്രമത്തിൽ ഒരു മുനി ധ്യാനത്തിലിരിക്കുന്നു. കുടിക്കുവാൻ കുറച്ചു വെള്ളം തരുമോ എന്നു രാജാവ് അന്വേഷിച്ചു. സമാധിസ്ഥനായിരുന്ന മുനി അതു കേട്ടതുപോലുമില്ല. രാജാവ് ചോദ്യം ആവർത്തിച്ചു. മുനി മിണ്ടിയില്ല. രാജാവിനു തോന്നി, തന്നെ ധിക്കരിക്കയാണ് മുനി ചെയ്തതെന്ന്. ആരാണു താൻ? സാക്ഷാൽ ശ്രീകൃഷ്ണപരമാത്മാവു രക്ഷിച്ച ജീവൻ. പാണ്ഡവരുടെ പിൻഗാമി. നാടു വാഴുന്ന ചക്രവർ ത്തി. എന്നിട്ടും മുനിക്ക് ഈ ധിക്കാരമോ? രാജാവ് സമീപത്തു ചത്തുകിടന്നിരുന്ന പാമ്പിനെ തോണ്ടി മുനിയുടെ കഴുത്തിലിട്ടുകൊടുത്തിട്ട് അവിടെനിന്നു പോയി. മുനി അതും അറിഞ്ഞില്ല. ആ മുനി അംഗിരസ്സിന്റെ പുത്രനായ ശമീകൻ ആയിരുന്നു. ശമീകന്റെ പുത്രനായ ശൃംഗി ആശ്രമത്തിൽ വന്നുകയറിയപ്പോൾ കണ്ടതെന്താണ്? പിതാവിന്റെ കഴുത്തിൽ ചത്ത പാമ്പ്! അന്വേഷണത്തിൽ മനസ്സിലായി, ചത്ത പാമ്പിന്റെ മാല അണിയിച്ചുപോയത് മറ്റാരുമല്ല, സാക്ഷാൽ പരീക്ഷിത്തുമഹാരാജാവാണ്. മറ്റാരുടെ തെറ്റും പൊറുക്കാം, മഹർ ഷിമാരെ സംരക്ഷിക്കേണ്ട ചക്രവർ ത്തിതന്നെ തെറ്റുചെയ്താലോ? മുനികുമാരൻ ശപിച്ചു- ഒരു പാമ്പിനെയെടുത്ത് അച്ഛന്റെ കഴുത്തിലിട്ട പരീക്ഷിത്തുരാജാവ് ഇന്നേക്ക് ഏഴാംദിവസം തക്ഷകന്റെ കടിയേറ്റു മരിക്കട്ടെ മുനിയുടെ കഴുത്തിൽനിന്ന് ആ പാമ്പിനെ ശൃംഗികുമാരൻതന്നെ എടുത്തു മാറ്റി. പിന്നീട് സമാധിയിൽനിന്നുണർ ന്ന മുനിയോട് ഉണ്ടായതെല്ലാം വിസ്തരിച്ചു. മുനി ശാന്തനായി ശൃംഗിയോടു പറഞ്ഞു. മകനേ! വിശപ്പും ദാഹവും മൂലം ചക്രവർ ത്തി ചെറിയൊരു തെറ്റു ചെയ്തതിൻ നീ കൊടുത്ത ശാപം കഠിനമായിപ്പോയി പരീക്ഷിത്തുരാജാവ് ഭക്തശ്രേഷ്ഠനാണ്. വിഷ്ണുരാതൻ എന്ന പേരുമുണ്ട് അദ്ദേഹത്തിൻ. ശ്രീകൃഷ്ണൻ രക്ഷിച്ചെടുത്ത ജീവനാണ് അദ്ദേഹത്തിന്റേത്. അദ്ദേഹത്തെ ശപിച്ചാൽ ഭഗവാൻ പൊറുക്കുമോ? അതുകൊണ്ട് ഉടനടി ശാപവിവരം രാജാവിനെ അറിയിച്ച് തക്ഷകദംശനം ഏല്ക്കാതിരിക്കാനുള്ള മുൻകരുതൽ എടുക്കാൻ പറയണം വിവരമറിഞ്ഞ പരീക്ഷിത്തുരാജാവ് സന്ദേശവുമായി വന്ന ഗൗരമുഖൻ എന്ന മുനികുമാരനോടു തന്റെ നന്ദി അറിയിച്ചു. ഒപ്പം മുനിയോടു ചെയ്തുപോയ അവിവേകത്തിനു മാപ്പും ചോദിച്ചു. ഗൗരമുഖൻ യാത്രയായപ്പോൾ എല്ലാ മന്ത്രിമാരെയും പൗരപ്രമാണിമാരെയും വിളിച്ചു വിവരം പറഞ്ഞു. ഹസ്തിനപുരി ദുഃഖത്തിലാഴ്ന്നു. അത്രയ്ക്ക് ഇഷ്ടമാണ് ജനങ്ങൾക്കു പരീക്ഷിത്തുരാജാവിനെ. പരീക്ഷിത്തുരാജാവ് ഒരു കാര്യം ചെയ്തു. പുത്രനായ ജനമേജയനെ വിളിച്ചു. രാജ്യഭാരം ഏല്പിച്ചു. മന്ത്രിമാരും സേനാനായകരുംകൂടി ആലോചിച്ച് തക്ഷകദംശനത്തിൽനിന്നു രക്ഷപ്പെടാൻ ഒരു വഴി കണ്ടുപിടിച്ചു. ഗംഗയുടെ നടുവിൽ ഒരു മണ്ഡപം പണിയുക. മുൻഭാഗത്ത് ഒരു ചെറിയ വാതിൽ മാത്രം. അതിലൂടെ കടന്നാൽ വലിയ ഒരു സഭാതലം. അതിനു ചുറ്റും സർപ്പങ്ങളെ തടുക്കുന്ന മന്ത്രത്തകിടുകൾ. വിഷവൈദ്യന്മാർ അവിടെ കാവൽ നിന്നു. ഇങ്ങനെ തക്ഷകനു പ്രവേശിക്കാനുള്ള എല്ലാ വഴിയും അടച്ച് ഒരു ശുഭമുഹൂർ ത്തത്തിൽ അത്രി, വസിഷ്ഠൻ, ച്യവനമഹർ ഷി, ഭൃഗു, അഗസ്ത്യൻ, അംഗിരസ്സ്, ഭരദ്വാജൻ, പരാശരൻ, വിശ്വാമിത്രൻ, ഉചത്ഥ്യൻ, ഗൗതമൻ, ശരദ്വാൻ മൈത്രേയൻ, ദൈ്വപായനൻ എന്നിവരോടൊപ്പം രാജാവ് അകത്തു പ്രവേശിച്ചു, വടക്കോട്ടു തിരിഞ്ഞിരുന്നു. മഹർഷിമാർ മൃത്യുഞ്ജയഹോമം തുടങ്ങി ശ്രേഷ്ഠനായ പരീക്ഷിത്തുമഹാരാജാവിനെ ഏതു പുരാണകഥ പറഞ്ഞാണു സമാധാനിപ്പിക്കുക എന്നറിയാതെ മുനിമാർ കുഴങ്ങുമ്പോൾ സാക്ഷാൽ ശുകമഹർ ഷി അവിടെ എത്തിച്ചേർ ന്നു. മുനിമാർ അഭ്യർ ത്ഥിക്കയും പരീക്ഷിത്തുമഹാരാജാവ് പ്രാർ ത്ഥിക്കയും ചെയ്തതനുസരിച്ച് ശ്രീശുകദേവൻ ആത്മാവിനു പുണ്യം ലഭിക്കുന്ന, ഭഗവാന്റെ കഥ പറയാൻ നിശ്ചയിച്ചു കന്നിമാസത്തിലെ വെളുത്തപക്ഷ നവമിദിവസമാണു ശുകദേവൻ കഥ പറയാൻ തുടങ്ങിയത്.......

വിഘ്‌നേശ്വര അഷ്ടോത്തര ശതനാമാവലി

ഓം ഗജാനനായ നമഃ
ഓം ഗണാധ്യക്ഷായ നമഃ
ഓം വിഘ്നരാജായ നമഃ
ഓം വിനായകായ നമഃ
ഓം ദ്വൈമാതുരായ നമഃ
ഓം ദ്വിമുഖായ നമഃ
ഓം പ്രമുഖായ നമഃ
ഓം സുമുഖായ നമഃ
ഓം കൃതിനേ നമഃ
ഓം സുപ്രദീപായ നമഃ (10)
ഓം സുഖ നിധയേ നമഃ
ഓം സുരാധ്യക്ഷായ നമഃ
ഓം സുരാരിഘ്നായ നമഃ
ഓം മഹാഗണപതയേ നമഃ
ഓം മാന്യായ നമഃ
ഓം മഹാ കാലായ നമഃ
ഓം മഹാ ബലായ നമഃ
ഓം ഹേരംബായ നമഃ
ഓം ലംബ ജഠരായ നമഃ
ഓം ഹ്രസ്വ ഗ്രീവായ നമഃ (20)
ഓം മഹോദരായ നമഃ
ഓം മദോത്കടായ നമഃ
ഓം മഹാവീരായ നമഃ
ഓം മംത്രിണേ നമഃ
ഓം മംഗള സ്വരായ നമഃ
ഓം പ്രമധായ നമഃ
ഓം പ്രഥമായ നമഃ
ഓം പ്രാജ്ഞായ നമഃ
ഓം വിഘ്നകർത്രേ നമഃ
ഓം വിഘ്നഹംത്രേ നമഃ (30)
ഓം വിശ്വനേത്രേ നമഃ
ഓം വിരാട്പതയേ നമഃ
ഓം ശ്രീപതയേ നമഃ
ഓം വാക്പതയേ നമഃ
ഓം ശൃംഗാരിണേ നമഃ
ഓം ആശ്രിത വത്സലായ നമഃ
ഓം ശിവപ്രിയായ നമഃ
ഓം ശീഘ്രകാരിണേ നമഃ
ഓം ശാശ്വതായ നമഃ
ഓം ബലായ നമഃ (40)
ഓം ബലോത്ഥിതായ നമഃ
ഓം ഭവാത്മജായ നമഃ
ഓം പുരാണ പുരുഷായ നമഃ
ഓം പൂഷ്ണേ നമഃ
ഓം പുഷ്കരോത്ഷിപ്ത വാരിണേ നമഃ
ഓം അഗ്രഗണ്യായ നമഃ
ഓം അഗ്രപൂജ്യായ നമഃ
ഓം അഗ്രഗാമിനേ നമഃ
ഓം മംത്രകൃതേ നമഃ
ഓം ചാമീകര പ്രഭായ നമഃ (50)
ഓം സർവായ നമഃ
ഓം സർവോപാസ്യായ നമഃ
ഓം സർവകർത്രേ നമഃ
ഓം സർവനേത്രേ നമഃ
ഓം സർവസിധ്ധി പ്രദായ നമഃ
ഓം സർവസിദ്ധയേ നമഃ
ഓം പഞ്ചഹസ്തായ നമഃ
ഓം പാര്വതീനംദനായ നമഃ
ഓം പ്രഭവേ നമഃ
ഓം കുമാര ഗുരവേ നമഃ (60)
ഓം അക്ഷോഭ്യായ നമഃ
ഓം കുംജരാസുര ഭംജനായ നമഃ
ഓം പ്രമോദായ നമഃ
ഓം മോദകപ്രിയായ നമഃ
ഓം കാംതിമതേ നമഃ
ഓം ധൃതിമതേ നമഃ
ഓം കാമിനേ നമഃ
ഓം കപിത്ഥവന പ്രിയായ നമഃ
ഓം ബ്രഹ്മചാരിണേ നമഃ
ഓം ബ്രഹ്മരൂപിണേ നമഃ (70)
ഓം ബ്രഹ്മവിദ്യാദി ദാനഭുവേ നമഃ
ഓം ജിഷ്ണവേ നമഃ
ഓം വിഷ്ണുപ്രിയായ നമഃ
ഓം ഭക്ത ജീവിതായ നമഃ
ഓം ജിത മന്മഥായ നമഃ
ഓം ഐശ്വര്യ കാരണായ നമഃ
ഓം ജ്യായസേ നമഃ
ഓം യക്ഷകിന്നര സേവിതായ നമഃ
ഓം ഗംഗാ സുതായ നമഃ
ഓം ഗണാധീശായ നമഃ (80)
ഓം ഗംഭീര നിനദായ നമഃ
ഓം വടവേ നമഃ
ഓം അഭീഷ്ട വരദായിനേ നമഃ
ഓം ജ്യോതിഷേ നമഃ
ഓം ഭക്ത നിഥയേ നമഃ
ഓം ഭാവ ഗമ്യായ നമഃ
ഓം മംഗള പ്രദായ നമഃ
ഓം അവ്യക്തായ നമഃ
ഓം അപ്രാകൃത പരാക്രമായ നമഃ
ഓം സത്യധർമിണേ നമഃ (90)
ഓം സഖയേ നമഃ
ഓം സരസാംബു നിഥയേ നമഃ
ഓം മഹേശായ നമഃ
ഓം ദിവ്യാംഗായ നമഃ
ഓം മണികിംകിണീ മേഖാലായ നമഃ
ഓം സമസ്ത ദേവതാ മൂർതയേ നമഃ
ഓം സഹിഷ്ണവേ നമഃ
ഓം സതതോത്ഥിതായ നമഃ
ഓം വിഘാത കാരിണേ നമഃ
ഓം വിശ്വഗ്ദൃശേ നമഃ (100)
ഓം വിശ്വരക്ഷാകൃതേ നമഃ
ഓം കല്യാണ ഗുരവേ നമഃ
ഓം ഉന്മത്ത വേഷായ നമഃ
ഓം അപരാജിതേ നമഃ
ഓം സമസ്ത ജഗദാധാരായ നമഃ
ഓം സർവൈശ്വര്യ പ്രദായ നമഃ
ഓം ആക്രാംത ചിദ ചിത്പ്രഭവേ നമഃ
ഓം ശ്രീ വിഘ്നേശ്വരായ നമഃ (108)

പുരാണ ചോദ്യങ്ങളും ഉത്തരങ്ങളും

Q1. അര്‍ജ്ജുനന്‍ വിവാഹം കഴിച്ച നാഗകന്യകയുടെ പേര്?
ഉലൂപി

Q2. ശ്രീകൃഷ്ണന്‍റെ എത്ര പര്യായശബ്ദങ്ങള്‍ ഗീതയില്‍ ഉപയോഗിച്ചിട്ടുണ്ട് ?
18

Q3. ജ്യോതിഷത്തില്‍ രാഹുവിന്റെ അധിദേവതയായി കണക്കാക്കുന്നത് ആരെയാണ്?
നാഗദൈവങ്ങളെ

Q4. സര്‍പ്പക്കാവുകളില്‍ ആരാധിക്കുന്ന കല്ലിനു പറയുന്ന പേര്?
ചിത്രകൂടക്കല്ല്

Q5. ഭഗവത്ഗീതയില്‍ മധ്യവര്‍ത്തിയായി നിലകൊള്ളുന്ന അത്യന്തം നിഗൂഢമായ അധ്യായം ഏത് ?
ഒന്‍പതാം അധ്യായമായ രാജവിദ്യാദിരാജഗുഹ്യയോഗം

Q6. ഏതു രത്നത്തിനു വേണ്ടിയാണ് കൃഷ്ണന്‍ ജാംബവാനുമായി യുദ്ധത്തില്‍ ഏർപ്പെട്ടത് ?
സ്യമന്തകം

Q7. ഗീതയെ സ്മൃതിഎന്ന് പറയാന്‍ കാരണം എന്ത് ?
ഇതിഹാസമായ മഹാഭാരതത്തിന്‍റെ ഭാഗമാകയാല്‍

Q8. ഭഗവത്‌ഗീതയില്‍ ശ്രീകൃഷ്ണനും അര്‍ജുനനും ഏതുഭാവത്തില്‍ ആണ് നിലകൊള്ളുന്നത് ?
ആചാര്യ ശിഷ്യഭാവം

Q9. ദ്രോണര്‍ ആരുടെ പുത്രനാണ് ?
ഭരദ്വാജ മഹര്‍ഷിയുടെ.

Q10. ഭഗവാൻ ഗീതാതത്വം ആദ്യമായി ആരെയാണ് ഉപദേശിച്ചത് ?
സൂര്യന്

Q11. മാദ്രിയുടെ മക്കള്‍ ആരെല്ലാം ?
നകുലന്‍, സഹദേവന്‍

Q12. വ്യാസന്റെ മാതാവ് ആരു ?
സത്യവതി

Q13. ദുര്യോധനന്‍റെ നിര്‍ദേശ പ്രകാരം ആരാണ് അരക്കില്ലം നിര്‍മ്മിച്ചത്‌ ?
പുരോചനന്‍

Q14. കുന്തി കൃഷ്ണന്‍റെയും ബാലരാമന്‍റെയും ആര് ?
അച്ഛന്പെങ്ങള്‍

Q15. ജരസന്ധനെ വധിച്ചത് ആര്?
ഭീമന്‍

Q16. ശ്രീനാരായണഗുരുവും ചട്ടമ്പിസ്വാമികളും ആദ്യമായി സംഗമിക്കുന്നത് എപ്പോള്‍ എവിടെവച്ചാണ്?
1882 - ല്‍ വാമനപുരത്തിനടിത്തുള്ള അണിയൂര്‍ ക്ഷേത്രത്തില്‍ വച്ച്

Q17. നാരദന് നാഗവീണ നിര്‍മ്മിച്ച്‌ കൊടുത്തത് ആര്?
സരസ്വതി

Q18. ഗരുഡനും സര്‍പ്പങ്ങളും രമ്യതയിലായി വരുന്ന ദിവസം?
നാഗപഞ്ചമി

Q19. ആരെ കയറാക്കിയാണ് പാലാഴി മഥനം നടത്തിയത്?
വാസുകിയെ

20. ഏഴുതലയുള്ള നാഗത്തിന്റെ പത്തിയില്‍ തിരിയിട്ടു കത്തിക്കുന്ന വിളക്കിന് പറയുന്ന പേര്?
നാഗപ്പത്തി വിളക്ക്

21. ത്രിലോകങ്ങള്‍ ഏതെല്ലാം ?
സ്വര്‍ഗം ,ഭൂമി, പാതാളം

22. ത്രിഗുണങ്ങള്‍ ഏതെല്ലാം ?
സത്വഗുണം ,രജോഗുണം , തമോഗുണം

23. ത്രികര്‍മ്മങ്ങള്‍ ഏതെല്ലാം ?
സൃഷ്ടി ,സ്ഥിതി , സംഹാരം

24. ത്രികരണങ്ങള്‍ ഏതെല്ലാം ?
മനസ്സ്, വാക്ക് , ശരീരം

25. ത്രിസന്ധ്യകള്‍ ഏതെല്ലാം ?
പ്രാഹ്നം - മദ്ധ്യാഹ്നം , അപരാഹ്നം - പ്രഭാതം , മദ്ധ്യാഹ്നം - പ്രദോഷം

26. കൃഷ്ണദ്വൈപായനന്‍ ആര് ? ആ പേര് എങ്ങനെ കിട്ടി ?
വേദവ്യാസന്‍, കറുത്തനിറമുള്ളതിനാല്‍ കൃഷ്ണന്‍ എന്നും , ദ്വീപില്‍ ജനിക്കുകയാല്‍ ദ്വൈപായനന്‍ എന്നും രണ്ടും ചേര്‍ന്ന് കൃഷ്ണദ്വൈപായനന്‍ എന്നും ആയി

27. ചതുരുപായങ്ങള്‍ എന്തെല്ലാം ?
സാമം, ദാനം, ഭേദം ,ദണ്ഡം

28. ചതുര്‍ദന്തന്‍ ആര് ?
ഐരാവതം - ഇന്ദ്രവാഹനം , നാല് കൊമ്പുള്ളതിനാല്‍

29. ചതുരാശ്രമങ്ങള്‍ ഏതെല്ലാം ?
ബ്രഹ്മചര്യം , ഗാര്‍ഹസ്ഥ്യം , വാനപ്രസ്ഥം , സന്ന്യാസം

30. ഹിന്ദു എന്ന വാക്കിന്റെ അര്‍ഥം എന്ത് ?
അക്രമത്തെയും അക്രമികളെയും അധര്‍മ്മത്തെയും അധര്‍മ്മികളെയും എതിര്‍ക്കുന്നവന്‍ .'ഹിംസാം ദൂഷയതേ ഇതി ഹിന്ദു

31. ബ്രഹ്മാവിന്റെ വാഹനം എന്ത് ?.
അരയന്നം (ഹംസം)

32. ഹാലാഹലം എന്ത് ? എവിടെനിന്നുണ്ടായി ?
ലോകനാശക ശക്തിയുള്ള വിഷം, പാലാഴി മഥനസമയത്ത് വാസുകിയില്‍ നിന്നും ഉണ്ടായി

33. പഞ്ചാക്ഷരത്തിന്റെ സൂഷ്മരൂപം എന്താണ് ?
ഓം

34. പുരാരി ആരാണ് ? ആ പേര് എങ്ങനെ കിട്ടി ?
ശിവന്‍, ത്രിപുരന്മാരെ നശിപ്പിച്ചതിനാല്‍

35. പുരാണങ്ങള്‍ എത്ര ? ഏതെല്ലാം ?
പുരാണങ്ങള്‍ പതിനെട്ട് , ബ്രഹ്മം , പത്മം , വിഷ്ണു , ശിവ , ഭാഗവത , നാരദ , മാര്‍ക്കണ്ഡേയ , അഗ്നി , ഭവിഷ്യ , ബ്രഹ്മവൈവര്‍ത്ത‍ , ലിംഗ , വരാഹ , സ്കന്ദ , വാമന , കൂര്‍മ ,
ഗാരുഡ , ബ്രഹ്മാണ്ഡ , മാത്സ്യപുരാണങ്ങള്‍

36. വേദ വ്യാസന്റെ അച്ഛനമ്മമാര്‍ ആരെല്ലാം ?
പരാശരനും സത്യവതിയും

37. പഞ്ചമവേദം എന്ന് പറയുന്നത് ഏത് ?
മഹാഭാരതം, എല്ലാ വേദാന്തതത്വങ്ങളും ഉപനിഷത്സാരവും അടങ്ങിയ ഗീത ഉള്‍കൊള്ളുകയാല്‍

38. പഞ്ചഭൂതങ്ങള്‍ ഏവ ?
ഭൂമി , ജലം , തേജസ്സ് , വായു , ആകാശം

39. പഞ്ചകര്‍മ്മങ്ങൾ ഏതൊക്കെയാണ് ?
വമനം, വിരേചനം, വസ്തി, നസ്യം, രക്തമോക്ഷം ( ഉത്സവം , സ്ഥിതി , നാശം അനുഗ്രഹം , തിരോധാനം)

40. പഞ്ചലോഹങ്ങള്‍ ഏവ ?
ചെമ്പ് , ഇരുമ്പ് , വെള്ളി , ഈയം , സ്വര്‍ണം

41. പഞ്ചാമൃതം എന്ന് പറയുന്നത് എന്താണ് ? അതില്‍ എന്തെല്ലാം ചേര്‍ന്നിട്ടുണ്ട് ?
അഞ്ചു മധുരവസ്തുക്കള്‍ ചേര്‍ത്തുണ്ടാക്കിയതും സുബ്രഹ്മണ്യപ്രീതിക്ക് പ്രധാനവുമാണ് പഞ്ചാമൃതം . പഴം , തേന്‍ , ശര്‍ക്കര , നെയ്യ് , മുന്തിരിങ്ങ ഇവയാണവ

42. പഞ്ചദേവതകള്‍ ആരെല്ലാം ?
ആദിത്യന്‍ , ഗണേശന്‍ , ശിവന്‍ , വിഷ്ണു , ദേവി

43. പഞ്ചദേവതമാര്‍ ഏതേതിന്റെ ദേവതകളാണ് ?
ആകാശത്തിന്റെ ദേവന്‍ വിഷ്ണു , അഗ്നിയുടെത് ദേവി , വായുവിന്റെ ദേവന്‍ ശിവന്‍ , ഭൂമിയുടെ ദേവന്‍ ആദിത്യന്‍ , ജലത്തിന്റെ ദേവന്‍ ഗണപതി

44. യുഗങ്ങള്‍ എത്ര ?. ഏതെല്ലാം ?
യുഗങ്ങള്‍ നാല് - കൃതയുഗം , ത്രേതായുഗം , ദ്വാപരയുഗം , കലിയുഗം

45. ദാരുകന്‍ ആരാണ് ?
ശ്രീകൃഷ്ണന്റെ തേരാളി or മഹിഷാസുരന്റെ ഒരു തേരാളി or ഗരുഡന്റെ ഒരു പുത്രൻ

46. ഉദ്ധവന്‍ ആരായിരുന്നു ?
ശ്രീകൃഷ്ണഭഗവാന്റെ ഭക്തനും മന്ത്രിയുമായിരുന്നു.

47. ഭഗവത്സ്പര്‍ശത്താല്‍ സുഗന്തിയായി മോക്ഷം നേടിയ രാക്ഷസി ആരാണ് ?
പൂതന

48. ശ്രീകൃഷ്ണന്റെ ഗുരു ആരാണ് ?
സാന്ദീപനി മഹര്‍ഷി

49. നാരായണീയത്തിന്റെ കര്‍ത്താവ്‌ ആര് ?
മേല്‍പത്തൂര്‍ നാരായണഭട്ടതിരി

50. പഞ്ചമഹായജ്ഞങ്ങള്‍ ഏവ ?
ഭൂതയജ്ഞം , ദേവയജ്ഞം , പിതൃയജ്ഞം , നൃയജ്ഞം , ബ്രഹ്മയജ്ഞം

51. പഞ്ചബാണങ്ങള്‍ ഏവ ?
അരവിന്തം , അശോകം , ചൂതം , നവമല്ലിക , നീലോല്പലം മുതലായ പൂക്കളാണ് പഞ്ചബാണങ്ങള്‍

52. ദ്വാദശാക്ഷരി മന്ത്രം എന്താണ് ?
'ഓം നമോ ഭഗവതേ വാസുദേവായ നമ' മന്ത്രമാണ് ദ്വാദശാക്ഷരി മന്ത്രം

53. ദ്വാദശാക്ഷരി മന്ത്രം ആര് ആര്‍ക്കാണ് ആദ്യമായി ഉപദേശിച്ചു കൊടുത്തത് ?
ബ്രഹ്മര്‍ഷിയായ നാരദന്‍ ബാലനായ ധ്രുവന് ഉപദേശിച്ചു കൊടുത്ത മഹാ മന്ത്രമാണ് ('ഓം നമോ ഭഗവതേ വാസുദേവായ നമ')

54. ഷഡ്ഗുണങ്ങള്‍ ഏതെല്ലാം ?
ഐശ്വര്യം , വീര്യം , യശസ്സ് , വിജ്ഞാനം , വൈരാഗ്യം , ശ്രീ ഇവയാണ് ഷഡ്ഗുണങ്ങള്‍

55. ഷഡ്വൈരികള്‍ ആരൊക്കെയാണ് ?
കാമം , ക്രോധം , ലോഭം , മോഹം , മദം , മാത്സര്യം.

56. ഷഡ്ശാസ്ത്രങ്ങള്‍ ഏതോക്കെയാണ് ?
ശിക്ഷ , കല്പം , വ്യാകരണം , നിരുക്തം , ജ്യോതിഷം , ഛന്തസ്സ്

57. സപ്തര്‍ഷികള്‍ ആരെല്ലാമാണ് ?
മരീചി , അംഗിരസ്സ് , അത്രി , പുലസ്ത്യന്‍ , പുലഹന്‍ , ക്രതു , വസിഷ്ഠന്‍.

58. സപ്ത ചിരഞ്ജീവികള്‍ ആരെല്ലാം ?
അശ്വഥാമാവ് , മഹാബലി , വ്യാസന്‍ , ഹനുമാന്‍ , വിഭീഷണന്‍ , കൃപര്‍ , പരശുരാമന്‍ ഇവര്‍ എക്കാലവും ജീവിചിരിക്കുന്നു എന്നാണ് പുരാണം . ( അശ്വഥാമാവ് പകയായും ,
മഹാബലി ദാനശീലമായും , വ്യാസന്‍ ജ്ഞാനമായും , ഹനുമാന്‍ സേവനശീലാമായും , വിഭീഷണന്‍ ഈശ്വരഭക്തിയായും , കൃപര്‍ പുച്ഛമായും , പരശുരാമന്‍ അഹങ്കാരമായും
മനുഷ്യരില്‍ കാണപ്പെടുന്നു ).

59. സപ്ത പുണ്യനഗരികള്‍ ഏതെല്ലാം ?
(അയോധ്യ , മധുര , മായ , കാശി , കാഞ്ചി , അവന്തിക , പുരി , ദ്വാരക ഇവയാണ് മോക്ഷദായകങ്ങളായ ഏഴ് പുണ്യനഗരികള്‍

60. സപ്ത മാതാക്കള്‍ ആരെല്ലാം ? അവരെ സ്മരിച്ചാലുള്ള ഫലമെന്ത് ?
കുമാരി , ധനദ , നന്ദ , വിമല , ബല , മംഗല , പത്മ ( ഇവരെ പ്രഭാതത്തില്‍ സ്മരിച്ചാല്‍ യഥാക്രമം യൌവനം , സമ്പത്ത് ,സന്തോഷം , പരിശുദ്ധി , ബലം ഐശ്വര്യം , തേജസ്സ്
ഇവയുണ്ടാകും )

61. സപ്തധാതുക്കള്‍ ഏതെല്ലമാണ് ?
ത്വക്ക് , രക്തം , മാംസം , മേദസ്സ് , അസ്ഥി , മജ്ജ , സ്നായു

62. ശ്രീരാമകൃഷ്ണദേവന്‍ പൂജാരിയായിരുന്ന ക്ഷേത്രം ?
ദക്ഷിണേശ്വരം കാളിക്ഷേത്രം

63. കാശിരാജാവിന്‍റെ മക്കള്‍ ആരെല്ലാം ?
അംബ, അംബിക, അംബാലിക

64. ഭഗവാൻ ശ്രീകൃഷന്റെ രഥത്തില്‍ എത്ര കുതിരകൾ ഉണ്ട് ?
5 ( നമ്മുടെ ശരീരമാണ് രഥം ..! നാം അല്ലങ്കില്‍ നമ്മുടെ ശരീരത്തിലെ ജീവനാണ് അര്‍ജ്ജുനന്‍ ..! നമ്മുടെ ഉള്ളിലെ ആത്മാവ് ആണ് കൃഷ്ണന്‍ ! പഞ്ചേന്ദ്രിയങ്ങള്‍ ആണ് കുതിരകള്‍ ,ബുദ്ധിയാണ് കടിഞ്ഞാണ്‍.. , ജീവിതമാണ് കുരുക്ഷേത്രം . ചുരുക്കത്തില്‍ നാം ആത്മാവിലുള്ള ഈശ്വര ചൈതന്യത്തെ മുന്‍നിര്‍ത്തി ...ബുദ്ധിയാകുന്ന കടിഞ്ഞാണ്‍ കൊണ്ട് പഞ്ചേന്ദ്രിയങ്ങളെ നിയന്ത്രിച്ച്‌ ജീവിതമാകുന്ന കുരുക്ഷേത്രത്തില്‍ യുദ്ധം ചെയ്തു മുന്നേറണം എന്നാണ് ആ സന്ദേശം ..!! ഭഗവത് ഗീത നല്‍കുന്ന സന്ദേശം അതാണ്‌ ..!! )

65. ഇന്ന് ഹിന്ദുമതം എന്ന് പറയുന്നതിന്റെ പൌരാണികനാമം എന്തായിരുന്നു ?
സനാതന മതം - വേദാന്തമതമെന്നും.

66. സുപ്രസിദ്ധ ക്ഷേത്ര ശില്പഗ്രന്ഥം?
വിശ്വകര്‍മ്മ്യം

67. ആദ്യമായി ഗീതമലയാളത്തില്‍ തര്‍ജമചെയ്തതാര് ?
നിരണത്ത് മാധവപണിക്കര്‍.

68. ശങ്കരാചാര്യരുടെ ഗുരു ആരായിരുന്നു ?
ഗോവിന്ദഭാഗവദ്പാദര്‍.

69. സപ്താശ്വാന്‍ ആരാണ് ?
ആദിത്യന്‍ , ആദിത്യന്‍റെ രഥത്തില്‍ ഏഴ് കുതിരകളെ പൂട്ടിയിട്ടുള്ളതായി പുരാണം.

70. ഈശ്വരപൂജയില്‍ ഹിന്ദുക്കള്‍ ആദ്യമായി ഉപയോഗിക്കുന്ന മന്ത്രമേത് ?.
ഓംകാരം

71. ശിവപാര്‍വ്വതി സംവാദരൂപേണ ദത്താത്രേയ മുനി രചിച്ചിട്ടുള്ള
ശാസ്ത്രശാഖ ഏത്?
തന്ത്രശാസ്ത്രം

72. സംഗീത മഹിമ വിളിച്ചോതുന്ന തന്ത്രത്തിന് പറയുന്ന പേരെന്ത്?
രുദ്രയാമളം

73. ദേഹം ദേവാലയവും അതിനുള്ളിലെ ജീവന്‍ സദാശിവവുമാണെന്ന് പറയുന്ന ഗ്രന്ഥമേത്?
കുളാര്‍ണ്ണവ തന്ത്രം

74. പാര്‍വ്വതി ശിവന് പറഞ്ഞുകൊടുത്ത തന്ത്രം ഏതുപേരില്‍ അറിയപ്പെടുന്നു?
നിഗമ ശാസ്ത്രം

75. തന്ത്രസമുച്ചയത്തിന്റെ രചയിതാവ് ആര്?
ചേന്നാസ് നാരായണൻ നമ്പൂതിരിപ്പാട്

76. ശിവന്‍ പാര്‍വ്വതിക്ക് ഉപദേശിച്ചുകൊടുത്ത തന്ത്രം ഏത് പേരില്‍ അറിയപ്പെടുന്നു?
ആഗമ ശാസ്ത്രം

77. തടിയില്‍ നിര്‍മ്മിച്ച വിഗ്രഹങ്ങള്‍ക്ക് പറയുന്ന പേര്?
ദാരുമയി

78. ക്ഷേത്രത്തിലെ അന്തരാളം മനുഷ്യശരീരത്തില്‍ എന്ത് സ്ഥാനമാണുള്ളത്?
മുഖം

79. തന്ത്ര സമുച്ചയത്തിലെ ശ്ലോക സംഖ്യ എത്ര?
2895

80. തന്ത്രവിഭാഗത്തെ മൂന്നായി വിഭജിച്ചതിന്റെ പേരുകള്‍ ഏതെല്ലാം?
വിഷ്ണുക്രാന്ത , രഥക്രാന്ത, അശ്വക്രാന്ത................

02 September 2018 ഞായറാഴ്‌ച അഷ്ടമി-രോഹിണി

മഹാവിഷ്ണുവിന്റെ എട്ടാമത്തെ അവതാരമായ ഭഗവാൻ ശ്രീകൃഷ്ണന്റെ ജന്മദിവസമാണ് അഷ്ടമി-രോഹിണി ആയി ആഘോഷിക്കുന്നത്. ചിങ്ങമാസത്തിലെ കൃഷ്ണ പക്ഷത്തിൽ അഷ്ടമിയും രോഹിണിയും ഒത്തു വരുന്ന ദിവസമാണ് സാധാരണയായി അഷ്ടമി രോഹിണിയായി ആഘോഷിക്കുന്നത്. ഇവിടെ അഷ്ടമിക്കാണ് പ്രധാനം. അതുകൊണ്ട് തന്നെ അഷ്ടമിയും രോഹിണിയും ഒത്തു വരാത്ത വർഷങ്ങളിൽ മദ്ധ്യ രാത്രി അഷ്ടമി വരുന്ന ദിവസമാണ് ജന്മാഷ്ടമി ആയി കണക്കാക്കുന്നത്.
എന്നാൽ ഈ വർഷം രണ്ടാം തീയതി അർദ്ധരാത്രി അഷ്ടമിയും രോഹിണിയും ഒന്നിച്ചു വരുന്നുണ്ട് എന്നത് വിശേഷമാണ്. കൃഷ്ണാഷ്ടമി എന്നും ഈ ദിവസം അറിയപ്പെടുന്നു. ജന്മാഷ്ടമിയും കൃഷ്ണാഷ്ടമിയും കൂടാതെ ഈ ദിവസം ഗോകുലാഷ്ടമി, ശ്രീ കൃഷ്ണ ജയന്തി എന്നും അറിയപ്പെടുന്നു.

*അഷ്ടമി-രോഹിണി വ്രതം*

സപ്തമി ദിവസത്തെ (01/09/2018 ശനിയാഴ്ച) സൂര്യാസ്തമയം മുതലാണ് വ്രതം ആരംഭിക്കേണ്ടത്. ഈ സമയം മുതൽ അഷ്ടമി ദിവസം പകൽ മുഴുവനും അന്ന് അർദ്ധരാത്രി വരെ വ്രതം അനുഷ്ഠിക്കണം. ഈ സമയമത്രയും മത്സ്യ മാംസാദികൾ വെടിഞ്ഞ് പഞ്ചശുദ്ധി (മനശുദ്ധി, ശരീരശുദ്ധി, വസ്ത്രശുദ്ധി, ആഹാരശുദ്ധി, വ്രതശുദ്ധി) യോടുകുടി യും ലഘുഭക്ഷണത്തോടുകൂടിയും (പാൽ, പഴം മുതലായവ - അരി ആഹാരം ഒഴിവാക്കിയാൽ നന്ന്) കൃഷ്ണ നാമങ്ങൾ ജപിച്ച് കഴിയണം. അഖണ്ഡ നാമം നടക്കുന്നിടത്ത് അതിൽ പങ്കാളിയാകാം. ബ്രഹ്മചര്യം പാലിക്കണം.
ഓം നമോ ഭഗവതേ വാസു ദേവായ, ഹരേ രാമ ഹരേ രാമാ രാമ രാമ ഹരേ ഹരേ ഹരേ കൃഷ്ണ ഹരേ കൃഷ്ണാ കൃഷ്ണ കൃഷ്ണ ഹരേ ഹരേ മന്ത്രങ്ങൾ ജപിക്കാവുന്നതാണ്.

ഈ സമയത്ത് ഭാഗവതം, നാരായണീയം, ശ്രീകൃഷ്ണ കർണ്ണാമൃതം തുടങ്ങിയ ഭഗവത് ഗ്രന്ഥങ്ങൾ പാരായണം ചെയ്യുന്നത് ജന്മാന്തര പാപം നിവാരണം ചെയ്യുമെന്നു വിശ്വസിക്കപ്പെടുന്നു. ഏതു പ്രായക്കാർക്കും വ്രതം അനുഷ്ഠിക്കാം. ഏതെങ്കിലും മരുന്നു കഴിക്കുന്നവർ അതു കഴിച്ചുകൊണ്ട് ആഹാര ക്രമീകരണങ്ങൾ ചെയ്യാം. ഭഗവാന്റെ കാര്യങ്ങൾക്ക് ഈ കാര്യത്തിൽ ഉപാധിയും നിബന്ധനകളും ഇല്ല. പൂർണ്ണ ആരോഗ്യമുളളവർ കഴിയുന്നത്ര മുകളിൽ പറഞ്ഞ കാര്യങ്ങൾ പാലിക്കണം.

ഈ ദിവസം അനപത്യതാദുഃഖം (സന്താനമില്ലാത്ത ദുഃഖം) അനുഭവിക്കുന്നവർ സന്താനഗോപാല മന്ത്രം 41 പ്രാവശ്യം നിറഞ്ഞ ഭക്തിയോടെ ജപിച്ചാൽ ഫലസിദ്ധി നിശ്ചയമാണ്.

അതുപോലെ ആയുരാരോഗ്യത്തിന് ആയുർഗോപാല മന്ത്രം 41 പ്രാവശ്യം ജപിക്കണം.

കുട്ടികളുടെ വിദ്യാഭ്യാസ ഉന്നതിക്കായി വിദ്യാഗോപാലമന്ത്രം 41 പ്രാവശ്യം ജപിക്കുക.

*സന്താനഗോപാല മന്ത്രം*

ഓം ദേവകീസുത ഗോവിന്ദ
വാസുദേവ ജഗത്പതേ
ദേഹി മേ തനയം കൃഷ്ണാ
ത്വാമഹം ശരണം ഗത

*ആയുർഗോപാല മന്ത്രം*

ഓം ദേവകീസുത ഗോവിന്ദ
വാസുദേവ ജഗത്പതേ
ദേഹി മേ ശരണം കൃഷ്ണാ
ത്വാമഹം ശരണം ഗത

*വിദ്യാഗോപാല മന്ത്രം*

കൃഷ്ണ കൃഷ്ണ ഹരേ കൃഷ്ണാ
സർവജ്ഞത്വം പ്രസീദമേ
രമാ രമണ വിശ്വേശാ,
വിദ്യാമാശു പ്രയശ്ചമേ

(നിരീശ്വര വാദികളും ഭൗതിക വാദികളും ക്ഷമിക്കുക. ഇതു നിങ്ങൾക്കുളളതല്ല. നിങ്ങൾക്ക് ഭഗവാനും തട്ടിപ്പിന്റെ വക്താവാണല്ലോ)

ഭഗവാന് പാൽപായസം, തൃക്കൈവെണ്ണ, തുളസിമാല എന്നീ വഴിപാടുകൾ നടത്തുക.

പിറ്റേന്ന് രാവിലെ ക്ഷേത്രദർശനം നടത്തി വ്രതം അവസാനിപ്പിക്കാം. അന്നാണ് സാധാരണയായി ഗോകുലാഷ്ടമിയായി ഭഗവാന്റെ ജനനത്തിന്റെ ആഘോഷങ്ങൾ നടത്തുന്നത്.

കന്മഷങ്ങൾ കളയുവാനും ഐശ്വര്യം ഉണ്ടാവാനുമാണ് ഈ വ്രതം ആചരിക്കുന്നത്.

ഈ വർഷം കഠിനമായ പ്രളയകാല ദുരിതമനുഭവിക്കുന്നവർക്കായിക്കൂടി വ്രതം അനുഷ്ഠിച്ചു പ്രാർത്ഥിക്കണമെന്ന് അപേക്ഷിക്കുന്നു.

*ശ്രീകൃഷ്ണാർപ്പണമസ്തു*